رواية كامله

جوزي اتوفى بعد صراع مع المړض واټصدمت صدمة عمري في عزاه لما عرفت انه كان متجوز وعنده بيت تاني وزوجه وابن .. ومش بس كده..ده كمان كتب كل اللي يملكه لمراته التانيه وابنها
وانا سابلي جواب مع المحامي مجرد ورقه هدمت كل شئ
٥ سنين وأنا وسامح كنا بنرسم حكاية الكل بيتحاكى بيها. سامح مكنش مجرد زوج،ده كان ابو بنتي وكل حياتي كان النفس اللي بطلعه. شيلته في عيني وهو في عِز صحته، وشيلته فوق راسي وهو في عز مرضه.
يوم ما المړض نهش في جسمه، كنت أنا اللي صاحية وجنبه، بنام على الكرسي الخشب في المستشفى وأهله نفسهم بيملوا ويغيبوا. كنت بمسح دموعه قبل ما تنزل، وبدعي ربنا ياخد من عمري ويديله. مكنتش متخيلة للحظة إن السند اللي ساندة ضهري عليه في حياته، هو نفسه اللي هيشد الأرض من تحت رجلي بعد مۏته
بعد ما خدت عزاه والبيت كان لسه فيه ريحة البخور، والۏجع مالي الأركان.. قعدت على الكنبة بنتي اللي عندها اربع سنين..كانت بتبصلي ومش فاهمه حاجه ... وأنا حاسة إني جسد من غير روح، لحد ما الباب اتفتح ودخل عادل المحامي، ووراه واحدة لابسة أسود بس عينيها كانت بتلمع بانتصار غريب، وفي إيدها طفل صغير ملامحه نسخة من سامح.
بصيت لعادل باستغراب في إيه يا عادل؟ ومين دي؟.
عادل اتنهد بحزن، وبص في الأرض وهو بيطلع ورقة من شنطته شدي حيلك يا مدام ليلى.. دي مدام مروة، زوجة الأستاذ سامح.. وده ابنه ياسين.
الدنيا اسودت في عيني، والحيطان بدأت تلف بيا.. قمت وقفت وأنا مش حاسة برجلي أنت بتقول إيه يا عادل؟ سامح يتجوز عليا؟ سامح اللي كان روحه فيا؟ أنت أكيد غلطان!.
قربت مني الست التانية بابتسامة صفرا، وطلعت قسيمة جواز رسمية وحطتها قدام عيني أهو.. عشان متفتكريش إننا جايين نتبلى عليكي.. ده جوزي وأبو ابني، وعشنا سوا سنين
رجعت لورا وجسمي كله بيترعش، كنت هقع لولا إن عادل سندني وقعدني بالعافية وهو بيقول وحدي الله يا مدام ليلى..
كنت بمۏت حرفيا ومش قادره استوعب وياريتها جات على كده اتفاجأت بعادل بلع ريقه بحرج وحزن وقال.. بصراحه لازم تعرفي الأستاذ سامح الله يرحمه كتب كل أملاكه، الشقة، الأرض، وحساب البنك.. كله باسم مدام مروة وابنها.
شهقت شهقة مكتومة، وكأن حد ضړبني پسكينة في قلبي.. بصيت حواليا في الشقة اللي فرشتها بدموعي، وافتكرت كل ليلة سهرتها جنبه في الكيماوي، كل لقمة كنت بحرم نفسي منها عشان علاجه، كل دعوة دعيتها لربنا يخليه ليا.. ليه؟ ليه يا سامح؟ ده أنا اللي شلتك وأهلك سابوك! أنا اللي كنت بقوم في نص الليل علشانك، أنا اللي كنت سندك لما الدنيا داقت بيك.. تبعني؟ وتبيع عشرتنا وياريت فيه سبب
بصيت لعادل