دكتور نسا ل أماني السيد

كنت رايحه مع لدكتوره نسا قريبه من بيتنا مع ماما عشان ماما تعبانه ومكنتش قايله لخطيبي لأن دى حاجة خاصه بيها
دكتوره النسا دى موجوده اخر الشارع بتاعنا
اتفاجئت إن خطيبى مصورنى انا وماما وإحنا طالعين العياده وتانى يوم باعتلى الصوره وبيقولى انا هفضحك انتى واهلك انتى بتروحى لدكتوره نسا ليه فى ايه عايزه تداريه
انا شوفت الرسالة اټصدمت ازاى يفكر فيه بالشكل ده
أنا مش قادرة أصدق عينيا.. ڤضيحة؟ وأهلي؟ إزاي الشخص اللي كنت فاكرة إنه سندي وبكرة هبني معاه بيت، يفكر فيّ كده؟ أنا وماما وبعدين هو فاكر إحنا رايحين للدكتوره ليه ؟
قعدت أبص للصورة اللي باعتها.. إحنا طالعين عادي، ماما ساندة عليّ وتعبانة، وهو واقف بيراقب؟ بيصور؟ يعني بدل ما يشوفنا ويجري يطمن، وقف يظبط زاوية الكاميرا عشان يمسك عليّ ذلة؟
أرد أقول إيه؟ أقوله إننا في الشارع اللي ورانا؟ أقوله إن الدكتورة دي بتعالج ماما بقالها سنين؟
لا.. المشكلة مش في الرد، المشكلة في العقلية اللي بتدور على الخړاب. اللي بيحب حد بيستره، مش بيستنى له غلطة، فما بالك لو مفيش غلط أصلاً!
الموضوع موقفش لحد كده ببص وانا بقرا الرسايل لقيت الموبايل بيرن بشوف مين لقتها مامته
مجرد ما فتحت الرد مالحقتش اتكلم لقتها هى اللى بدأت تهاجمنى بالكلام
أهلاً يا ست هانم.. لا برافو، تمثيلك كان هايل، بس خلاص اللعبة كشفت! إحنا كنا فاكرينك شريفة وبنت ناس وقولنا نستر عليكي وناخدك لابني، لكن تطلعي ماشية على حل شعرك وبتروحي دكاترة نسا عشان تداري فضايحك؟
أنا؟ أنا يا طنط يتقال لي كده؟ ده أنا كنت بعتبرك زي ماما..
بلا طنط بلا زفت! اسمعي يا بت أنتي، ابني مش اللي يشيل شيلة غيره، ولا هو اللي يتورط في واحدة زيك. شوفي غلطتي مع مين وعايزة تدبسي ابني فيه.. المحابس والشبكة هيرجعوا النهاردة، والحمد لله إننا كشفناكي على الحقيقة قبل ما تدخلي بيتنا وتنجسيه!
صحيت تاني يوم، حاولت أجمع شتات نفسي.. قلت الشغل هو اللي هيخرجني من الحالة دي. لبست ونزلت، وأول ما رجلي خطت الشارع، حسيت ببرودة غريبة في الجو.. مش برودة شتا، دي نظرات الناس.
ماشية والعيون بتاكل فيّ، اللي يميل على اللي جنبه ويهمس، واللي تبص لي من فوق لتحت وتلوي بوزها وتعدل طرحتها. وصلت لحد أم سعاد بتاعة الخضار، قلت دي اللي هتقولي الصافي، طول عمرها بتحبني وبنشتري منها.
أنا بصوت بيحاول يبان طبيعي
صباح الخير يا خالة أم سعاد.. نقي لي اتنين كيلو طماطم من الحلوة اللي عندك دي.
أم سعاد بصت لي بصه غريبة، وممدتش إيدها للقفص
صباح النور يا بنتي.. بس معلش، خلي حد غيرك ينقي، أو شوفي حد تاني تشتري منه، مش عايزين قيل وقال، وإحنا ناس بنجري على أكل عيشنا.
أنا