هند الحارس

لبس وكمان دي مبتعرفش
مقدرتش أتحكم في دموعي ونزلت ڠصب عني
رفعت عيني لقيته بيبصلي پغضب وخنقة
كنت مستنية رده هو كمان ويكملوا ذل فيا
لكن صدمني رده لما حاول يتصنع ابتسامة بعد ما قاطع كلامها
مين قال بالعكس هي حد لطيف وطيب وشخصيتها حلوة ومحترمة!
هتمنى إيه في زوجتي أكتر من كدا
اللي مبيفهمش بس هو اللي مبيقدرش حد طيب زيها
تقدروا تحددوا ميعاد كتب الكتاب على طول
بصلي برفعة حاجب بعد ما خلص وكأنه بيقولي ياريت تعترضي
نزلت راسي بتشوش
هو بيعمل إيه هو عايز مني إيه
آه صح هيلاقي فين شخصية سلبية زيي مبتتكلمش ولا تعترض بتقول حاضر ونعم!
سمعت صوت زغروطة ماما وكأنها ما صدقت لاقت حد يقبل بيا وكانت فاقدة الأمل في دا
مقدرتش أتحمل كم الذل دا وجريت على أوضتي أعيط
على حياة عشتها في ذل بدون اعتراض وحياة مع حد مجهول معرفش عنه حاجة حتى اسمه!
الغريب في الأمر إن بعد ما شبه بقيت مخطوبة وفاضل كتب الكتاب لقيتهم بيعاملوني كويس وكأني بقيت كنز بالنسبة ليهم
عاملوني بحنية لدرجة كنت حاسة بالامتنان للشخص اللي معرفوش حتى لو كانت الحنية دي مؤقتة
جي يوم كتب الكتاب ومحستش بفرحة ولا أي حاجة زي أي بنت في اليوم دا
صحابي جم وخلوا الموضوع أحسن بالنسبة ليا
أهلي اتفاجئوا إني بهزر عادي وبضحك بصوت معاهم
حسيتهم ندموا على معاملتهم ليا
بس بعد إيه
بعد ما رموني لشخص حتى معرفش سبب تصرفاته
دي
بعد كتب الكتاب سابونا ومشيوا
يا نهار أبيض
مين دا! وقعدت معاه إمتى والناس راحت فين
ببصله لقيته بيبصلي وساكت
إيه الړعب دا!
بعد شوية لقيته بيسألني سؤال
ليه عملتي في نفسك كدا
ليه مخلية الكل ياخد عنك فكرة سيئة وإنك سلبية رغم إنك مش كدا
بصيت له بذهول وبعدين الدموع اتجمعت في عيني واتكلمت بصوت مهزوز
عشان هما عايزين يشوفوني كدا محدش فكر يتكلم معايا ويعرف أنا عايزه إيه ولا أنا ليه بعمل كدا
جربت أتكلم مرة بعدها الكلام كان بيقف ومبيطلعش
ولأن شخصيتي كدا مبحبش أشكي وأبكي
ممكن أتحمل الۏجع في قلبي على إني أتكلم والكلام ميجيش بنتيجة
سكت بعد ما حسيت بحمل تقيل كان على قلبي
إزاي شخص معرفوش قدر يسأل السؤال اللي كنت حاسة مالوش إجابة
وإزاي جاوبت عليه بكل سهولة
وإزاي سأل
استوعبت وسألته پصدمة
إنت عرفت منين!
بصلي بضحكة
لحظة إدراك
أنا أول مرة أتكلم لما حد يسألني
حتى صحابي دايما بيشوفوني أضحك وأهزر بس حد يعرف اللي جوا قلبي وحزني كل يوم لا
سكت شوية وبعدين رد بلوم
انتي مكنتيش تاخدي بالك مني
كنت كل يوم أجي الحضانة أخد ابن أختي كنتي تديهولي ومتركزيش
أول مرة جيت عشان أشوفك من كتر ما هو بيتكلم عنك
شدني الفضول أجي أشوف الشخص اللي رجع الضحكة ليه بعد مۏت أبوه وانعزاله عن الناس لفترة
إيه اللي بعده عني بعد ما كنت