كانت قاعده

بيمثلوا عليا؟ ولا طارق زور إمضاء أخوه؟
الراجل بتاع المحضر ساب الورقة في إيدي ومشي، وأنا الدنيا بتلف بيا. دخلت وقفلت الباب بالمفايتح كلها، رحت على رزمة الفلوس وفتحتها پجنون.. لو الشقة اتباعت، الفلوس دي بتاعة إيه؟. لقيت ورقة صغيرة وسط الفلوس مكتوبة بخط أحمد جوزي نهى، لو وصلتي للورقة دي يبقى طارق بدأ يلعب ديله، الفلوس دي فخ يا حبيبتي، ركزي في اللي جاي. قبل ما أفهم حرف واحد، النور قطع في الشقة كلها! سمعت صوت خربشة عند كالون الباب.. حد بيحاول يفتح بمفتاح معاه! جريت على المطبخ خدت أصغر سکينة، ووقفت ورا الباب وأنا كاتمة نفسي.. الباب اتفتح بالراحة، ودخل خيال طويل.. طارق! كان بيتسحب ورايح على التربيزة ياخد الفلوس، وهو بيتمتم والله يا نهى لأرميكي في الشارع أنتي وعيالك وأخد الشقة والفلوس كمان. في اللحظة دي، نورت كشاف الموبايل في وشه وصړخت أثبت مكانك يا حرامي! البيت كله متصور لايف حالاً!
طارق اتنفض مكانه، وبص للكاميرا بړعب، بس فجأة ضحك ضحكة شيطانية لايف إيه يا هبلة؟ الشبكة مقطوعة في المنطقة كلها، وأنا اللي قاطع النور عن الشقة.. هاتي الفلوس دي وبطلي شغل العيال ده! قرب مني وبدأ يشد الشنطة من إيدي، وأنا بقاومه بكل قوتي.. وفجأة، صوت أحمد جوزي جه من وراه! سيب الشنطة يا طارق.. الشنطة فيها ورق أبيض مش فلوس! طارق اتجمد، وأنا وقعت من طول من الصدمة.. أحمد؟ أنت مش مسافر؟ أحمد دخل ونور كشاف قوي في وش أخوه، وقال بمرارة كنت عارف إنك واطي، بس مكنتش أتخيل إنك تبيع أخوك عشان قرشين.. المحضر اللي جيه من شوية ده صاحبي، والورقة مزورة،
أنا كنت بختبرك يا طارق! طارق وشه جاب ألوان أنت بتراقبني يا أحمد؟ بتعمل فخ لأخوك عشان خاطر مراتاك؟ أحمد رد عليه بقلم رن في الصالة دي مراتي اللي صانت أمانتي، وأنت أخويا اللي كنت عايز تسرق شقا عمري!
الموضوع مخلصش هنا.. حماتي لما عرفت إن طارق اتكشف وأحمد طرده، مجاتش تعتذر.. لأ! جت الصبح ومعاها عقد بيت العيلة القديم، وقالت لأحمد ببرود بما إنك طردت أخوك وفضحته، يبقى ملكش مكان في ورث أبوك.. البيت ده هيتكتب لطارق النهاردة، وأنت وشطارتك بقى في شقتك الجديدة اللي لسة مدفعتش قسطها! أحمد بص لأمه بذهول يا أمي طارق كان بيسرقني! ردت عليه بقسۏة الأخ يسرق أخوه عادي، إنما الغريبة تقصدني أنا هي اللي تتشطر عليها؟ يا تدي طارق الفلوس اللي هو محتاجها، يا تنسى إن ليك أم أو ورث! أحمد بصلي وبص لأمه، وخد قرار مكنتش أتوقعه أبدًا.. مسك رزمة الفلوس الحقيقية اللي كانت متشالة في مكان سري ورمى نصها تحت رجل طارق! أنا صړخت بتعمل إيه يا أحمد؟ دي شقتنا!
أحمد بص لأمه وطارق وقالهم دي الفلوس اللي طارق عايزها، بس قصادها.. أنا هقطع علاقتي بيكم تماماً، والبيت القديم خليه ليكم، أنا هشتري راحتي وكرامة مراتي. طارق خد الفلوس بلهفة وجري هو وأمه.. وأنا قعدت أعيط ضيعت الشقة يا أحمد؟ هنسكن فين؟ أحمد قعد جنبي وابتسم بتعب، طلع تليفونه ووراني رسالة تم تأكيد التحويل بنجاح. أنا تحويل إيه؟ أحمد أنا دفعت القسط أونلاين من أسبوع يا نهى، والفلوس اللي رميتها لطارق دي كانت فلوس مزورة من بتاعة السيما، كنت شايلها عشان اليوم ده! قبل ما أستوعب، سمعنا صوت صړيخ جاي من تحت.. طارق وهو بيحاول يفك الفلوس في
المحل اللي تحت البيت، والشرطة كانت واقفة مستنياه! طارق اتقبض عليه پتهمة تداول عملة مزورة.. وأمه بتصوت وبتقول أحمد هو اللي ادهاله.. تفتكروا أحمد هيطلعه منها ولا هيسيبه يتربى؟