بعد لما ابوهم ماټ

لنا ان ماټ مۏته طبيعيه ازاى بقا اټقتل
وكيل النيابة
حسن عيط وقال
لا إله إلا الله معقوله ابويا يكون اټقتل طيب مين اللي هيعمل فيه كده يابيه بس ده ابويا ده طول عمره راجل غلبان وفي حاله ومعروف عنه ان الناس كلها بتحبه مين اللي هيعمل فيه كده انا مش قادر أصدق يا بيه مش قادر
وكيل النيابة
اهدي يا حسن وانتو هنا طبعا عشان نعرف منكم ايه اللي حصل يوم الوفاه احكي لي كل حاجة ياحسن
حسن
اللي حصل يا فندم اني انا واخواتي كنا قاعدين مع ابونا بالليل عادي زي ما بنقعد معاه كل يوم ماهو الحمد لله مش بيعدي يوم غير لما بنفضل انا واخواتي مع ابونا أصله من يوم امي ما اټوفت واحنا اتجوزنا هو كان عايش لوحده وكانت مراتي بتنزل تعمل اكله او مرات فوزي اخويا وهكذا يابيه احنا بقا في الليلة سبناه كالعاده وطلعنا كل واحد شقتة وتاني يوم الصبح عفاف مراتي كانت نازله عشان تنضف له البيت وفجأة لقيتها بتسرخ وجات تصحيني وقالت لي الحق ياحسن ابوه بصحيه مش راضي يرد عليا
وكيل النيابه
طيب وهو اصلا مفيش حد خالص بيكون بايت معاه في الشقه يعني ابوكم بيبقا لوحدة
حسن.
لا يابيه وليد اخونا الصغير بيكون بايت معاه بس
في الليله دي وليد اصلا كان مع أصحابه في رحله وكان مسافر قبلها بيوم ومكنش موجود في البيت
وكيل
النيابة
يعني انتو سبت ابوكم وطلعتو كل واحده شقته وصحيتو الصبح لاقيتوه ماټ طيب ياحسن احنا هتبعت نجيب زوجتك اللي شافت والدك وهو مټوفي
حسن
ومالو يافندم ابعتو هاتوتها
وكيل النيابة
طيب اتفضل انت ياحسن
وبعدها دخل فوزي وحقق معاه وخرج وبعدين وليد اللي كان عمال يعيط ومش مبطل عياط ووكيل النيابة قاله
اهدي يا وليد ربنا يرحمة اهدي كده وقولي انت كنت فين بقا
وليد
كنت في البيت يابيه ماهما لسه جايبيني من البيت
وكيل النيابه.
لا انا اقصد يوم وفاه ابوك كنت فين مش انت اللي بتبات معاه في الشقه ولا ابوكم بيبات لوحده
وليد
لا يافندم انا فعلا اللي ببات معاه وكنت نايم وبعدين مرات اخويا الصبح لقيتها بتصوت وبتقول ان ابويا ماټ
وكيل النيابه بص له بخبث وقاله
يعني مكنتش في رحلة زي ما حسن اخوك بيقول وكنت نايم مع ابوك في الشقه
وليد ارتبك وقاله
اااا ايوه ايوه يا بيه انا فعلا كنت مع اصحابي في رحلة وقبلها بيوم انا بس من الصدمة وانا مش قادر اتكلم وناسي كل حاجة
وكيل النيابه فضل باصص له وبعدها قاله
طيب اتفضل انت يا وليد
وبعت للظابط وقاله
لنت هتتحفظ عليهم في الحبس لحد لما اعرف في ايه عشان وليد وقع بلسانة بحاجة كده ولا اعرفها
و خلو التلاتة الحبس ووليد قالهم
ياريتني مكنت سمعت كلامكم ياريتني انا عايز اخرج من هنا خرجوني من هنا
فوزي
اكتم ياااض اكتم خالص لحسن اخلص عليك دلوقتي سكتة ياحسن هيودينا في داهيه الواد ده
حسن
بس يا وليد بطل اللي انت بتقولو ده
وليد
يا حسن انا عايز اخرج من هنا ياحسن خرجوني بدال ما اقول على كل حاجة انا مش عايز افضل هنا اناااا وفي الوقت ده انهار وليد
راح عليه فوزي وحط ايده على بوقة وقاله
ماتخرس يالااا انت بتستهبل ولا ايه بطل الكلام ده
وليد
انا مش هسكت يا فوزي وهاقول على كل حاجة انا مش عايزة افضل هنا مش كفايه اشتركت معاكم وانا اصلا مكنتش عايز كده مكنتش يحصل ده كله انتو السبب
حسن
أخرس بقاااا انت شكلك مش ناوي تجيبها لبر
وفي الوقت ده دخل
عليهم العسكري وهما پيتخانقو
مع بعض
وقالهم
تعالو معايا