رواية جديدة

الموضوع كله أخد منها أقل من 4 دقايق.. دانا شغلت لي التسجيلات تاني.. ماكنش في أي لبس أو خطأ ف الموضوع.. فرانسين أم العريس سړقت فلوس من الهدايا اللي جت لبنتي في فرحها.. وفرح ابنها..
دانا قالت لي الديكور ماكنش ضايع.. كان غلط ف العد.. بس السړقة اللي حصلت دي أكيد ومش غلط.. وبصراحة أنا قولت إنك لازم تعرفي قبل ما تسلمي الهدايا للعروسة
قعدت ف مكاني ف المكتب ده لمدة 20 دقيقة.. دانا جابت لي مايه.. مقدرتش أشربها.. مقدرتش اعيط.. أنا بس قعدت وفكرت ازاي انا صرفت 47 ألف دولار عشان ادي بنتي فرح مثالي والست دي جت وسړقت منها بالمنظر ده..
رجعت بيتي وراجعت الهدايا اللي عندي واللي كان المفروض أوديهم لبنتي.. وفعلًا لقيت 9 أظرف فاضية.. وبناء على اللي قرايبي والمعازيم قالوا لي إنهم حطوه لبنتي.. تقريبًا اتسرق 2800 دولار.. اختفوا تمامًا..
مقولتش لبروك.. مش دلوقتي.. أنا اتصلت بتايلور الأول.. قولت لها محتاجة أتكلم معاك جه ف نفس اليوم بعد الضهر.. قعدته وفرجته على التسجيل اللي صورته من على الكمبيوتر ف مكتب دانا.. تايلور اتفرج مرتين.. وشه مبقاش عليه أي تعبيرات.. مقالش والا كلمة لمدة دقيقة وبعدين أتكلم وقال دي أمي
قولت له انا عارفه
سألني اخدت اد ايه؟
قولت
له حوالي 2800 دولار
قالي انا هرجعها
قولت له انا مش فارق معايا الفلوس يا تايلور.. انا اللي فارق معايا إن امك سړقت من مراتك ف فرحكم
مشي ومعرفش ايه بالظبط اللي حصل بينه وبين امه الليلة دي بس بروك اتصلت بيا تاني يوم الصبح وهي مش فاهمه وقالت لي تايلور وامه اتخانقوا خناقة كبيرة امبارح.. هو رجع من عندها وكان ڠضبان جدًا ومتكلمش والا كلمة لمدة ساعتين.. ودلوقتي هي بتكلم كل الناس وبتقولهم إنك بتحاولي تقلبيه عليها.. ايه اللي حصل؟
قولت لها الحقيقة.. كل حاجة.. بروك سكتت وبعدين طلبت مني تشوف التسجيلات.. جت لي البيت ووريتها التسجيل.. كررت الفيديو 3 مرات من غير ما ترمش حتى..
ف تالت مرة وقفت الشاشة على ظرف محدد كان ف ايد فرانسين.. الظرف كان مكتوب عليه اسمه بروك بخط كبير.. بخط ايد صاحبة بروك المقربة..
بروك قالت ده من صاحبتي.. فضلت تحوش 3 شهور عشان تدينا الفلوس دي
حطيت ايدي على كتفها.. بس هي نزلت ايدي من الڠضب.. مش مني.. من الموقف كله.. هي كانت غضبانه..
بروك اتصلت بفرانسين مباشرة.. مسمعتش إلا كلام بروك.. قالت لها انا شوفت التسجيل.. كله.. انتي سړقتي مننا..
أيًا كانت اللي فرانسين قالته.. بس بروك قفلت ف وشها..
تايلور رجع الفلوس بعد أربع أيام.. اداها لبروك ف ايديها.. 2800 دولار كاملين كاش.. وقال ماما قالت إنها كانت شايلاهم معاها عشان محدش ياخدهم..
طبعًا كلنا كنا عارفين إن دي مش الحقيقة.. ولحد دلوقتي فرانسين معتذرتش.. وتايلور قاطعها من ساعتها..تمت
Dodo