رواية عائلة الصياد 30_1 بقلم منال عباس

سمعاني
أدهم أكيد دي تمثيلية جديدة من بتوعكم
عمر تمثيلية ايه السعادي
أدهم تمثيلية فكسانة عشان تفلتوا باللي عملتوه
عمر انت معندكش ډم
أدهم طب تحب أثبتلك انها كدابة
عمر ياااارا .. ياااااارا
بحث أدهم بعينيه عن أي زجاجة مياه بالغرفة ليلقي بالمياه على وجه يارا و..
أدهم هتصدق دلوقتي أنها كدابة
عمر انت هتعمل ايييه
ألقى ادهم الماء على وجه يارا التي بدأت تفيق و..
ادهم شوفت
يارا آآآه
عمر يارا انتي كويسة
يارا آآ..ايه اللي حصل
أدهم خلاص مش هاجي جمبكم كفاية عليكو پهدلة النهاردة
عمر وهو يحاول مساعدة يارا على النهوض اسندي عليا
يارا وهي تستند عليه أها طيب
أدهم وع العموم انا هاجيبلك مفتاح أوضتك ميرضنيش انك تفضلي صاحية كده
يارا اها..
عمر تحبي أجيبلك حاجة
يارا لأ شكرا أنا.. انا هبقى كويسة
عمر طب أنا هوصلك لأوضتك
يارا لأ أنا هنزل أجيبلي حاجة مسكرة تفوقني من تحت و..هطلع تاني
عمر طيب أنا هاجيبلك المفتاح من أدهم
يارا اوك .
استيقظ خالد من نومه وهو يشعر بالعطش الشديد بحث عن المياه بغرفته ولكنه لم يجده فقرر أن ينزل إلى المطبخ ليحضر مشروبا باردا ..
خرج خالد من غرفته ليجد ادهم مع عمر يتحدثان حول مفتاح ما فلم يعبأ بهما ثم لمح يارا وهي تتجه ناحية السلم ويبدو عليها أنها تترنح في مشيتها فاستغرب و..
خالد في نفسه مالها دي مش ماشية عدل كده ليه وأنا مالي خليني أجيب العصير وأطلع اكمل نوم انا ورايا شغل أد كده
يارا في نفسها آآآه دماغي تقيلة مش قادرة منها
مر خالد بجوار يارا فلاحظ أن الارهاق يبدو جليا عليها تردد في سؤالها ولكنه رغم هذا سألها و .....
خالد بتردد يارا انتي .. انتي كويسة
يارا هه
خالد آآآ.. بصي لو .. فيكي حاجة قوليلي
يارا آآآ.. أنا ك..كويسة
خالد طيب
أسرع خالد الخطى ناحية السلم وكانت يارا خلفه تمشي بعدم اتزان الټفت خالد لينظر إليها فوجدها تمسك برأسها وفجأة .....
خالد بفزع حاسبي يا يااااااارا خدي بالك
يارا آآآآآه
فقدت يارا وعيها للمرة الثانية فأمسك خالد بها قبل أن تسقط حاول أن يهز رأسها ولكنها لم تجبه ووجد أن حرارتها مرتفعة و..
خالد بصوت مرتفع يارا يااااارا .. سمعاني
انتبه أدهم وعمر لصوت خالد فأسرعا إليه و...
عمر بخضة يااااااارا
ادهم ايه اللي حصلها
عمر لأدهم أنا من الأول قولتلك انها تعبانة وانت مصدقتنيش وأعدت تقولي تمثيلية فكسانة وفيلم معرفش ايه
أدهم وأنا كنت هعرف منين
خالد مش وقته الكلام ده اطلب الدكتور بسرعة
حمل خالد يارا فاعترض أدهم عليه و..
أدهم انت واخدها ورايح فين
خالد ايه اللي ع فين ع أوضتها طبعا
أدهم بتردد بس آآآ... ال.. آآآآ
خالد في ايه ما تنطق
أدهم أصل مفتاح أوضتها أنا مش فاكر حطيته فين !
خالد نعم ياخويا مفتاح وأوضة ايه الكلام اللي انت بتقوله ده
أدهم بعدين هبقى افهمك بص وديها ع أوضتي دلوقتي
خالد طب روح اطلب الدكتور وأنا هوديها هناك
ادهم ماشي
عمر انا جاي معاك يا خالد
خالد اوك
وضع خالد يارا على فراش أدهم وانتظر هو وعمر بجوارها ..
عمر عيني عليكي يا يارا فطستي من أول محاولة
خالد ايه الكلام الغريب اللي بتقوله ده
عمر ايه بندب حظ البونية
خالد اسكت دلوقتي
عمر انتو كلكوا بتيجوا عليا كده ليه اومال لو ماكونتش اخر العنقود
أدهم أنا طلبت الدكتور وهو جاي في الطريق
خالد طب نصحي ماما عشان تبقى معاها والدكتور بيكشف عليها
عمر لألألأ.. انت عايزها تقولهيخلص عليها قول كلام غير ده
أدهم أنا هاقعد معاها
خالد لأ يا حلو دي مش واحدة من اياهم هاااا فاهمني طبعا
عمر طب هانعمل ايه دلوقتي
أدهم أطلب شاهي
خالد شاهي مين دي اللي تجيبها دلوقتي انت معندكش عقل ولا تقدير للموقف !!
