اسكريبت حصري جديد بقلم المبدعة اسراء ابراهيم

وسابت يوسف ودخلت الحمام وهبدت الباب وراها ويوسف وقتها نفخ پغضب وساب الاوضة ونزل ووقتها شاف ماجدة امه هي وجميلة مرات عمه قاعدين ببفطرو واول ما شافته جميلة قامت بلهفة وقربت ليه
جميلة بلهفة يوسف قولي انك عملت اللي طلبته منك طمني يا يوسف علي ملك..
يوسف بضيق اطمني يا مرات عمي بنتك نضيفة
ماجدة بشك من وراهم يوووسف اوعي تكون بتداري عليها
جميلة پغضب وابنك مش راجل يعني ولا ايه عشان يعمل كدة يا ماجدة ما قالك اهو ان بنتي كويسة. في ايه مالك
ماجدة پشماتة معلش يا جميلة ياختي بس ده شرف وانا من حقي اطمن ولا نسيتي اللي عملتيه في بنتي وكلامك عليها واصرارك انك تعرفي هي كويسة ولا لا رغم ان بنتي مهربتش مع حد ولا سابت بيتها كام شهر
جميلة بانفعال ما خلاص يا ماجدة حوار واتقفل بتفتحيه ليه بنتك واتجوزت ابني يعني مننا فينا محدش يعرف حاجة
ماجدة پغضب لا يا حبيبتي انا بنتي اشرف من الشرف وانتي عارفة ولولا كلامك عليها ده اللي خلاني اجوزها عشان اطمن وارتاح واظن انتي مجربة دلوقتي احساسي
جميلة كانت هتفرقع من الغيظ وهي باصة لماجدة وكان متابعهم يوسف پصدمة وهو مش متخيل كلامهم مع بعض في مواضيع زي دي بالطريقة دي ازاي وفهم ان في حجات كتير فاتته في الكام سنة اللي سافر فيهم
فارس بتدخل اعتقد كلامكم ده ملوش لزوم وياريت تبطلو تتكلمو في الموضوع ده لانه اتقفل وانتي يا ماما لو سمحتي ابقي اطمني علي روز لاني امبارح حسيتها مخڼوقة وفيها حاجة ومكنتش راضية تتكلم معايا
جميلة بسخرية ومخڼوقة من ايه يا يوسف يعني دي متجوزة فارس ابني اللي مكنتش تحلم بيه اصلا
كانت ماجدة هترد بس يوسف المرادي اللي رد عنها بثقة واختي برضه مكنش فارس يحلم يتجوزها يا مرات عمي ولو انا كنت هنا انا مكنتش هوافق عليه اصلا وده لانك عارفة كويس طبعه فبلاش نتكلم في القديم عشان خلاص اتقفل
ابتسمت روز بتلقائية وهي نازلة من عالسلم ولاول مرة تحس ان ليها سند فحاولت تداري ايدها اللي فارس معلم عليها بايده وقربت روز من يوسف وحضنته بحب
روز بحب ممزوج بحزن ربنا يخليك ليا يا يوسف انت سندي بعد بابا الله يرحمه
يوسف بحنية ويخليكي ليا يا قلب اخوكي لو سمحتي يا روز لو في اي حاجة قوليلي اوعي تخافي من اي حاجة انتي فاهمة
روز بحب فاهمة يا حبيبي ربنا يخليك ليا
كانت متابعاهم جميلة پغضب ومقدرتش تتكلم اما ماجدة فكانت متابعاهم بفرحة وفخر بابنها اللي عرفت تربيه
كانت واقفة روز بتعب في المطبخ وبعدين بصت في الساعة بقلق وبقت تحاول تنجز قبل ما فارس يجي من الشغل وده لانها مش حمل مد ايد منه فكانت بتحاول بتنجز لحد ما دخلت عليها ملك
روز بلهفة ملك حبيبتي انتي كويسة
ملك بحزن كويسة من برة يا روز بس للاسف من جوة مدمرة شوفتي اخوكي اللي كنتي بتطمنيني انه هيقف معايا اول واحد جه عليا
روز بتبرير اعذري يوسف يا ملك صدقيني هو مش وحش بس الذن عالودان انتي مشوفتيش امك امبارح كانت بتقوله ايه عليكي هي اللي صممت انه يعني
سكتت روز باحراج وحزن وملك وقتها كملت فهمت يا روز بس مش بالطريقة دي انتي مشوفتيش نظرته ليا كأني واحدة حقېرة
روز بحزن هو مش شايف غير كلام مرات عمي يا ملك مش شايف غير انك هربتي من البيت والناس بتتكلم عليكي وبعدين