رواية بنات الأسد بقلم السلطانه نور القمر

دكتور لجيهان في الجامعه هو اه بيحبها بس هو عارف أنها بتحب أبن عمها وليها حق أن كل البنات اللي في القاعه هيموتوا عليه وقرر قراره النهائي
وخلص فرح جيهان و أسد وسط مباركات رجال الأعمال لأسد السوق والعالم و العيله
وراحوا القصر و طلعوا الاوضه بتاعتهم
أسد بهدوء غيري هدومك وتعالي عشان عايز اتكلم معاكي
جيهان ماشي
وراحت غيرت هدومها ولقت أسد قاعد علي الكرسي اللي في الاوضه وشاور ليها علي الكرسي اللي قدامه
قعدت
أسد جيهان أنا عارف إنك كنتي مش راضيه عن الجوازه بس
جيهان قاطعته مره واحدة و بدون مقدمات بحبك
أسد پصدمه نعم قولتي ايه
جيهان أنا بحبك يا أسد من زمان من ساعه ما كنت صغيره وأنت رحت زعقت ليها و خدتني و رحنا كلنا ايس كريم سوا أنا بحبك من وقتها بس أنت سافرت و اتعلمت برا وبعد كدا جيت وعشت لوحدك و أنا علي فكره أنت مش مطالب تبادلني نفس الشعور وأنا عارفه إنك اتجوزتني عشان تحميني من نائل الحديدي صدقني لو لقيت حبك أنا هسيبك عشان تكمل حياتك مع اللي بتحبها حتي لو مش أنا المهم إنك تكون سعيد
و جات تقوم أسد مسك أيدها و بص في عيونها لقاها مدمعه و حاس إنها هتعيط خلاص
أسد للدرجه ديه
جيهان واكتر من كدا
اسد احم أنا لأول مره بقولها لبنت أنا معجب بيكي وممكن الشعور يتبادل
جيهان بصتله پصدمة و مسحت دموعها و ضحكت إجباري بجد
أسد ضحك جامد وده جعله وسيم جدا جد الجد كمان
يتبع
رواية بنات الأسد الفصل الثاني بقلم السلطانه نور القمر حصريه وجديده
بعد جواز جيهان و أسد وجيهان اتقربوا من بعض جدا وهي حبته اكتر وهو كمان بس مقالش ليها و اتأخر الحمل عند جيهان وكانت فاكره أن أسد هيزعق و يتخانق لكن خد الموضوع ببساطه و اتفهم ده
وده خلي حبه يزيد في قلبها وبقت بتعشقه وبعد فتره أسد راح القصر بيدور عليها عرف أنه اغمي عليها النهارده و تعبت وطلع بسرعة ليها ودخل لقي رأفت و أليف ووجد وشمس مع فاضل دخل وقعد جنبها ومسك أيدها
أسد بلهفه أنتي كويسه يا عمري فيكي حاجه تعالي نروح للدكتور
جيهان بفرحه لا يا أسد أنا كويسه بس
أسد قاطعها كويسه ازاي أنا ميه مره اقول اهتمي بنفسك وأنتي مطنشه بس شكلي اتسهلت معاكي
أليف يا عم ارحم نفسك حتي في كدا جبار ومش راضي تسمع اوف
أسد اخرس يالا
أليف باحراج احم اللي أنت شايفه
شمس بابتسامه متقلقش يا أسد هي كويسه بس ابقوا تعالوا المستشفى عشان بقي عشان نتابع مع الهانم والبيه اللي جي في الطريق
أسد ماشي ما فيش مشكله وبعد كدا بص ليها پصدمه نعم يا أختي
أما الكل ضحك علي أسد
اسد بټهديد صوت كلب اسمعه هولع فيه ويلا كله برا بقي
جيهان بكسوف من جوزها أسد عيب كدا
أسد ما عيب اللي العيب ديه مش أول مره اطردهم براا يا حيوان منك ليه
رأفت إيه الاحراج ده يلا يا شموسه ننزل احنا سلام بقي هنشوفكم علي الغدا
أليف وهو بيشد مراته وشال جيسي اه معاك حق وبالمره الواحد يدور علي حاجه يأكلها يعني قصر بالطول والعرض ده و مفيهوش اكل عدل كله بتاع اجانب أنا اروح احسن مصمت ام فتحي ديه عليها شويه كوارع عنب
وجد ايه القرف ده هات بنتي ديه كدا عشان أنا هتبوظ اخلاقها يلا يا جيس
جيسي بارف يلا يا
مامي حاجه قلبه معده
