الغاء الرحله صافى هانى

كل حاجة معناها مبقتيش تيجي على هوا مصلحتنا.
هناء بصت للفيزا تاني انتي سړقتي دي من شنطتي؟
الأم اتعصبت وقالت متعليش صوتك عليا، أنا خدتها عشان ألحق أعدل الحجوزات قبل ما تعملي حركاتك الدرامية.
هناء حست إن الدنيا بتلف بيها ابني بقاله أسابيع مستني اليوم ده.
منى هزت كتافها ببرود ابقي فهميه بقى إن الدنيا نصيب والظروف بتتغير.
قلب هناء بدأ يدق بسرعة، بس صوتها طلع هادي لدرجة مرعبة خلوني أفهم بس.. أنا اللي دافعة تمن الرحلة دي، وانتوا دخلتوا بيتي، وخدتوا الفيزا بتاعتي، وجايين دلوقتي تقولولي أنا وابني ملناش مكان في الرحلة اللي بفلوسي؟
الأم رفعت راسها لفوق وقالت العيلة محتاجة هدوء وراحة بال.
من الطرقة، جه صوت ياسين الصغير وهو بيسأل پخوف ماما؟ إحنا لسه هنروح؟
محدش رد عليه.
هناء بصت لأمها، وبعدين لأختها، وبعدين ناحية الطرقة اللي واقف فيها ابنها
مستني الكبار يقرروا مصيره ومكانته وسطهم.
وبعدين قالت الجملة اللي خلت الډم يهرب من وشوشهم
قالت بهدوء تمام.. كويس إنك قولتيلي، لأني لغيت الحجز كله ورجعت الفلوس من ساعة.
أول ما الكلمة طلعت من بوقي، الصالة ساد فيها سكون يقبض القلب. أمي الحاجة فاطمة عينيها برقت وبقها اتفتح من الصدمة، ومنى أختي اللي كانت واقفة ببرود، ايديها اترعشت والشنطة الماركة اللي في إيدها كانت هتقع منها.
يعني إيه لغيتي كل حاجة؟ أمي سألت وصوتها بيترعش من الغل، والحجوزات؟ والفسح؟ وعيال أختك اللي عشّمتيهم؟
بصيت لها بمنتهى الثبات ورديت زي ما قلتي يا أمي.. العيلة محتاجة هدوء وراحة بال، وأنا لقيت إن مفيش هدوء هيحصل طول ما أنا بدفع تمن رحلة عشان اتهان فيها أنا وابني.. الفيزا اللي في إيدك دي ملهاش لازمة دلوقتي، لأني بلغت البنك إنها ضاعت ووقفتها، وعملت Refund لكل المبالغ اللي اتدفعت.
منى بدأت تصرخ انتي أنانية! انتي عارفة العيال هيجرالهم إيه لما يعرفوا إن مفيش سفر؟ انتي بتموتيهم بالحيا!
ضحكت بسخرية وقلت لها العيال اللي مش طايقين يشوفوا خالتهم؟ خليهم بقى يتعلموا إن اللي يرفض وجود صاحبة الفضل، ملوش حق يطمع في فضلها.. والدروس
اللي كنتي عايزاني أعلمها
لياسين عن إن الدنيا نصيب، علميها لولادك دلوقتي.
أمي قربت مني ووشها محقن پالدم هتكسري بخاطرنا يا هناء؟ عشان شوية عيال؟
رديت عليها وأنا بفتح باب
الشقة وبشاور لهم بره أنا اللي خاطري اتكسر سنين وأنا بحاول أرضيكم وأشتري ودكم بفلوسي وصحتي، وفي الآخر بتمدي إيدك على شنطتي وتسرقيني عشان تطرديني؟.. السفرية اتلغت، والفلوس رجعت حسابي، والبيت ده متبتوش فيه عتبة تانية إلا لما تعرفوا قيمة اللي اتهانوا.
منى حاولت تتكلم، بس أنا قاطعتها بره.. السفرية الجاية هتبقى ليا أنا وياسين بس، في مكان ميعرفش القسۏة اللي في قلوبكم.
خرجوا وهما بيتحسبنوا ويشتموا، وأول ما قفلت الباب بالمفتاح، سكنت مكاني ثانية.. حسيت بحمل جبل انزاح من على كتافي.
ياسين طلع