ثمن العشرة كاملة بقلم مني السيد

بعيداً عن الروتين، لكن تهاني كانت أذكى. قامت براحة، راحت المطبخ وطفت الڼار، صفت مية البطاطس وحطت الحلة على السفرة.
هتتعشى؟
تهاني! هتمضي الورق؟
هفكر.. سيبني ليوم الاتنين.
بس الموعد والاتفاق
قولت ليوم الاتنين يا وائل. دي مش ورقة بتتمضي من غير قراية.
وائل دخل نام وهو شايط، أما تهاني ففضلت قاعدة تدور وتجمع معلومات. اكتشفت إن شاهندة دي صيادة محترفة، بتنقي الضحېة، تغميه بكلمتين عن الربح السريع والشغل، وتنفضه وتمشي متوفرة على روايات و اقتباسات
تاني يوم الصبح، تهاني صحيت قبل وائل وحضرت فطار ملوكي. وائل صحي منبهر إيه ده كله؟ شكلك هديتي وفكرتي صح؟
فكرت طبعاً.. أنا نازلة دلوقتي رايحة لصاحبتي فوزية تعبانة في المستشفى.
والورق يا تهاني؟
يوم الاتنين يا وائل، قولتلك بلاش لهوجة.
ماراحتش لفوزية.. راحت لمكتب محامي شاطر في الدقي، الأستاذ عصام. عرفت منه إن الشقة ملكية مشتركة وملوش حق يبيع من غير موافقتها، وإن محاولة تزوير إمضتها جناية تزوير وڼصب. وبالمرة عدت على البنك لقت حسابهم المشترك مسحوب منه مبالغ كبيرة عربون لصفقات شاهندة الوهمية!
كلمت ابنها علي في أمريكا، وعلي اټجنن وحاول يرجع، لكنها طمنته إنها مسيطرة. يوم الحد بليل، وائل رجع بآمال عريضة.
ها يا تهاني؟ قررتي؟
آه يا وائل. بس خلينا صرحاء.. شاهندة دي بتلعب بيك، هي مش عايزة مصلحتك، هي عايزة تمن الشقة. أنا هطلب الطلاق بالمعروف ونقسم الشقة بالنص، 2 مليون ونص ليك، و مليون ونص ليا.
وائل بدأ يلف في الصالة زي المچنون وهددها بإنه هيطلّع شهادة طبية إنها غير متزنة عشان يسلبها حق التصرف، لكن تهاني ببرود طلعت موبايلها
عيد الكلام ده تاني يا وائل.. أنا مسجلة كل كلمة. ټهديد وابتزاز؟ تفتكر النيابة هتعمل معاك إيه؟
وائل انكمش زي البلونه اللي اتخرمت. الطلاق خلص بسرعة، الشقة اتباعت واتقسمت الفلوس بالنص. تهاني خدت نصيبها واشترت شقة راقية وجنب المترو، وفرشتها عفش جديد وشالت الباقي للزمن. أما وائل، فخد نصيبه وراح لشاهندة.. وأول ما عرفت إن المبلغ قل وإنه مابقاش معاه الشقة الكبيرة، اختفت من حياته تماماً.
بعد تلات شهور، وائل حاول يرجع لتهاني وهو مكسور، لكن القطر كان فات. تهاني بدأت تعيش لنفسها، اشتغلت إدارية في مركز طبي، وبدأت تتعلم لغة إنجليزية في كورس، وهناك اتعرفت على الأستاذ محمود، راجل راقي بيحترم عقلها.
لما علي زارها وشافها منورة وشقتها زي الفل، قالها يا ماما، أنا فخور بيكِ.. إنتي عملتي المعجزة.
تهاني بصت له بابتسامة وقالت
المعجزة بدأت يا علي لما قررت مقفلش عيني.. المعجزة إني قريت كل حرف، بالذات الحروف الصغيرة.. هي دي اللي أنقذت حياتي.
النهاية بقلم منى السيد