هند الحارس

محل أسراره
عشان أجي ألاقيكي وتخطفيني من أول مرة أشوفك فيها
بسمتك هدوئك غض بصرك اللي تقريبا مخلكيش ركزتي إني كنت باجي أخده كل يوم لمدة شهر
لما جيت أتقدم وسمعت من جيرانكم الكلام دا اتضايقت
اتأكدت إنك شخص طيب لدرجة ضيعتي حقك بإيدك
إنك بتحاولي تكوني النور لناس عمرها ما شافته في الوقت اللي انتي مطفية فيه
حبيت أكونلك النور زي ما كنتي النور لغيرك
كنت بسمع بصمت وعيني بتدمع
مكنتش مصدقة
معقول يكون هو العوض
معقول يكون هو رزقي في الدنيا!
لما خلص كلامه لقيته بيقولي
حقك عليا من كل حد أذاك
مكنتش مستوعبة فضلت أعيط
أخير القيت النور في نهاية النفق!
انهاردة كان مفروض أهلي جايين يزوروني بعد ما فات أسبوع على زواجي كنت خاېفة منه ومنهم
دي كانت أول مرة هطبخ من ساعة ما اتجوزت وأنا معرفش
كنت خاېفة يبقى زيهم لما يلاقيني فاشلة ومكنتش عارفة أعمل
كنت خاېفة أهلي كمان يذلوني قدامه زي كل مرة
صحيت من النوم فضلت مخڼوقة وبعيط
هو كان لسه نايم
مسحت دموعي وصحيته عشان يروح شغله وكنت جهزت الفطار
دي الحاجة الوحيدة اللي بعرف أعملها
كان نايم ومش راضي يصحى فلقيت نفسي بعيط
هو عمل حاجة لا
بس نفسيتي لما بتكون تعبانة بعيط لما الشاي بيبرد عادي
صحى مخضوض على صوت العياط وحاول يهديني
مالك بس في إيه والله كنت هصحى بس انهاردة إجازة
كملت عياط
يا نهار أبيض كمان إجازة
يعني هيشاهد فشلي الذريع بعينه!
حاولت أتكلم بصوت مهزوز مقدميش حل تاني لازم يعرف
أهلي انهاردة جايين وأنا مبعرفش أعمل أكل كتير هو مكرونة وايت صوص والحاجات الخفيفة اللي بعملها
سكت
وكملت عياط
لقيته بيضحك وبيتكلم بحنية بعد ما سكت
بس طب مانا عارف يا حبيبتي وعشان كدا خدت إجازة
بصيتله باستغراب وأنا بمسح دموعي
وهو فهمني ورد من غير ما أسأله
عارف إنهم جايين وعشان كدا خدت الإجازة وهنعمل الأكل سوا
طول ما أنا موجود مټخافيش
أنا بعيط
أنا ممتنة
ممتنة لوجوده وإنه عمره ما يسيبني لدماغي
اتكلمت باللي كنت خاېفة منه
كنت خاېفة إنك تبعد زي ما ماما كانت تقول لما تعرف إني مبعرفش أطبخ
كنت خاېفة أعاني زي ما كنت بعاني طول حياتي في صمت
ابتسم وهو بيربت على راسي
ربنا رزقنا الزواج عشان تكون بينا مودة ورحمة وسكن لبعض
لو مكنتش هبقى سكن ليكي وسط خۏفك يبقى إيه الهدف
تاني حاجة مش معنى إن رزقك مكانش في أهلك يبقى تظني كل رزق ابتلاء
في ناس رزقهم مبيكونش في أهلهم بس في حاجات تانية كتير
في أدبهم احترامهم معافرتهم في الدنيا قربهم من ربنا رزقهم في شغلهم
الرزق بيتوزع بشكل مختلف وده مش معناه أقلل منك
دي إرادة ربنا وده ابتلاءك في الدنيا
ورزقك في حاجة تانية وده مش عيب طالما بتحاولي إنك تبري الوالدين وتصبري على أذاهم
سكت شوية وبعدين ضحك وقال
أو ممكن رزقك يكون
في زوج حنين زيي!
ضحكت معاه وبصيت للساعة وأنا بشده
طب يلا يا رزقي في الدنيا عشان نلحق نخلص
هند حارس