قصة مس رحاب ل احمد عاطف

بمناسبة الحوارات بتاعت الرسم ومها الصغير...حابب أحكى قصة أليمة أفتكرتها.
وأنا في إعدادى كنت مشهور في المدرسة كلها إنى بعرف أرسم .. المهم كان عندى مدرسة دراسات اجتماعية اسمها رحاب تقريبا..كانت زى مها هادية كده ومركبة على قلبها مراوح.
المهم أرحاب دى استغلتنى أسوأ استغلال...كانت بتدينى لوحة كبيرة بتاع مترين في متر وتقولىخد أرسملنا فيها خريطة العالم عشان هنعلق اللوحة دى في مكتب المدير...فأنا أروح البيت أفضل 4 أيام قاعد من بعد الغدا لحد 12 بليل عمال ارسم في الخريطة..و فالآخر ألاقى اللوحة متعلقة مكتوب تحتها تحت إشراف أ رحاب من غير إسمى.
مرة تانية تدينى لوحة أكبر وتقولىهترسم طلعت حرب وهنكتب جنبه كلمتين عشان نعلق اللوحة دى في الفصل ونبين شغل الدراسات الاجتماعية مينفعش بتوع العلوم يبقوا احسن مننا .. لا مينفعش طبعا يا أستاذة العلوم يبقوا أحسن وانتى على وش الدنيا.
ف أفضل يومين تانيين مسحول أنا ووالدتي هي مسكالى اللوحة الكبيرة عشان متلفش على إيدى وانا عمال ارسم في طلعت حرب...تخيلوا طفل في تانية إعدادى دى تكون حياته !!...أنا عايز ألعب...عايز اتفرج على كرتون!....مسلسل سوق العصر!
المهم الموضوع كان ماشى كده فترة طويلة...كل شوية رحاب دى تدبسنى في رسمة لوحة او نشاط لدرجة كرهتنى في الرسم...ومش بس ليها...لأ دى كانت بتجامل بيا أصحابها المدرسين في الفصول التانية وتخلينى أرسملهم لوحات كمان...وكنت مستحمل وعبيط وساكت.
لحد ما في يوم موضوع الاستغلال ده خد منحنى مختلف تماما...لقيتها فى يوم بتطلعلى من شنطتها صورة راجل بشنب مكشر وعنده 45 سنة مخدناهوش في الدراسات ولا التاريخ.... قولتلها هو مين ده يا مس!!...قاتلىده جوزى...عيد ميلاده الأسبوع بعد الجاى وعايزاك ترسمه رسمة حلوة كده.
أنا طبعا اول ما قالتلى انه جوزها...قولت الحمد لله طبعا انه مطلعش شخصية تاريخية عشان مذاكروش أصل شكله صعب اوى...ثانيا قولت على چثة مدير المدرسة إنى ارسم جوزها ده... وخدت منها الصورة وانا مقرر من جوايا انى مش هرسمه..وكفايا بقى استغلال لحد كده...لقد طفح الكيل.
المهم رجعت البيت حطيت الصورة قدامى وقعدت أسرح في ملامح جوزها...أقسم بالله