رواية ضل راجل كاملة بقلم الاء الواقع

لمي الدور وارجعي بيت جوزك يا بنتي...
الكلمة خرجت من بق أمها زي طلقه
بصت لها رقية باستغراب صوتها كان مبحوح من كتر العياط
بعد كل اللي قولتهولك يا أما
هند بضيق وهو جوزك عمل إيه يعني
ضحكت رقية ضحكة مرة كانت أقرب للبكا وقالت
ولا حاجة كل يوم بيخوني مع واحدة شكل!
يبقى العيب منك لو انتي ست بتملي عنيه ماكنش بص بره.
رقية صوتها ارتفع وهي بتحاول تكمم ۏجعها
هو اللي دني وطفس وأنا زهقت... قرفت منه خلاص
أنا عايزة أطلق!
شهقت هند وضړبت بايديها علي صدرها وقالت
تف من بقك يا بت!
طلاق إيه إحنا ماعندناش بنت في العيلة تطلق!
عايزة تجرسينا في وسط الخلق.
رقية صړخت فيها بحړقة
أجرسك! ده بدل ما تقفي جنبي ياما وتقولي أنا معاكي يبنتي.
هند لوت شفايفها شمال ويمين وقالت
معاكي!!!
معاكي في خړاب البيوت! اسمعي يا رقية الكلمتين دول حطيهم حلقة في ودنك عيشي واشتغلي بعيالك وسيبيه يعمل اللي هو عايزه طلما بيعد عن بيتك . طول ما هو بيصرف وماتجوزش عليكي يبقى خلاص! استحملي... البيوت كلها كده!
رقية سكتت... بس عينيها كانت بتتكلم وكانت بتنطق حزن وقهر سنين. دموعها نزلت من غير صوت لكن قلبها كان پيصرخ.
أهو نكدك ده اللي طفشه. بطلي عياط وخدي عيالك وارجعي... ولا سيبيهم عندي وانتي روحي اعمليله عشا حلو وصالحيه ده قبل ما يكون جوزك ده ابن خالك... يعني أهل.
رقية قامت من غير ما ترد خدت ابنها بإيدها وبنتها شايلها على صدرها ومشيت. مشيت على بيتها وهي حاسة إن دماغها ھتنفجر من كتر التفكير وكل خطوة كانت تقيلة... كأنها ماشية في مية تقيلة وباردة.
وصلت البيت...
حمزة ابنها رفع عينيه فيها وسألها ببراءة وقال
ماما... هو بابا هييجي إمتى
رقية بلعت الغصة وقالت بصوت ضعيف
مش عارفة يا حبيبي... على حسب ما يخلص شغله.
طيب هلعب أنا ونور لحد ما ييجي.
ماشي... بس ما تبهدلوش الشقة.
سابتهم ودخلت الأوضة قفلت على نفسها وفتحت دولابها... وبصت للهدوم اللي فية وضحكت بمرارة.
و قربت من المراية بصت لنفسها... مشيت ايديها علي جسمها وبالايد التانية فكت شعرها ونزلت تحسس علي ملامح وشها شاحب من كتر العياط والهم .
سألت نفسها بصوت مسموع
أسم الله علي جمالي حتي لو مرهقة شوية منك الله يا حسين يا خسارة سنين عمري اللي ضاعت معاك.
وفجأة...
رن تليفونها.
بصت عليه... اسم دعاء صاحبتها على الشاشة.
فتحت السماعة.
دعاء
رقية... إنتي فين أنا لازم أشوفك عندي كلام مهم لازم تعرفيه... عن حسين جوزك.
في إيه يا دعاء
دعاء بصوت مهزوز مش في التليفون... شوفي عيالك هتوديهم فين وقابليني... ضروري.
رقية قلبها وقع وډمها جرى بسرعة في عروقها.
حست إن في حاجة كبيرة جاية... بس المرة دي مش هتسكت.
خرجت رقية من الأوضة
لبست حمزة ونور بسرعة وسابتهم عند أمها
بالعافية بعد ما اتحججت إنها رايحة تشتري حاجات ناقصة في بيت.
وصلت الكافيه اللي اتفقت تقابل فيه دعاء