زواجي المهدد بقلم اسراء ابراهيم حصريآ

اللي كنت فيه ندي انا عارف اني غلطان بس عشان خاطر بنتنا متهديش اللي بينا
ندي باڼهيار اللي بينا اللي بينا انت اللي هديته بمعاملتك الجافة ليا باهمالك ليا وبعدك عني بالايام والشهور ومع ذلك كنت مستحملة وساكتة وصابرة كنت حتي مبشوفش منك حاجة تصبرني علي اللي انا فيه ومع ذلك كنت بحبك ومكملة عشان خاطر مش عاوزة اهد البيت وفي الاخر اكتشف اني مجرد ام لبنتك وخدامة لامك وانت عايش حياتك عادي برة البيت حقك انك تعرف دي ودي لكن انا ادفن بالحيا لمجرد اني بحبك بس خلاص الحب ده انا مش عاوزاه يا فادي
فادي بتلقائية انا عارف ومتأكد من كل كلمة قولتيها يا ندي بس مفيش حد مبيغلطش وانا معترف بغلطي وانتي شوفتي بنفسك ولما عرفت غلطي وفوقت لنفسي وحسيت اني ممكن اخسرك انا سيبت كل حاجة ورجعتلك فادي اللي انتي بتحبيه سامحيني يا ندي وانا اوعدك اني افضل مخلص ليكي العمر كله
ندي كانت باصة لفادي بحيرة وتوهان حاسة بڼار في قلبها كل ما تتخيل انه كان علي علاقة بواحدة غيرها وانه كان بيقولها الكلام اللي حرمها هو منه
فادي بلهفة انا كدة كدة ماشي بكرة خلاص وهسيبك تفكري كويس واوعدك لما ارجع هنتكلم واللي انتي عاوزاه هنفذهولك بس وحياة نورهان يا ندي ما تسيبي البيت
ندي بصت لفادي پغضب وسابته ومشيت ووقف هو مغمض عنيه بحيرة وندم وخوف من ان حياته تنتهي وندي تبعد عنه ويخسرها للابد
عدي عشر ايام كانو صاعبين اوي علي فادي وكل يوم فيهم كان عقله بيبقي هيتشتت من كتر التفكير والخۏف احسن ندي تقرر تسيبه وخصوصا انه كل ما كان يرن عليها متردش ولما يكلم امه ويسال عليها امه كانت ترد باختصار ومش بترضي تديهاله وكأنها بتعاقبه وكان اصعب واطول عشر ايام عدو عليه وانهاردة رجع تاني البيت واول ما دخل اتفاجئ فادي بأهل ندي متجمعين فقلبه اتقبض وفهم انها كلمتهم وانها رفضت تسامحه وتديله فرصة تانية وانها هتنفصل عنه دخل وهو تايه بيدور بعنيه عليها وهو بيسلم عليهم لحد ما عنيه وقعت علي امه اللي بصتله بعتاب فقرب منه بلهفة
فادي بحزن خلاص يا امي ندي قررت تسيبني
مديحة بجمود ليها حق واي واحدة مكانها هتعمل كدة انت مكنتش امين عليها زي ما هي كانت امينة عليك وعلي بيتك
فادي بندم وندمت والله ندمت يا امي ارجوكي تحاولي تمنعيها انا مش هقدر اعيش من غيرها
مديحة بخبث والله مراتك فوق بتحضر حاجتها اطلع اتكلم معاها يمكن تقدر تقنعها
ساب فادي امه وطلع بسرعة لندي واول ما دخل من باب الشقة نادي بلهفة عليها فطلعت هي ليه وباين عليها الحزن
فادي بلهفة وهو بيقرب منها ندي ارجوكي وحيات بنتنا متسيبنيش انزلي قوليلهم انك هتديني فرصة وانا اوعدك اني اعيش مخلص ليكي وهعوضك عن كل چرح سببتهولك
ندي بهدوء اهلي ميعرفوش حاجة يا فادي دول جايين زيارة عادية انا مقولتش لاي حد حاجة
فادي ابتسم بتلقائية وهو مش مصدق انها فعلا هتديله فرصة
فادي بندم بحبك يا ندي واوعدك اني انسيكي كل حاجة وحشة شوفتيها معايا
ندي بابتسامة مصدقاك يا فادي وعارف انا بديلك فرصة ليه عشان لسة بحبك وعشان مصدقاك انك ندمان وانك لا يمكن هتوجعني تاني
فادي بفرحة
اوعدك احافظ عليكي بقلبي يا ندي لاني معنديش استعداد اني اخسرك لانك ببساطة روحي اللي متعلق بيها
تمت