رواية جديدة

القلم اللي قلب الموازين

أنا وريهام اتجوزنا بعد خطوبة استمرت تلات سنين. ريهام كانت هادية جداً، رقيقة، وأخلاقها مفيش اتنين يختلفوا عليها. بس من أول يوم خطت فيه عتبة بيتنا، وأمي الحاجة فوزية كانت شايفاها "شوكة" في زورها.

أمي كان طول عمرها نفسها أجوز واحدة من "مقامنا"، بنت ناس أغنياء وعندهم عز، لكن ريهام كانت مجرد مدرسة في مدرسة حكومي على قد حالها.

أمي كانت بتمسك لها على الواحدة، وأقل حاجة تخليها تثور وتغضب. ريهام كانت بتصبر وبتقول "عشان خاطرك"، بس للأسف، كل ما كانت بتسكت، كل ما أمي كانت بتزيد في قسۏتها. أنا كنت بين نارين، بحب أمي وبحب مراتي، وفي أغلب الأوقات كنت بختار السكوت عشان المركب تمشي.

و فى يوم كانت سنوية والدي، الأستاذ رأفت الله يرحمه. ريهام صحيت من بدري وشقيت، وجهزت صواني الأكل والحلويات والرز بلبن عشان "الطلعة" والذكرى. وهي بتنظم الحاجة في أوضة الضيوف، ڠصب عنها كفت يدها خبطت طبق "حلويات"، فوقع على الأرض واتدلق.

هنا بقى، بركان أمي اڼفجر! قدام العيلة كلها والقرايب والمعازيم، أمي نزلت بكف قلم على وش ريهام.. قلم كان قوي لدرجة إن صوته سمع في البيت كله زي الرعد. شفة ريهام انقطعت وبدأت ټنزف، ومن قوة الخبطة اختل توازنها ووقعت على الأرض.

البيت كله اتخرس، مفيش صړخة ذبابة مسموعة. ريهام كانت واقعة پتبكي بحړقة، وأمي قربت منها بكل جبروت، ومسكتها من دقنها وقالت لها بصوت يقطع القلب من كتر بروده:

— "يا خيبتك السودا.. إيه مرات ابنى الفاشلة دي؟ فضحتيني وجرستيني قدام الناس!"

أنا قمت وقفت في هدوء تام. قلبي كان بيتقطع وأنا شايف ريهام مکسورة بالمنظر ده، بس ماروحتش قومتها من مكانها في لحظتها. سيبتهم كلهم وطلعت على أوضتي فوق.

الكل بص لي باحتقار، افتكروا إني هربت أو إني ضعيف قدام أمي ومش قادر آخد حق مراتي. قرايبي بقوا يهزوا في راسهم بأسف، وأمي وقفت تبتسم بانتصار وفخر، كأنها أثبتت إن كلمتها هي اللي ماشية.

بس محدش كان يعرف أنا طلعت فوق ليه..

دخلت أوضتي، وفتحت الدولاب، وطلعت "شنطة الأوراق" اللي كنت شايلها لليوم الأسود.. ونزلت تاني وأنا عيني فيها شرار، بس المرة دي، الورق اللي في إيدي كان هو اللي هيقلب موازين البيت ده كله فوق تحت!

نزلت بالشنطة البني، والبيت كله كان لسه ملموم. ريهام كانت لسه في الأرض، إيدها على شفتها اللي پتنزف وعينيها مليانة ۏجع.. ۏجع من القلم، وۏجع مني أنا، الشخص اللي سابها وطلع فوق في وقت كانت محتاجة فيه ضهري.

أمي كانت قاعدة وفاردة ضهرها، وشها لسه محمر من العصبية، وكأنها عملت إنجاز عظيم. أول ما شافتني ومعايا الورق، ضحكتها خفتت وقالت بحدة:

"إيه يا حبيبي؟ مطلع لي ورق دلوقتي ليه؟ روح الأول لِم مراتك وعلمها الأدب!"

مردتش عليها. روحت لريهام، وطيت وساعدتها تقوم. في اللحظة دي، هي كانت بتقاوم إيدي، كأنها بتقول لي "خلاص مبقاش ينفع"، بس مسكت إيدها بحنية وقلت لها بصوت واطي:

"اقفي معايا يا ريهام.. دقيقة واحدة بس."

أمي ضحكت بسخرية: "دلوقتي بقيت راجل وعايز تعمل فيها جوز الست قدام الناس؟"

بصيت لها وقلت بمنتهى الهدوء: "لا.. دلوقتي بقيت ابن فهم أخيراً أبوه كان يقصد إيه."

​القلم اللي قلب الموازين

القلم اللي قلب الموازين