قصة فوبيا كاملة بقلم حمادة هيكل

...ولقيت سهى واقفه بتبص
لي بأندهاش
مالك يا علي ..كل دا عشان تيجي من تحت
دا انا طلعت السلم وسبقتك..كنت فين
كنت فين ايه ..انتي الي كنتي فين !!
انا قولتلك هطلع ع السلم وهات الشنط وتعالى ورايا
انا مسمعتش حاجه ..وبعدين انتي اصلا
كنتي واقفه تحت معايا وقولتي هطلع بالأسانسير معاك
انا !!
ايوه انتي
أستحالة طبعا ..انت عارف أنا عندي فوبيا منه
ولا يمكن أطلع بيه أبدا
اومال مين اللي
اللي ايه
...
علي ..انت كويس
ها..لا انا تمام
طب يلا بقى عشان تنزل تجيب الحاجه
من تحت شكلك نسيتهم
طيب حاضر يا ستي
ايه دا !! مش هتنزل بالأسانسير
لا يا ستي انا هنزل ع السلم وهطلع بيه كمان
في حاجة !!
لأ مفيش ..انت حر !!
نزلت بسرعه وروحت على أوضة البواب
عم كامل يا عم كمال
اهلا استاذ علي ..حمدلله على سلامتك
وصلت امتى
مفيش من ربع ساعه كدا
نورت العماره ..خير يا بيه
هو الأسانسير دا في حاجة
ايوه مش شغال
مش شغال ليه
من يوم ۏفاة الست عنايات جارتكم في السابع
وهو كدا بيعلق ..رغم اننا جبنا المهندس كام
مرة ..بس برضو بيرجع يعلق من تاني
ومحدش من السكان بيستخدمه
مدام عنايات ماټت !!!
ايوه ...شنقت نفسها ..بسبب سوء
معاملة جوزها ليها.
لا اله الا الله ..زعلتني عليها كانت ست طيبة
سبته وروحت للسلم أخد الشنط
وبصيت الأسانسير وسمعت الصوت جاي من جواه
بيقولي
اوعى تنسى
المره دي قرصة ودن خفيفة ..لو زعلتها تاني
متلومش الا نفسك
ومن يومها وانا اللى بقى عندي فوبيا
من الأسانسير !
حماده هيكل