وقت الولادة حكايات صافي هاني

وقومت بالسلامة وجبت ياسين. أول ما فتحت عيني وشفت ابني، حلف بجد إني مش هسمح ل محمود ولا أمه يلمسوا طرفه.
بعد يومين، الباب اتفتح ودخل محمود وبيلف في إيده مفاتيح البيت، ووشه فيه بقايا التان بتاع المصيف. أول ما شافني قاعدة في البيت ومعايا أهلي والبيبي، حاول يرسم الابتسامة حمد لله على السلامة يا حبيبتي، شوفتي؟ قولتلك إنتي بتهولي والموضوع بسيط وأهو ياسين جه زي الفل.
قومت وقفت بصعوبة، وشاورت على الباب
محمود، الترباسين اللي قفلتهم بۏجع قلبي، هما نفسهم اللي هيتقفلوا في وشك النهاردة. الشقة دي بفلوسي، والعفش ده بفلوسي، والرحلة اللي روحت تتدلع فيها بفلوسي.. وابني ده، ملوش أب ضعيف زيك.
حماتي دخلت من وراه، وبكل بجاحة قالت جرى إيه يا بنتي، ما إنتي قمتي وزي القردة أهو، لازمته إيه النكد؟
بصيت لها بكل هدوء وقولت يا فوزية، أنا كلمت المحامي، وقضية التمكين والخلع هتوصلكم بكرة. وال 50 ألف جنيه اللي صرفتيهم في المصيف، هعتبرهم صدقة جارية على روح العشرة اللي انتوا دفنتوها بأديكم.
خرجوا من البيت وهما مش مستوعبين إن هناء الضعيفة اللي سابوها بټموت، هي اللي طردتهم النهاردة بكرامتها. قفلت الباب وراهم بالترباسين، ولأول مرة، حسيت إن البيت بقى أمان.
مرت الأيام، ومحمود مسبش باب مكلمنيش منه، رسايل اعتذار وتوسلات، وعياط في التليفون سامحيني، مكنتش في وعيي، أمي هي اللي ضغطت عليا. بس كل ما كنت بفتكر صوت التكة بتاعة القفل وهو بيقفل عليا وأنا پصرخ، قلبي كان بيتحول لحجر.
في يوم، لقيت فوزية جاية ومعاها ناس من قرايبنا عشان يصلحوا النفوس. قعدت بكل برود وقالت يا بنتي البيوت مبيتحربش فيها كدة، والراجل ملوش غير مراته، والضفر مبيطلعش من اللحم.
بصيت لها وقولت فعلاً يا حماتي، الضفر مبيطلعش من اللحم، بس إنتي جيتي في وقت كنت أنا فيه اللحم اللي بيتقطع، والضفر ده كان ابنك اللي اتفرج عليا وأنا بتمزع من الألم ومتهزش.. اللي هان عليه ابنه وهو لسه بيجي الدنيا، يهون عليه أي حد.
طلعت ورقة من شنطتي ورميتها قدامهم
دي فاتورة المصيف اللي دفعته بفيزا المشتريات بتاعتي، ودي صور محضر إثبات الحالة اللي الجيران عملوه لما كسروا الباب ولقوني بمۏت، وده توكيل للمحامي برفع دعوى نفقة وحبس بمؤخر الصداق.
وش محمود اصفرّ وبدأ يتلفت حواليه، وكأنه بيدور على مخرج. كملت كلامي
أنا مش عاوزة صلح، أنا عاوزة حقي. والبيت اللي كنتوا فاكرين إنكم بتملكوني فيه، النهاردة أنا اللي بخرجكم منه بالقانون. اتفضلوا برا، ابني نايم ومش عاوزه يصحى على صوت ناس غريبة.
خرجوا وهما بيجروا أذيال الخيبة، والمرة دي مكنش وراهم شنط مشتريات، كان وراهم ڤضيحة في العيلة كلها.
بعد شهور، قضية الخلع خلصت. وقفت قدام المراية، كنت بقيت واحدة تانية، أقوى وأهدى. شيلت ياسين وخرجت بيه للبلكونة،