الغفير وبنت شيخ البلد بقلم اسراء ابراهيم

بيطبطب علي كتف ادهم
وأنا باشوفك كيف ولدي بالتمام ويعلم ربنا ان غلاوتك في جلبي كبير يا ولدي
أدهم بصوت واطي
اللي زيك يتشال على الراس يا شيخ منصور وإن شاء الله أكون دايما قد ثقتك.
منصور براحة
تسلم ياولدي صح جمر عندها فرح صحبتها النهارده وناس البلد هناك وأنا ما أرتاحش غير لما إنت تروح معاها وتبجى في ضهرها.
أدهم بصوت فيه رهبة
تحت أمرك.. أنا أروح وأراعيها بعينين ما تنامش.
في اللحظة دي قمر نزلت من فوق لابسة لبس بسيط وشيك وقربت بخفة ناحيتهم
قمر بابتسامة
السلام عليكم كيفك يا ابوي
منصور بحب
وعليكم السلام يا ضنايا انا زين يا روح جلب ابوكي يلا يا ادهم وميف ما جولتلك خليك جارها أدهم هيروح معاكي الفرح يا جمر
قمر بابتسامة خفيفة
طيب ماشيانا اصلا كنت هطلب منه يوصلني وبعدين يا ابوي انت بتوصيه عليا أدهم دايما واخد باله مني ومش محتاج تفكره
أدهم بصوت هزار
ربنا يسترها المرادي بجي
قمر بتضحك بتلقائية
بتجولها كأننا رايحين غزوة دا فرح يا أدهم مش مأمورية عاد
أدهم بابتسامة
اللي يهمني إنك ترجعي بالسلامة
قمر بتلقائية من غير ما تقصد
ما تقلقش.. طول ما إنت جنبي مش هخاف ابدا
اادهم ابتسم بتلقائية وقلبه دق فهرب بعنيه بعيد احسن تفضحه وتبين اللي جواه
وشوية وخرجو من المجلس عشان الفرح
قمر بتردد
أدهم.. كنت رايدة أسألك علي حاجة اكده
أدهم بسرعة
طبعا جولي يا جمر علطول
قمر بحيرة
تعمل ايه لو لجيت نفسك مربوط بحد مش طايجه ومجبور عليك توافج لاجل المصالح
أدهم بتلقائية
كنت أسمع لجلبي.. ولو جلبي
قال ما ينفعش ما أكملش واهمل الطريج ده علطول
قمر بصوت فيه تفكير
طيب.. ولو القلب بدأ يدق لحد تاني وانت مش خابر ده صح ولا غلط
أدهم حس بڼار في قلبه لما فهم ان قمر بتحب حد تاني
يبجى لازم الحد ده يعرف.. حتى لو طلع مش شايفك بس عالاقل تبجي عرفتي الحجيجة
قمر بتبصله بحزن
ولو هي خاېفة تتحدت معاه احسن تنجرح لو طلع مش بيبادلها الشعور ده
أدهم يبص قدامه بحزن
يبجى الواحد يعيش علي الۏجع بس ما يخدعش نفسه بوهم انه ممكن يحصل
قمر بصوت واطي
حديتك دايما وجيع يا أدهم بس صادج.
أدهم بهمس
الصدج.. هو اللي باقي يا جمر
وصله الفرح وادهم كان واقف برة البيت ولمح نظرات شاب ليها من بعيد وقمر كمان بصتله وابتسمت فتوقع انه ده الشاب اللي كلمته عنه ووقتها حس بغليان في قلبه
ادهم بغيرة مكتومة
مين اللي بتضحكيله ده تعرفيه منين يا جمر
قمر بابتسامة
ده يونس يبجي اخو رحاب صحبتي واعرفه من زمان من واحنا عيال صغيرة
ادهم بخنقة
تمام يا جمر يلا ادخلي عند الحريم وانا مستنيكي اهنه لما تخرجي
قمر بسرعة
ادهم اوعاك تبعد خليك جاري اهنه اخرج الاقيك
ادهم بهدوء
متجلجيش لا يمكن اهملك واصل لحالك هتخرجي تلاجيني يا برنسيسة يلا ادخلي
ابتسمت قمر ابتسامتها اللي بيعشقها ادهم وسابته ودخلت ووقف هو يتابع يونس پغضب وغيرة مش قادر حتي يظهرها
في بيت منصور كانت زينب مراته وام قمر قاعدة جمبه بس مترددة تتكلم
زينب بصوت هادي بس فيه تردد
منصور... أنا رايدة أكلمك في موضوع شاغلني من بدري
منصور بقلق وهو بيتعدل
جولي يا زينب مالك فيكي ايه
زينب بحزن واندفاع
أنا مش مرتاحة... ومفيش راحة في قلبي في جوازة قمر من حسن ولد العمدة.
منصور بتنهيدة
يا زينب أنا فاهم خۏفك بس الجوازة دي فيها مصلحة كبيرة للبلد
ولسمعتنا قدام الناس
زينب بضيق
وإيه يعني المصلحة لما أجوز بنتي وهي مش مرتاحة!
إحنا مش بنبيع جمل يا منصور دي
بتنا قمر ضنايا.
منصور بحيرة
أنا مجدر والله مجدر بس حسن مصمم وجايب ناس وهيتجنن والعمدة مش أي حد وأخاف يحصل بينا وبينه