عمر مضيفا شاهي أصلا مش بتطيق روحها هتطيق تقعد مع يارا
أدهم خلاص شوفلنا أي ست في ام البيت ده تقعد معاها
خالد احنا نسينا صباح
عمر صباح !!!
خالد ايوه احنا نطلب منها تقعد مع يارا
أدهم صح
عمر انا هنزل أجيبها
أدهم استنى ياض أنا هاروح اجيبها وانت اتنيل اترزع تحت عند عم راضي استنى الدكتور ولما يجي هاته من ايده لفوق مش عاوزين حد يحس بحاجة فاااهم
عمر حاضر
خالد ايوه لأحسن هيتفتح تحقيق للصبح ومش هنخلص
أدهم بالظبط
خالد بس متنساش يا أدهم احنا لينا كلام سوا مع بعض
أدهم وهو يسرع الخطى طيب بعدين
وبالفعل ذهب أدهم لاحضار صباح من سكن الخدم المجاور للفيلا بينما انتظر عمر الطبيب بجوار البوابة .
حضر الطبيب وكشف على يارا بحضور صباح ثم خرج ليخبر الشباب ب...
خالد خير يا دكتور عندها ايه
الطبيب برد وحمى
خالد برد وحمى وده جالها من ايه
عمر اووبا !
الطبيب البرد بيجي من اي حاجة ممكن يكون من عدوى من حد مريض التواجد في مكان سخن وبعده مباشرة مكان بارد أو من لبس هدوم مبلولة لمدة طويلة وطبعا ده مع الوقت بيسبب حدوث سخونية وارتفاع تدريجي في حرارة الجسم وبيتطور لحمى
أدهم هدوم مبلولة !!!!
الطبيب ايوه تأثيرها بيكون قوي خصوصا انها بتأثر ع حرارة الجسم
ادهم اها
خالد طب هي هتبقى كويسة
الطبيب ان شاء الله انا كتبتلها ع دوا وخافض للحرارة في الروشتة دي ومع الكمادات ان شاء الله الحرارة تنزل وتستقر
خالد تمام يا دكتور أنا هنزل أجيب الدوا بسرعة
الطبيب مواعيد الدوا هتلاقوها مكتوبة في الروشتة
خالد اوك
عمر ينفع أدخل اشوفها
الطبيب اه عادي بس متنسوش الدوا والكمادات عشان الحرارة ولو منزلتش للصبحية كلموني فورا
خالد تمام يا دكتور
انصرف خالد مع الطبيب ليحضر الدواء ليارا بينما دلف كلا من عمر وادهم لداخل غرفة أدهم و...
أدهم معلش يا صباح تعبناكي معانا
صباح وهي تضع فوطة مبلولة ع رأسها متقولش كده يا أدهم بيه ده الست يارا طيبة وبنت حلال وزي بنتي بالظبط
عمر انت بتعمليلها ايه يا صباح
صباح كمادات مياه عشان تنزل حرارتها
عمر اها يعني دي ممكن تفيدها
صباح طبعااااا .. ملاقيش عندكو بطاطين زيادة كده نغطيها بيها
أدهم ليه
صباح عشان أدفيها كويس فتعرق فتصبح الصبحية بخير
عمر أها عاوزة تعمليلها ساونا
صباح بالظبط كده
عمر انا عندي واحدة في اوضتي جوا في الدولاب لحظة وهاجيبهالك
صباح ربنا يكرمك يا بني
أدهم وأنا عندي واحدة هنا برضوه خدي أهي
صباح شكرا يا أدهم بيه أنا هنزل أعملها شوية شوربة سخنين يطلعوا البرد اللي فيها وراجعة على طول
ادهم طيب
صباح خد بالك منها لحد ما أرجع
أدهم اوك
نزلت صباح إلى المطبخ لتعد شوربة ساخنة ليارا بينما جلس أدهم بجوار يارا نظر إليها وهي نائمة ثم نظر للطبق الموضوع به الماء وقرر أن يقوم بعمل كمادات ماء لها و...
ادهم وهو يضع الفوطة فوق رأسها يالا أهوو كله بثوابه

يارا وهي ترتعش بررررررر
أدهم بتقولي ايه
يارا بررررر
أدهمأنا مش فاهم حاجة
عمر من الخارج غطي معايا يا أدهم
ادهم هات ايه البطانية التقيلة دي
عمر اللي لاقيتها موجودة عندي وفي لحاف فايبر كمان
أدهم ده كده ھتموت فطسانة من الحر
عمر ماهي صباح قالت لازم تعرق عشان تخف
أدهم قالت تعرق مش تفطس م الحر
عمر غطي غطي بس وملكش دعوة
قام عمر وأدهم بتغطية يارا ببطانيتين ولحافين و...
