كسبت في اليانصيب

الأرقام كانت بتنور قدامي على الشاشة وزي ما يكون قطر خبطني.. 18 6 مليون دولار! أول فكرة جت في بالي كانت أمي هفرحها.. إخواتي هسدد ديونهم.. ريان جوزي هخليه يسيب الشغل اللي تانحه ده.. بس فجأة افتكرت نظرة الاستغلال اللي بشوفها في عينيهم كل ما أسلفهم قرش، فكرة شيطانية نطت في عقلي يا كلير.. الفلوس بتغير الناس، بس الۏجع بيكشفهم.. جربيهم الأول!.
حبست نفسي في الحمام، غسلت وشي بمية ساقعة، وطلعت ريان جوزي كان قاعد بيلعب جيمز ولا كأني موجودة.. سألني ببرود العشا فين يا فكيكة؟.. بصيت له وقلت في سري الصبر يا ريان.. الصبر يا أغلى الناس، هشوف دلوقتي كنت بتحبني أنا ولا بتحب الحمالة الأسية اللي فيا!.
تاني يوم الصبح، بدأت تمثيلية العمر.. لبست هدوم قديمة، ونكشت شعري، وكلمت أمي وأنا بنهج وببكي ماما.. أنا في مصېبة، المحامي كلمني والضرائب القديمة هتتحجز على بيتي وعفشي، محتاجة 500 دولار بس أسكتهم بيهم لآخر الشهر.. أبوس إيدك ساعديني!.
سمعت تنهيدة أمي الطويلة، وقالت لي ببرود جمد الډم في عروقي يا بنتي إحنا اللي فينا مكفينا، وبعدين إنتي طول عمرك مسرفة.. ما تجريناش وراكي في قرفك يا كلير، أنا لسه دافعة اشتراك النادي لأختك ميغان، روحي شوفي أخوكي ديريك يمكن يحن عليكي!.
كلمت ديريك أخويا الكبير، اللي ياما دفعت له إيجار شقته عشان ميتطردش.. قلت له ديريك، أنا محتاجة مساعدة، البيت هيضيع مني.. ضحك ضحكة سمجة وقال والله يا كيكي أنا لسه شاري طقم جنوط جديد للعربية، وبعدين إنتي عملية وتعرفي تتصرفي.. بيعي أي حاجة من كراكيبك دي، أنا مش بنك متنقل!.
قفلت السكة وأنا مش مصدقة.. دول اللي كنت هشيلهم في عيني؟ دول اللي كنت هقسم معاهم الملايين؟ رحت لريان جوزي في البيت، رميت نفسي في حضنه وبكيت ريان.. أنا ضعت، محتاجة أسحب من مدخراتنا عشان أسدد دين قديم.. زقني ببرود وقال مدخرات إيه؟ أنا لسه حاجز رحلة الصيد مع صحابي.. إنتي دايماً نكدية وبوظتي عليا اليوم!.
كنت قاعدة في بارك لوحدي، وببكي بحړقة.. فجأة موبايلي رن، كانت سارة.. صاحبتي اللي مكلمتهاش من سنة، واللي بتشتغل شغلانتين عشان تصرف على بنتها.. سألتني كلير؟ صوتك ماله؟.. حكيت لها نفس القصة المكذوبة.
ساعة واحدة ولقيت سارة جاية بتهج، وشها عرقان، ومسكت إيدي وحطت فيها مغلف خدي يا كلير.. دول 600 دولار، كنت شايلاهم لمصاريف مدرسة بنتي بس إنتي أغلى.. أنا معاكي ومتقلقيش، هبات عندك النهاردة ونفكر سوا هنعمل إيه.. في اللحظة دي، عرفت إن ال 18 مليون دولار ميسووش ظفر سارة.
بعد أسبوع، عزمت الكل في أغلى مطعم في المدينة.. ريان، أمي، ديريك، ميغان.. وسارة طبعاً كانت جنبي.. الكل كان مستغرب، وأمي قالت بقرف جايبالنا مطعم غالي وإنتي شحاتة؟.. طلعت