أميرة الاخرس

_ماما تعالي شوفي بنتك اللي عاوزة ټخطف خطيبي مني
اخرسي يا تكبير اخرسي سامعة ولا مش سامعة
_لا مش هخرس تيجي ماما وبابا يشوفوا بنتهم المحترمة بتعمل إيه
بعمل إيه امشي اطلعي برة أوضتي خطيب مين ده اللي أبص له أنت اتهبلتي في مخك ولا جرالك إيه
_جرالي إيه والله منا ساكتة سامعة أنا مش سهلة على فكرة
تكبير متخليش أوهام في مخك تخسرنا بعض ومفيش حاجة من دي صح
_لا صح يا داليا أنا سمعتك بودني وأنت بتقولي لجميلة إنك بتحبيه أنا بقا مش هسكت فاهمة وأهي مامتك جت تشوفلك حل يا كبيرة يا محترمة
اخرسي قطع لسانك بنت مش محترمة يلا انزلي شوفي أنت رايحة فين وأنت يا داليا تعالي ورايا
_بتبصي لخطيب أختك يا داليا أنا ربيتك على كده يا بنتي
حضرتك مصدقة تكبير يا ماما
_للأسف مصدقاها يا داليا كنت بكدب عنيا واللي بشوفه بس الأمر اتكشف والڼار ولعت يا بنتي ولعت ومحدش هيعرف يطفيها
أنا والله... أنا.. بحبه من زمان يا ماما أنا آسفة.. في ڼار جوايا وۏجع بحاول بس
_تعالي في حضڼ أمك يا داليا حرام عليك حړقة قلبي عليك والله حرام عليك
أنا عاوزة أروح عند جدي هقعد معاه لحد ما أفوق أنا لازم أفوق يا ماما صح صح يا ماما
_اسم الله عليك يا ضنايا مالك يا داليا
أنا كويسة أنا هكون كويسة
قلت كده وأنا مش قادرة آخد نفسي وحالة ضيق التنفس اللي بتجيلي لما أزعل مخلياني مش قادرة آخد نفسي شيء محزن إن الإنسان يوصل نفسه للمرحلة دي إنه يخلي شخص سبب حياة وهو متأكد إن الحياة دي مستحيل يعيشها بس بيتعلق في وهم اسمه ممكن
_حبيبة جدها شكلها باهت كده ليه
حطيت راسي على رجله وغمضت عيوني وسكت
_عارفة يا داليا من تمانية وأربعين سنة كده كنت عايش قصة حب عڼيفة مع واحدة الله يمسيها بالخير لو كانت عايشة ويرحمها لو كانت مېتة حبيتها لدرجة إني لو كنت أغيب أسبوع مشوفهاش يجيلي حمى وأتعب كنت متعلق بيها قوي ومكانش حد يعرف حاجة عن اللي جوايا كنت بتسحب وأشوفها عند حافة النيل ساعة الشروق في الصبحية وهي رايحة جامعتها وضفيرتها على كتفها تبصلي وتبتسم قلبي يروح معاها وأفضل طول اليوم مبتسم زي العيل الصغير جوازنا كان صعب لأن في مكاتيب العيلة حدانا البنت لابن عمها وأنا كان من نصيبي داليا جدتك الله يرحمها زعلت وثورت وقاطعت أبويا فترة لحد لما اتجوزت أنا وداليا وجبتها وجينا البندر مكنتش هقدر أفضل هناك وأنا متجوزتش الإنسانة اللي بحبها وبتدابير ربنا قدرت جدتك تزرع حبها في قلبي بعد ما كنت بقول مستحيل أنسى حبيتها وبقيت محملش عليها الهوا الطاير أي نعم الحب الأول مبيتنسيش هو بس بيندفن جوانا بس الحياة ما بتوقفش بكرة