أدهم انا عندي فكرة حلوة
عمر فكرة ايه
أدهم عشان نضمن ان البطاطين هتجيب مفعولها احنا نربطهم بالسرير
عمر مش فاهم
أدهم يعني نجيب حبال ونربط البطاطين في السرير
عمر بدهشة ايييييه
أدهم تعالى معايا كده أما نجيب الحبال من ال store
عمر بس يا أدهم آآآآآ...
نزل أدهم وعمر إلى المخزن الموجود بجوار جراج الفيلا بينما صعدت صباح إلى غرفة ادهم لتطعم يارا ولكنها تفاجئت بأن يارا قد أزاحت الأغطية عنها وتتحرك بطريقة لا إرادية على الفراش و...
يارا متآلمة آآآآه مش قادرة عضمي آآآآآه الحقيني يا نوجة بمۏت
صباح اهدي يا بنتي
يارا وهي تدفع صباح آآآآه انتي مين ابعدي عني
صباح لا حول ولا قوة إلا بالله
يارا استني يا نوجة أنا جاية معاكي
عاد خالد من الخارج ومعه الدواء وصعد لغرفة أدهم ليجد صباح تعاني مع يارا و..
خالد في ايه يا صباح
صباح الحقني يا خالد بيه يارا بتخطرف وعمالة ټضرب فيا
خالد حاسبي يا صباح أنا همسكها
صباح ربنا يكرمك يا بني
في نفس الوقت صعد أدهم ومعه عمر للغرفة ...
أدهم بدهشة ايييه اللي بيحصل هنا
خالد ايدك معايا يا أدهم بسرعة
عمر ايه ده انت ماسك يارا ليه كده استغفر الله العظيم يا رب هو احنا فينا من الحاجات دي
خالد لم نفسك يا عمر بدل ما أجي أوريك شغلك
عمر حاضر هاسكت
أدهم انت بتعمل ايه
خالد الظاهر ان الحمى مأثرة ع يارا جامد فعمالة ترفس وتهلوس بكلام غريب كده !
يارا بصړيخ ابعدووووا عني الحقيني يا نوووجة هياخدوني منك ماتسبنيش معاهم .. خديني معاكي
صباح بدموع يا حبيبتي يا بنتي كان مستخبيلك ده فين بس !
أدهم لعمر اقفل باب الأوضة بسرعة لأحسن أمك تسمع اللي بيحصل وتطب علينا وتعملها قضية ع أخر الليل
عمر وهو يغلق الباب حاضر وبالمرة عشان الچريمة تبقى بالدليل القاطع !!!
خالد سكت الواد ده يا أدهم بدل ما أعلقه في السقف
عمر اعتبروني invisible غير مرئي
صباح بالراحة عليها يا بني
خالد امسك رجلها
أدهم طيب
خبطت يارا ادهم بقدمها في وجهه فتألم بشدة ..
أدهم متآلما عيني !! أه يا عيني
خالد انشف شوية
أدهم أنشف ايه بس دي كانت هتطيرلي عيني
خالد ايه اللي في ايد عمر ده
عمر دول حبال كنا جايبنها عشان نربط البطاطين
خالد طب هاتهم بسرعة
عمر ليه دول بتوع البطاطين
خالد وله !!! اسمع اللي بقولك عليه
عمر حاضر
خالد بص انت تربط طرف الحبل هنا والطرف التاني من هنا
عمر أها طب ليه
خالد اللهم طولك يا روح
أدهم عمر ساعدنا علشان نربط البطاطين
عمر اخيرااااا هاخد فرصتي
حاول عمر أن يفعل ما قيل له ولكنه قد أخذ لكمتين في وجهه بقدمها و...
عمر آآآآآآي .. اااه حاسبي يا يارا وشي اتشلفط
صباح معلش يا عمر استحمل
عمر احنا متفقناش ع كده
أدهم أنا ربطت الطرف ده حاسب كده يا خالد
خالد استنى أنا هطلع من الناحية دي
أدهم بضيق مش لازم يعني

اتاخر شوية والحتة هتقضي
خالد يا عم هو أنا هاحب فيها
أدهم برضوه
بالفعل نجح الثلاثة في مهمتهم ثم أعطت صباح الدواء لها وجلس الشباب الثلاثة على الأرض و...
عمر وهو يسند رأسه على خالد الحمدلله المهمة تمت بنجاح
خالد اووف الواحد تعب جامد
أدهم أنا حاسس اني اتكسرت
خالد ربنا يسهل وتصبح الصبحية كويسة وبخير
أدهم والله لو فضلت ع حالتها دي هنسيبها كده
خالد ده وضع مؤقت لحد ما أثار الحمى والهلوسة تروح
أدهم أها
خالد يالا بينا بقى نسيبها ترتاح ونقوم احنا كمان
ادهم ايوه بس أنا هنام فين
خالد اكيد يعني مش معاها أقولك روح نام جمب عمر !
ادهم نعم عمر مين ده اللي أنام جمبه !!!
نظر خالد إلى عمر فوجده قد غفا على كتفه فأوقظه و...
خالد ده عمر سلم نمر ونام اصحى يا بني قوم نام في أوضتك
عمر بخضة هاااا مييين فين أنا صاحي Zzzzzzz
أدهم انت عاوزني أنام جمب ده لأ يارا