رواية جديدة

وإلا والله العظيم هقلب الفرح ده مناحة!
عمر وشه احمر وعروقه برزت وقال بتحدي مرعب
وريني هتعملي إيه يا أميرة! لو فتحتي بقك بكلمة واحدة، لا إنتي مراتي ولا أعرفك، وهرميكي في الشارع باللي عليكي.. الكوليه ده بقى ملك العروسة خلاص، وبلاش حركات نسوان بيئة وتفرجي علينا أمة لا إله إلا الله!
سابني ومشي.. راح وقف جنب العريس يضحك ويهزر وكأن مفيش حاجة حصلت. وقفت أنا في نص القاعة، لابسة أشيك لبس عندي، بس حاسة إني عريانة.. حاسة إن الراجل اللي استأمنته على حياتي طلع هو الحرامي اللي بيسرقنى
بصيت لحماتي وهي بتبص لي بنظرة شماتة من بعيد، وكأنها بتقول لي شوفي.. خدناه منك برضاكي أو ڠصب عنك.
في اللحظة دي، الۏجع في قلبي اتحول لبركان.. مسحت دموعي بقوة، وبصيت للكوليه اللي بيلمع في رقبة أخت جوزي، وقلت في سري
بقى كدة يا عمر؟ عايز تكبرهم على حسابي؟ طيب.. أنا بقى هوريك التصغير على أصوله، والدهب ده هيرجع لي، وبطريقتي أنا!
وقفت أميرة في نص القاعة لحظة والدم بيغلي في عروقها، لكن عقلها فجأة بقى هادي بشكل غريب.
هي عارفة كويس إن أي خناقة دلوقتي هتبقى في صالحهم وهي اللي هتطلع غلطانة قدام الناس.
ابتسمت ابتسامة صغيرة مسحت بيها دموعها وكأنها اقتنعت بكلام عمر.
قربت من حماتها وقالت بهدوء
مبروك يا طنط الكوليه فعلاً لايق على العروسة.
حماتها بصتلها باستغراب، كأنها مستنية منها ڤضيحة.
لكن أميرة كانت أهدى من اللازم وده خلاهم يطمنوا.
عدى الفرح والزغاريط خلصت والكل رجع بيته.
أول ما دخلوا الشقة أميرة قفلت الباب ولفت وشها لعمر.
قالتله بهدوء مرعب
هات الكوليه.
ضحك عمر بسخرية وقال
لسه بتفكري فيه؟ قولتلك خلاص بقى بتاع أختي.
قعدت أميرة على الكرسي وبصت له بثبات وقالت
تمام يبقى بكرة الصبح نروح القسم.
اتجمد عمر مكانه.
قسم إيه؟
قالت وهي بتطلعه موبايلها
قسم الشرطة هبلغ بسړقة دهب.
ضحك باستهزاء
سړقة إيه يا مچنونة؟
فتحت الموبايل وورته صور الكوليه وصور الفواتير وصور الجمعيات اللي كانت بتقبضها وكل حاجة متصورة.
وقالت
الكوليه ده باسمي والفاتورة باسمي والدهب ده مالي أنا.
يعني قانوناً اللي أخده من غير إذني اسمه سړقة.
بدأ القلق يظهر على وش عمر.
قال بعصبية
إنتي
هتفضحينا؟
ردت بهدوء
لا إنت اللي ڤضحت نفسك لما سرقتني.
سكت لحظة لكنه حاول يهددها تاني
ولو عملتي كده هطلقك.
ابتسمت أميرة ابتسامة ۏجع وقالت
أنا أصلاً من اللحظة اللي سرقتني فيها بقيت لوحدي.
وفعلاً تاني يوم الصبح لبست أميرة هدومها وخرجت.
لكنها ما راحتش القسم الأول
راحت بيت أهل عمر.
دخلت عليهم وهم قاعدين يفطروا.
حماتها قالت ببرود
خير؟ جاية بدري كده ليه؟
أميرة ردت بهدوء
جاية آخد حقي.
ضحكت أخت جوزها وقالت وهي بتمسك الكوليه
قصدك ده؟ خلاص بقى هدية أخويا.
أميرة طلعت الموبايل وفتحت تسجيل صوت.
وفجأة صوت عمر طلع واضح
أيوه أنا خدت الكوليه من الدولاب وديته لأمي عشان نكبر أختي.
البيت كله سكت.
الصدمة ظهرت على وشوشهم.
قالت أميرة بهدوء
التسجيل ده لو وصل للقسم هيبقى محضر سړقة.
بصت لحماتها