أميرة الاخرس

تعرفي لما تحبي إن الحب الصح هو اللي بييجي في أكتر أوقات ضعفنا وأكتر أوقات رفضنا عشان يعيش جوانا طول العمر يعيش ميموتش يا داليا
جدو طبطب علي راسي
قعد يطبطب علي وهو مبتسم وأنا باصة له ومبتسمة أغلى الغوالي على قلبي يا جدي
لو سمحت ممكن المنوم ده
_فين الروشتة يا آنسة
أنا باخده على طول يا دكتور إيه الجديد المرة دي
_الجديد يا آنسة داليا إنه ممنوع تداوله بدون إشراف طبيب لأنها فيها مسائلة
شكرا عن إذنك يا دكتور
_داليا
ضميت حواجبي واتلفت له باستغراب إزاي يقول اسمي مجرد!
_أقولك على منوم أفضل
ابتسم وسند بدراعه على الحاجز اللي بيني وبينه واتكلم بهدوء
_القرآن يا داليا
خرجت وأنا مستغربة من اللي حصل محتاجة أتمشى شوية لوحدي فمشيت
_يا حنين! من إمتا النحنحة دي
_بطل تفاهة يا عزيز
_تفاهة بص شوف لمعة عيونك وابتسامتك في المراية وأنت هتعرف قصدي كل لما تيجي تاخد دوا جدها أو الدوا بتاعها بتبقا حالتك غريبة
_الغرابة فعلا لو محاربتش عشان تكون نصيبي بعد كل اللي حاسس به ده
بصيت على المكان اللي مشت فيه واتنهدت
داليا
_داليا
أيوا يا جدي
_تعالي نادي الدكتور سند يديني الإبرة يا بنتي
سند مين
_الشاب الحليوة اللي واقف في الصيدلية اللي تحتينا اللي بتجيبي منه الدوا
اه تمام هلبس الإسدال وأنزل أقوله
دكتور سند
إيه ده هو اتنفض مكانه كده ليه
جدي بيستأذن حضرتك في ميعاد الإبرة
_اه تمام جاي له حاضر اتفضلي اطلعي وأنا جاي
_عزيز
_أيوا يا سند
_خلي بالك من المكان... بقولك هو عادي إن عيون حد تكون نقطة ضعف عادي ترج القلب
_أنت سخن يا سند يا حبيبي
_والله أنت فصيل يا بني
_غض البصر يا دكتور متنسهوش لأجل سلامة قلبك
ابتسمت له باصفرار وطلعت أخدت كذا نفس ورا بعض وخبطت الباب الموارب سمعت صوت عم علي جدها وهو بيقرأ قرءان وداليا بتقرأ وراه صوتها في القرءان هادي بتغلط في كلمات كتير وجدها بيردها
_كمشكاة فيها مصباح المصباح في زجاجة الزجاجة كأنها كوكب دري
منا مش عارفة أنطقها
قالت كده وهي بترفع راسها بعفوية من المصحف تبصلي بعد ما رديتها
_عارفة التعتعة دي لها أجران أجر القراءة وأجر المشقة الذي يقرأ القرءان وهو ماهر فيه مع السفرة الكرام البررة والذي يقرأ القرءان ويتتعتع فيه له أجران
شكرا يا دكتور
_محترم وجدع دكتور سند ده
ربنا يبارك في من رباه يا جدي
_طالب إيدك وقال لوالدك على فكرة
مين ده يا جدي
_يا بنتي بطلي الغباء اللي بينط جواك فجأة ده زي جدتك الله يرحمها سند طالب إيدك
ده اللي هو إزاي ده لامؤاخذة بس يا جدي خدني على قد عقلي وقولي هتخطب إزاي لواحد وأنا لسة جوايا الخړاب ده
_ده أسلم حل ثقي في جدك وتوكلي على الله سند ده على ضمانتي أنا وبعدين خدي هنا
نعم
_حاسة بإيه حاليا وبالتحديد
بفراغ
_اقعدي مع نفسك شوية يا داليا وشوفي إيه وصلك للفراغ ده لأن اللي