فتاة معجبه بزميلها في الفصل

كأنها ران واي.
وبينما بنت ماشية بيونيفورم مظبوط عليها، شعرها طويل ومفرود، وهالة إياك تلمسني، أنا غالية، العالم كله وقف.
الحارس فتح بقه. المكنسة وقعت من إيد عامل النضافة. ودريك؟ اللي في اللحظة دي كان شايل شنطته بنفسه عشان مبقاش في حد يشيلهاله، كان هيتخنق بالمية اللي بيشربها لما البنت عدت قدامه.
مكنش يعرف، إن البنت اللي كان قرفان منها زمان، بقت البنت اللي مش هيقدر يوصلها دلوقتي. وفجأة ومن صډمته قال ميا؟!!! إنتي دي؟!!!
التكملة
دريك واقف متسمر مكانه، المية بتنقط من بقه، وعينه هتطلع من وشّه.
م... ميا؟!!! إنتي دي؟!!!
لفيت ببطء، بصيتله من فوق لتحت بنفس النظرة اللي بصهالي زمان تحت الشجرة. ابتسمت نص ابتسامة باردة
آه أنا. بس مش ميا الشيّالة، ولا ميا بتاعة الواجب. أنا ميا وبس.
قرب خطوة وهو لسه مصډوم إيه اللي حصلك؟ إنتي... إنتي بقيتي...
قاطعته قبل ما يكمل بقيت اللي عمرك ما هتطوله. غريبة، صح؟ لما الواحد يبطل يجري ورا حد... بيجري هو وراه.
وشّه احمر وبدأ يتلجلج ميا أنا آسف على اللي قلته زمان. كنت غبي... كنت أعمى. إنتي أحلى واحدة شفتها في حياتي دلوقتي. ممكن... ممكن نبدأ من جديد؟
في اللحظة دي كل اللي في الحوش سكتوا وبيتفرجوا. البنات اللي كانوا بيتريقوا عليا زمان واقفين فاتحين بقهم. والولاد اللي كانوا بيقولوا عليا المارشميلو بيبصولي كأني نجمة سينما.
قربت منه خطوتين، لدرجة إنه فكر إني هسامحه. شال شنطته من على كتفه وعرضها عليا زي زمان تحبي أشيلك شنطتك؟
ضحكت بصوت عالي. ضحكة كلها ثقة مش شماتة. مسكت شنطته بإيدي، بس بدل ما أديهاله... رميتها في أقرب باسكت ژبالة.
صوت الباسكت وهو بيبلع شنطته كان أعلى من كلامه.
دريك، قلت بهدوء قاټل زمان كنت بشيل شنطتك عشان كنت فاكرة إن الحب تضحية. بس اتعلمت إن الحب عمره ما كان إهانة. إنت مش عايزني أنا... إنت عايز الشكل الجديد. وأنا؟ أنا مش معرض. أنا لوحة واحدة... ومتباعة خلاص.
سبته واقف وسط الحوش، شنطته في الژبالة، وكرامته على الأرض.
ومن يومها، دريك رجع يشيل شنطته بنفسه... ويدور على حد يحل له الواجب.
وأنا؟ كملت طريقي. دخلت مسابقة وجه الجامعة وكسبتها. بقيت موديل لحملة إعلان عن الثقة بالنفس.
وآخر مرة شوفته، كان واقف في طابور الكانتين... لوحده. بيحاول يوصل للرز... ومحدش بيوسعله.
أما الرسالة اللي بعتها لي بعد 6 شهور
ميا، وحشتيني. مفتقد الشيّالة بتاعتي.
ردي
كان كلمة واحدة Seen
وعملتله بلوك.
النهاية.
الدرس عمرك ما تقلل من المارشميلو... عشان ممكن يسيح ويولع فيك.