قصة فوبيا كاملة بقلم حمادة هيكل

فوبيا
القصة كاملة
يلا يا علي ..حاسب التاكسي بسرعه
انا تعبانه ومش قادرة
حاضر حاضر يا سهى
اتفضل يا اسطى ..هات الباقي بسرعه
المدام زي ما انت شايف على وش ولاده خلاص
حاسبني السواق بسرعه
دخلت العمارة ومراتي واقفه بتهز برجلها في الأرض
يلا بقى يا ستي تعالي نطلع ...بس ياريت نطلع بالاسانسير بقى..انا نفسي بيتقطع من السلم احنا في الخامس
انت عارف انا عندي فوبيا منه
يا ستي انتي بطنك أدامك وعلى وش ولاده
خاېف العيل ينزل على السلم..الاسانسير أسهل واسرع
وبعدين انا معاكي أهو خاېفه من ايه بس
وكمان معاكي شنط كتير وحاجة الولاده
وهدوم البيي دول لوحدهم عايزين شيال
هتقطي وسطي بيهم
يعني اطلع بيه وعلى ضمانتك
ايوه اطمني ..الساعه دلوقت 1120 مساء
11 و 22 دقيقه هنكون في شقتنا
طيب لما نشوف
اخيرا وافقت تطلع معايا ..واترحمت من ام السلم
دخلنا الأسانسير ..وقفلت الباب
وضغطت على زر الدور الخامس
أتحرك الأسانسير ..ومع الهزة بتاعته مراتي صړخت
وكلبشت في دراعي ..ياستي مټخافيش
طيب طيب
يادوب وصلنا الدور الاول ..ونور الأسانسير أبتدا يرعش
علي ..هو في ايه
مفيش حاجه هيكون في ايه
انا خاېفه اوي
مفيش حاجة بقولك
بعدها النور فصل والأسانسير بقى ضلمه
صړخت سهى بصوت عالي
بس ېخرب بيتك وطي صوتك
فضلت تصرخ ..حطيت ايدي على بوقها
عشان اكتم صړاخها دا ..وبعد ثواني النور رجع
بصيت لمراتي لقيتها اتحولت لمسخ مخيف
عيون حمرا زي الډم وشعر منكوش
وأسنان بارزه
وحسيت الأسانسير بقى زي الفرن
خصوصا لما رجعت بضهري ولصقت فيه
اتلسعت منه ..وانا ببص لها ومبرق
انتي...انتي مين !! وفين سهى ..يا سهى
ردت بصوت مخيف
انت مش عارفني !!
لا..انتي مين ووديتي سهى فين
سهى!! انت أزاي تسيبها تطلع لوحدها
وهي تعبانه كدا
تطلع لوحدها فين !!! هي كانت معايا من ثواني
قبل النور ما يفصل ..
صړخت بصوت مخيف وعالي
كدااااااب
انت لازم تتعاقب على اهمالك في حقها
قربت مني وانا برجع بضهري وببعد عنها
وهي بتحاصرني من كل اتجاه وبتقرب اكتر واكتر
وبعدها مسكتني من رقبتي وضغطت عليها بكل قوتها
ورجلي اترفعت من الأرض وخبطت في سقف الأسانسير
فجأة الأسانسير وقف عند الدور الخامس
كنت بحاول اتخلص منها ..بس مش قادر
نفسي بيخلص وروحي بتروح مني
بصت في عنيا بتركيز اوي وقالت پغضب
المره دي قرصة ودن خفيفة ..لو زعلتها تاني
متلومش الا نفسك
وفجأة الباب أتفتح