أما أليف بسخريه الله يرحم امك
وجد بتحذير أليف الفاظك
أليف وهو بيخرج عندي نسختين ارحمني يا رب أنا لازم اجيب ولد ويبقي شبهي كدا كتير الله يكون في عونك يا أسد و ﷲ علي الخلفه ده أنت هتشوف أيام منيله ونزل وهو ووجد وجيسي و شمس و رأفت و فاضل بعد ما بارك ليهم
أما أسد قعد جنبها وما اتكلمش
جيهان بتردد أسد هو أنت زعلان أنا ممكن
أسد بصلها پحده ممكن إيه أنتي عارفه أنا مستني اللحظه ديه من زمان
قالت بتردد طب لو بنت
أسد وهو حاضنها هبقي فرحان اكتر أنها بنت عشان هتبقي شبهك بس هتبقي بنت الأسد
وعدا فتره حمل جيهان ودائما شمس معاها و عرفوا أن وجد حامل معاها وده خلي الكل يفرح و أسد دائما متابع مع شمس ومش سايبها خالص
ويوم ولاده جيهان أسد كان مسافر ولما عرف رجع علي أول طياره وراح المستشفى وعرف أنه خلف تلاته بنات تؤام الكل بارك ليه و اطمن علي جيهان وفي نفس الوقت و خلفت وجد مع جيهان مع وجد في نفس الأوضه والكل قاعد معاهم
فاضل اومال يا أسد هتسمي بناتك إيه بقي
أسد بص علي بناته الثلاث بحنان أول واحده هتبقي نوران
الكل استغرب الإسم ده
جيهان اشمعنا الإسم ده يا أسد
أسد عشان معني الإسم أميره النور وبنتي هتبقي أميرتي الحلوه و بتاعتي أنا وبس
أما التانيه نورين عشان معناه الابتسامة أو انعكاس ضوء القمر علي الماء وهي هتبقي ابتسامتي سر سعادتي و الاخيرة ديه نور عشان هتبقي نوري و قطتي أنا وبس
رأفت بضحك احب ابشرك يا جيهان أن أنتي مش هتعرفي تشوفي بناتك أصلا أسد طالما قال بتاعتي أنا وبس هيبقوا نسخه منه التلاته و هيبقوا الجبابره
أسد ما حدش ليه فيه واللي هيقرب من أميرتي و ابتسامتي و قطتي هولع فيه
أليف طب بص بقي بما أن أنت سميت فهد و جيسي وسميت ولادك بصراحه كل اسم احلا من التاني و معناهم احلا أنا عايزك تسمي ابني
أسد يا ابني ده ابنك وبعدين تلاقي وجد عايزه تسمي ابنها
وجد بنفي لا يا أسد وبعدين ما ده هيبقي ذي إبنك برضوا ولا ايه واكملت بزعل طفولي و اشمعنا
ابني أنا بقي ما أنت سميت جيسي وفهد وبناتك سمي ابني
راح أليف حط الولد علي ايد أسد اللي بصله
أسد بص ليه وأكمل بابتسامه اممم أسمك أنت آوس
وجد بفرحه حلو أوي الإسم ده يا أسد
رأفت ھموت واعرف بيجيب الأسماء ديه منين
أليف باستفسار معني آوس إيه بقي
أسد معناه الفرصه أو الذئب وده من اصل يوناني
أليف مال علي رأفت أسد ده مثقف اوي أنا بحس اني خريج سلالم مش كليه لما بيتكلم معايا
أما أسد سمعه وقعد يضحك هو و الكل
وتمر الأيام أسد بيتعلق ببناته أوي وبقي مش بيسبهم غير لما بيروح الشغل وبيرجع بسرعه عشان خاطرهم وجيهان مبسوطه من ده لأنها كانت فكره أنه هيزعل أنهم بنات وبرغم تعلقه ببناته إلا أن أسد بيهتم بجيهان جدا وخلصت دراستها وقررت مش هتشتغل عشان خاطر بناتها وجوزها و أسد قدم معلومات عن نائل الحديدي أنه بيتجار في الممنوعات والاعضاء وبسبب الچرائم بتاعته خد اعدام وماټ ولكن في الوقت ده كان في واحد بيسعي للاڼتقام من أسد وهو رعد الحديدي ابن نائل الحديدي إلا أن أسد مش اداله اهتمام وبقي الأولاد كلهم قربين من أسد وبيحبوه اكتر من ابوهم وأمهم وفهد اللي خد كتير من أسد وفي عيد ميلاده أسد ادله حصان عربي