رواية كامله

بيفتكروها عجوزة وضعيفة، بتقدر تقلب الدنيا وتجيب حق ضناها لما الڠضب بيمس قلبها.
حكايات شروق خالد
بعد ما حسام وأمه وأخته أخدوا جزاءهم ورا القضبان، الحياة بدأت ترجع لبيتنا بالتدريج، بس المرة دي كانت ريحتها حرية وأمان.
ياسمين قعدت فترة في البيت عندي عشان تكمل علاجها الطبيعي لدراعها، وليلى رجعت مدرستها وضحكتها اللي كانت غايبة بدأت تملى الأوض من تاني. مبقتش تخاف من خيالها ولا تمسك العروسة المکسورة؛ طنط ميرفت جارتنا اشترت لها عروسة جديدة بشكل مبهج، ولفينا كلنا حواليها ننسيها أيام الړعب.
في يوم، كنا قاعدين في البلكونة بنشرب الشاي في شمس المغاربية الدافية. ياسمين بصت لي وعينيها مدمعة بس دموع ارتياح، ومسكت إيدي السليمة وقالت لي عارفة يا ماما.. لولا إنك جيتي في اللحظة دي، أنا مكنتش عارفة كان إيه اللي ممكن يحصل لي ولا لليلى. أنا كنت فاكرة نفسي لوحدي ومليش ضهر.
طبطبت على إيدها وقلت لها الام عمرها ما بټموت يا ياسمين طول ما ضناها في خطړ. أنا سكتّ سنين عشان بيتك وعشان كنت فاكرة إنك قادرة تمشي أمورك، بس لما تمد الإيد وتوصل للدم، يبقى خلاص.. الكلابشات هي المكان الصح ليهم.
ليلى جت جريت علينا وحضنتنا إحنا الاثنين وقالت أنا بحبك يا تيتا.. أنتِ شجاعة قوي!
ضحكنا من قلبنا، والضحكة دي كانت أحسن مكافأة ليا على كل دقيقة تعب وخوف عيشتها.
حسام حاول من جوه السچن يبعت قرايبه عشان يتنازلوا عن القضايا أو يطلبوا صلح، بس أنا وقفت لهم زي اللقمة في الزور وطردتهم برة البيت. ياسمين رفعت قضية طلاق للضرر وأخدت كل حقوقها وقامت المحكمة بتمكينها من شقتها، بس هي فضلت تبيعها وتشتري شقة جديدة قريبة مني عشان نبدأ صفحة جديدة خالص مفيهاش أي ريحة من ريحة الماضي.
وعرفنا كلنا إن الحق لما بيبقى وراه ضهر بيحميه وبيطالب بيه بقوة، مبيضيعش أبدًا. والبيت اللي كان كابوس، اتقلب وبقى مجرد ذكريات قديمة ورا ظهرنا، وإحنا بنبص للمستقبل وإحنا واقفين على رجلينا بكل فخر.
الست العجوزة والقلب الأسد
حكايات شروق خالد