رواية كامله

مقامها هناك. أما أنا، فمكاني فوق.. فوق الكل.
مشيت شيرين بخطوات واثقة، وسابت حاجتها مرمية على الأرض. السواق شاور بإيده، وفي ثواني ظهرت عربية فان تانية نزل منها ٤ موظفين من شركة شيرين، وبدأوا يلموا الهدوم والكتب بمنتهى الحرص وكأنهم بيتعاملوا مع مجوهرات، مش لبس مرمي في الشارع.
نرمين بلعت ريقها وقالت بصوت مهزوز شيرين.. إيه المسرحية دي؟ أنتي أجرتي العربية دي بكام عشان تعملي علينا نمرة؟
شيرين مردتش عليها. ركبت العربية، والمايباخ تحركت ببطء، لفت الميدان ووقفت قدام باب البرج الزجاجي الفخم اللي قصاد الفيلا.. البرج اللي ليلى طول عمرها بتحلم تسكن فيه وتقول أنا جارت البشوات، بس شقته كانت ب ٥٠
مليون جنيه.
أمن البرج أول ما شافوا العربية، فتحوا الأبواب الكهربائية وضربوا تعظيم سلام. ليلى كانت واقفة على باب فيلتها، فاتحة بوقها ومذهولة وهي شايفه شيرين داخلة البنتهاوس اللي في آخر دور.. الدور اللي مبيسكنوش فيه غير الملوك.
المواجهة الأولى الصدمة
بالليل، ليلى منمتش. كانت واقفه في البلكونة، بتبص على الدور الأخير في البرج. الأنوار كانت منورة، وشافت خيال شيرين وهي واقفة في التراس الواسع اللي بيطل على النيل، وماسكة كاس عصير وبتتكلم في التليفون بمنتهى الهدوء.
تامر دخل عليها البلكونة وقال بتوتر يا طنط ليلى، أنا سألت واحد صاحبي شغال في العقارات.. قالي إن البرج ده ملك لشركة عز الدين للتطوير. والمديرة التنفيذية اسمها شيرين عز الدين.. تفتكر هي دي؟
ليلى صړخت فيه مستحيل! دي شيرين الغلبانة، اللي كانت بتجيب خضارها بالشنط البلاستيك، وبتركب عربية موديل سنة جدي! أكيد ڼصابة، أكيد ضاحكة على حد.
في اللحظة دي، موبايل ليلى رن. كان ياسر.
ياسر بصوت مړعوپ أمي! أنتي عملتي إيه؟
ليلى ببرود مصطنع عملت إيه يا حبيبي؟ نضفتلك
البيت من اللي مكنتش عاجباك، ونقلتها الجراج عشان تامر يسك...
قاطعها ياسر پصرخة هزت الموبايل جراج إيه وتامر إيه! شيرين لسه قافلة معايا.. قالت لي إنها رفعت قضية طلاق، وإنها بعتت إنذار ب إخلاء للفيلا اللي أنتوا قاعدين فيها!
ليلى ضحكت بسخرية تطردنا من بيتنا؟ دي فيلا أبوك الله يرحمه يا ياسر، أنت اټجننت؟
ياسر وصوته بيقطع من العياط يا أمي افهمي.. الفيلا دي أنا كنت رهنها للبنك عشان مشروعي اللي فشل، والبنك كان هيحجز عليها، وشيرين هي اللي اشتريتها من البنك من وراكم عشان تحمينا من الشارع! الفيلا دلوقتي قانوناً ملك لشركتها هي.. وهي لسه مبلغاني إنها هتطبق نظام السكن الجديد اللي أنتي اقترحتيه!
الاڼتقام الهادئ
تاني يوم الصبح، الساعة ٧ بالتمام.
ليلى ونرمين وتامر صحيوا على صوت لودر عملاق واقف قدام باب الفيلا. ومعاه طقم أمن كامل من شركة شيرين.
شيرين نزلت من البرج، كانت لابسة بدلة رسمية بيضاء، ونضارة سوداء، وشعرها معمول ويفي كأنها خارجة من مجلة موضة.
وقفت قدام ليلى وقالت صباح الخير يا طنط. الكلب أخبار مساحته إيه؟
نرمين حاولت تعلي صوتها شيرين، عيب اللي بتعمليه ده، إحنا أهل!
شيرين ضحكت ضحكة رقيقة ومرعبة أهل؟ اللي بيرمي هدوم أهله في الشارع ويسكنهم في الجراج وسط بقع الزيت عشان خاطر كلب.. ميعرفش يعني إيه كلمة أهل.
طلعت شيرين ورقة رسمية وقالت ده أمر إخلاء فوري. الفيلا دي هيتم هدمها الأسبوع الجاي عشان هبني مكانها كلوب هاوس تابع للبرج بتاعي. بما إنكم بتحبوا المساحات المفتوحة، فالجنينة هتبقى متاحة ليكم لمدة ٢٤ ساعة تلموا فيها حاجتكم.
تامر حاول يتدخل يا فندم ميسحش كدة، أنا...
شيرين بصتله نظرة خلت الكلب بتاعه يستخبى ورا رجله أنت بالذات يا تامر، شركتي عرفت إنك بتستخدم الكلب ده