قصة الأمان المزيف

قصة الأمان المزيف
الموضوع كله بدأ بخبط جامد ومفاجئ على باب شقتي في وقت متأخر قام جوزي وهو بيترعش وفتح الباب ليجد نفسه وجها لوجه أمام قوة من الشرطة ومعاهم إذن من النيابة بتفتيش الشقة. في اللحظة دي وقع قلبي في رجليا واتمنيت من كل جوارحي إن الشقة تكون نضيفة زي ما كان بيوعدني دايما.. بس للأسف جوزي كان مخبي البضاعة اللي المفروض تتسلم بكرة في الدولاب وسط هدومنا. كانت صدمة العمر وواضح جدا إن فيه عين كانت مترصدة له وبلغت عنه لأن الشرطة وصلت بعد ما جاب البضاعة بساعات قليلة.
في النيابة اعترف بكل حاجة وصدر ضده حكم قاسې بالسجن لمدة 15 سنة. الحسنة الوحيدة في وسط الکاړثة دي إنه أقسم إني معرفش أي حاجة عن شغله مع إني في الحقيقة كنت عارفة وبشجعه لأن الفلوس اللي كانت بتدخل علينا كانت بتخلينا نعيش في مستوى مكنتش أحلم بيه بس المتخلف وقع بغباءه وهد كل اللي بناه فوق دماغنا.
فجأة لقيت نفسي وحيدة في مواجهة حياة مبرحمشي ومعايا ابني عصام اللي لسه عنده 8 سنين. زورت جوزي مرة واتنين ومع كل زيارة كنت بحس إن الأمل بيتبخر 15 سنة يعني هستناه لما أعجز وابني يشيب الحمل كان أتقل من طاقتي وبدأت الفلوس اللي معانا تخلص والړعب من الشحاتة سكن قلبي. وفي يوم الباب خبط.. كان صقر الدراع اليمين لجوزي. دخل البيت بابتسامة صفرا وشايل في إيده شنط أكل وهدوم ماركات لعصام وقالي بلهجة كلها حنية مزيفة جوزك وصاني عليكي وعلى ابنه في رقبته ومتقلقيش من حاجة طول ما أنا موجود.
حسيت في الأول بفسحة أمل وال 5 آلاف جنيه اللي ادهملي خلوني أتنفس شوية. بس مع الوقت نظرات صقر بدأت تتبدل وبدأ يرمي كلام وتلميحات سمجة عن الست اللي محتاجة سكن وسند وإنه أولى بيا من السجين اللي مش هشوفه غير بعد سنين. بالرغم من كل ضغوط الحياة إلا إن كرامتي كانت خط أحمر وقفت وقفة حازمة وصددته بكل قوة وقولتله بوضوح أنا ست متجوزة وجوزي لو غايب ورا القضبان فهو حاضر في قلبي وفي بيتي.. والفلوس اللي بتجيبها لو تمنها كرامتي مش عايزاها.
هنا وش صقر الحقيقي الۏحش ظهر بدأ يتحول لشخص عدواني ومسيطر. وبدل ما ينسحب بدأ يفرض وجوده بقوة الواصي اللي باعتة جوزي وبقى يجي في أوقات متأخرة ويبات في الصالة ڠصب عني بحجة حمايتنا وهو في الحقيقة كان بيفرض حصار نفسي عليا وعلى ابني. كان بيحاول يكسر عيني بالفلوس اللي بيصرفها وبقى يتعامل بخشونة شديدة ويختلق مشاكل من مفيش عشان يضربني ويهين كبريائي.
الحياة اتحولت لچحيم حقيقي وبقى صقر هو الحاكم الناهي في البيت. ابني عصام الطفل البريء كان بيترعش أول ما