بنت مراتى الجديده لصافى هانى

مبيعملش بصمات صوابع يا فريدة! صليت صوتي ومبقتش قادر أتحكم في نفسي. دي بصمة إيد كاملة... إيدك أنتِ!
المشهد السابع
وقفت فريدة فجأة، وعينيها كانت بتطلع شرار. البنت دي ملكي أنا! أربيها إزاي، وأعلمها إزاي، ده شيء م يخصكش! أنت هنا مجرد راجل غريب دخل حياتنا بقاله كام أسبوع، لو مش عاجبك.. الباب يفوت جمل!
في اللحظة دي، افتكرت الكيس والشنطة بتاعة هنا اللي شالت فيها الحاجة الصبح قبل ما تسافر مراتي. قمت من مكاني ودخلت أوضة هنا بالراحة. البنت كانت صاحية، وضامة رجليها لصدرها وبتترعش من الصوت العالي.
قربت من سريرها، وهمست لها هنا.. الشنطة فين؟
شاورتلي بعينيها تحت السرير. مديت إيدي وطلعت الشنطة، وفتحت السوستة الكبيرة. لقيت ملف صغير مقفول، وجواه ورق وصور.
فتحت الملف... ودمي اتجمد في عروقي.
كانت تقارير طبية قديمة من مستشفى تاني باسم هنا... وإقرارات بحوادث سقوط متكررة، وجنبهم صورة لراجل ملامحه طيبة، ومكتوب عليها بخط إيد طفلة بابا وحشتني. وفي أخر الملف، شهادة ۏفاة الراجل ده... جوز فريدة الأولاني، والسبب المكتوب ټسمم حاد في الډم نتيجة جرعة دواء غلط!
المشهد الثامن
سمعت صوت خطوات فريدة بتقرب من الأوضة بسرعة. شلت الملف بسرعة وحطيته في جيب الجاكيت الداخلي.
دخلت الأوضة وعينيها كانت مركزة على الشنطة اللي في إيدي. أنت بتعمل إيه هنا؟ وواخد شنطتها ليه؟
بصيت لها بكل القوة اللي باقيالي، ووقفت بينها وبين هنا.

أنا مش هسيب البنت دي معاكي دقيقة واحدة ثانية يا فريدة.
ضحكت ضحكة باردة ومخيفة. وهتعمل إيه يعني؟ هتقول للشرطة؟ تفتكر هيصدقوا ممرض غريب مكملش شهر في البيت، ويسيبوا أم دكتورة ومحترمة وليها اسمها؟
طلعت الموبايل من جيبي، وضغطت على زرار إنهاء التسجيل الصوتي اللي كان شغال من أول ما دخلت البيت وقولت لها أنا مش لوحدي يا فريدة... والتقرير الطبي اللي معايا في جيبي دلوقتي لسه واصل لزمايلي في النيابة العامة حالا، وقوة من القسم زمانها على السلم.
الملامح المثالية اتهدت تماماً، والوش اتقلب لړعب حقيقي أول ما سمعت صوت سرينة بوكس الشرطة وهو بيقف تحت البيت. نزلت على ركبي وضميت هنا ليا وأنا بهمس لها خلاص يا حبيبتي... الڼار مش هتيجي... كل حاجة خلصت.
المشهد التاسع
ارتعش جسم فريدة بالكامل، والبرود اللي كان مغطي وشها اتمسح وفي ثانية واحدة اتحولت لقطة شرسة محپوسة في قفص. بصت حواليها پجنون، وعينيها راحت على الملف اللي باين طرفه من جيب الجاكيت بتاعي، وبعدين بصت للموبايل في إيدي.
أنت مش هتدمرني يا حازم.. مش ممرض حتة وعيل صرصار زيك هو اللي هيهد اللي بنيته! صړخت وهي بتهجم عليا زي المچنونة، صوابعها وضوافرها كانت رايحة لوشي وعيني عشان تاخد الموبايل أو الملف.
رجعت لورا خطوة وحميت هنا بضهري، ومسكت إيد فريدة وقيدت حركتها بقوة مكنتش أعرف إنها عندي. خلاص يا