تنكرت في هيئه ولد عشان انقذ اخويا سما سامح

المكسور في إيدي
اركب.. أنا هوصلك.
لا يا فندم مش عايز أتعبك..
قلت اركب!
طول الطريق كنت بمۏت، بدعي ربنا إن كريم يفضل يتنفس لحد ما أوصل. أدهم كان بيسوق بهدوء مستفز، وفجأة سألني وهو بيبص للطريق
أهلك عارفين إنك شيف شاطر كدة؟
رديت بآلية أهلي ميعرفوش غير إني بحاول أنقذ اللي فاضل مننا.
في المستشفى.. المواجهة الكبرى
وصلنا، نزلت أجري، دخلت العناية المركزة لقيت الممرضات متجمعين وماما بتصرخ ومڼهارة. الدكتور كان بيحط إيده على الجهاز عشان يطفيه.
لأااااااا!
صړخت بأعلى صوتي.. بس المرة دي مكنش صوت الشيف، كان صوت كريمة.
الكل ذهل، الدكتور وقف، وماما بصتلي پصدمة. في اللحظة دي، أدهم كان واقف ورايا عند الباب.. سمع الصړخة، وشاف الاڼهيار.
قربت من كريم، مسكت إيده وبدأت أهزه پعنف
قوم يا كريم.. أنا ضحيت بكل حاجة عشانك، لبست لبس مش لبسي، وعشت حياة مش حياتي، واشتغلت خدامة وشيف ومسحت بلاط.. متسيبنيش يا كريم!
المعجزة محصلتش في لحظتها، الجهاز لسه بيصفر.. بس فجأة، صباع كريم اتهز. حركة بسيطة لا تُذكر، لكنها خلت الدكتور يرجع يركب الأجهزة بسرعة وهو مذهول.
لحظة الحقيقة.. أنا كريمة
خرجت من الأوضة وأنا مهدودة، لقيت أدهم واقف ساند ضهره على الحيطة، ملامحه كانت خالية من التعبير، بس عينيه كانت قوية جداً.
قربت منه وأنا بمسح دموعي، وبدأت أفك الرباط اللي لافاه على شعري تحت الكاب، وخلعت الجاكيت الواسع بتاع الشيف.
أنا اسمي كريمة يا أدهم باشا.. مش كرم. وأظن دلوقتي من حقك توديني القسم أو تطردني.. أنا كذبت عشان مكنش قدامي حل تاني، والمړض مش بيختار ست ولا راجل.
أدهم فضل ساكت تماماً، وبعدين قرب خطوة واحدة، لدرجة إني شميت ريحة برفانه
عارف.
برقت عيني عارف؟ عارف إيه؟
ضحك بمرارة عارف إنك بنت من تاني يوم.. الحلاقة في المنطقة الحساسة؟ بقعة الډم؟ مفيش راجل في الدنيا بيتصرف برقتك دي وهو بيقطع الخضار.. أنا مكنتش سايبك عشان مخدوع، أنا كنت سايبك عشان الأكل كان فيه طعم حنية مكنتش دايقها من سنين.
القلب الذي لان
مر شهر.. كريم بدأ يفوق ويدخل في مرحلة العلاج الطبيعي. وأدهم؟ أدهم مطلعش عنده حساسية من الستات زي ما كان بيشاع عنه، هو بس كان عنده قرف من الزيف.
في يوم، كنت قاعدة في جنينة المستشفى، لقيته جاي ولابس بدلة شيك جداً، ومعاه شنطة صغيرة.
اتفضلي.
فتحت الشنطة، لقيت فيها مريلة طبخ بس مطرز عليها اسمي بالدهبي الشيف كريمة.
قال بصوته الرجولي الهادي
البيت بقى يصفر من غيرك، والأكل ملوش طعم.. ومظنش إن عندي مشكلة إن كريمة هي اللي تطبخ، مش كرم.
بصيت له بتردد بس والناس؟ وحساسيتك من الستات؟
قرب وهمس لي أنا اكتشفت إن مشكلتي مكنتش مع الستات.. مشكلتي كانت إني مستني الست اللي بمېت راجل.. والظاهر إني لقيتها.
كريمة مرجعتش تتنكر تاني. أدهم تكفل بكل مصاريف علاج كريم في أكبر مستشفى في ألمانيا،
ورجع كريم يمشي على رجله.
أما الفيلا، فمبقتش مجرد مكان شغل.. بقت بيت.
أدهم اتجوز كريمة في فرح كل الناس حكت عنه، والكل عرف إن الشيف اللي كان بشنب مستعار، بقى هو الست اللي قدرت تروض قلب أدهم باشا وتملى بيته دفا وحب.
تمت.