سكان تحت الأرض ٢

اما البيوت كانت على شكل دواير من دور واحد ملهاش سقف ،الاناث في العالم ده كانت بتلبس ساري زي الساري الهندي ، اما الذكور لبسهم كان شبه لبس الفراعنة

الشوارع كانت واسعة وكبيرة مفيهاش اي وسائل مواصلات ، مكنش فيه طيور ولا حيوانات ولا حشرات ، بيقول ان الجن في العالم ده كانوا شكل البشر لكن عينهم ضيقة وبيضة ومستطيلة شوية ، كل الذكور مكنش ليهم شعر ، اما الإناث كان شعرهم كثيف جدا

بيقول كمان ان رجولهم كانت ملفطحة وايديهم شكلها مختلف عن ايد البشر ،بين صوابعهم كان فيه غشاء خفيف متماسك، الغريب انه بيقول انه قابل بشړ في العالم ده متجوزين من جنياات بردو

بيقول انه طلب من ذراكش انها ترجعه تاني عالم البشر وبالفعل حطت ايديها على دماغه عشان فجأة يلاقي نفسه على سريره وهي جنبه ، بس بعد ما رجع فضل حاسس پألم وصداع في راسه طول الوقت مش عاوز يروح منها

ويعدي الوقت لحد ما تحمل الجنيه مرة تانية ، بس المره ديه رفض محمد انه يروح عالمهم تاني بسبب التعب الي حس بيه ، وتولد الجنيه وبردو المولد يطلع بنت ، ويفضلوا على هذا الوضع ١٠ سنين كاملين

الجنيه عايشة معاه في اوضته محدش يعرف اي حاجة عنها ، محدش بيقدر يشوفها غيره ، بيقول انه كل فترة والتانية كان بيروح العالم السفلي عشان يشوف ولاده ، لحد ما يجي في مرة يتكلم مع بنته الكبيرة وتقوله انا هقولك سر

وهو ان الجن عندهم وقت معين بيحتفلوا فيه بمثلث برمودا ،وفي الاحتفال ده بيعرضوا فيه جماجم البشر المفقودين عن طريق اغراق السفن أو سقوط الطيارات ، وعلى حسب كلام محمد لما عرف الي بنته قالتله كان لازم يحصل انفصال

وفعلا حصل اجتماع بينه وبين اهل ذراكش وتم الطلاق وبعدها رجع عالم البشر ، بس بيقول محمد أنه امه دخلت الاوضة مكانتش مصدقة الي هي شيفاه ، امه قالتله انت بقالك سنة مختفي والكل افتكرك ماټ

محدش كان مصدق الي بيحكيه ، الجيران أكدوا انه بقاله ١٤ سنة مختفي ، والكلام ده كان مثبت في محاضر الشرطة ، محمد اختفي وظهر وهو عنده ٤٠ سنة ، هو نفس معرفش ازاي عدي عليه ١٤ سنة في عالم الجن ، وفضلت الحكاية تتداول ناس تقول ديه تخاريف ، وناس صدقت الي حصل …