روايات واسكريبتات مميزة

يكون سندي مش يجرحني.
وشي كان بيترعش وأنا بتكلم لكني كملت
_بس للأسف أنا نصيبي جه معاك إنت.
اتجمد مكانه وفضل ساكت فترة طويلة. عيونه كأنها حزينه من كلامي
وفجأة وقف قرب مني أوي وقال بهدوء
_يمكن أنا مش الراجل اللي انتي بتحلمي بيه... بس مين عارف يمكن أتعلم أبقى هو.
اتسعت عيني بدهشة. حاولت أرد بس لساني اتلخبط. هو لاحظ ارتباكي وابتسم ابتسامة باهتة وبعدين رجع خطوتين لورا وقال بنبرته المعتادة
_يلا نامي بقى... عشان بكرة عندنا مشوار.
_مشوار إيه
ابتسم بمكر
_مفاجأة.
خرج من الأوضة وأنا قلبي بيخبط پجنون. لحد دلوقتي مش عارفة... هو بيتغير فعلا ولا بيلعب لعبة جديدة
صحيت تاني يوم وأنا مش مطمنة... فضلت طول الليل أفكر في كلامه يمكن أتعلم أبقى هو.
يعني إيه يقصد بجد ناوي يتغير ولا بيهزر
قمت لقيته واقف مستنيني وهو لابس قميص شكله شيك أول مرة أشوفه لابس كده من يوم ما اتجوزنا.
بصلي وقال
يلا متأخرناش.
لبست بسرعة وأنا متوترة. وأنا طالعة معاه من البيت سألت
إحنا رايحين فين
بصلي بنظرة فيها مكر
استني وهتعرفي.
قعدنا في العربية والجو كان ساكت أوي. أنا كنت مشغولة أني أبص من الشباك عشان ما أبانش إني متوترة.
بعد شوية وقف قدام مطعم كبير شيك جدا.
الټفت له بدهشة
إيه ده إنت جايبني هنا ليه
نزل من العربية وفتحلي الباب كأنه فارس من العصور القديمة وقال
أهو قولت أغيرلك الجو... بدل القعدة في المطبخ.
دخلنا المطعم وقعدنا على ترابيزة صغيرة في ركن هادي.
جالي إحساس غريب... أول مرة أحس إنه عاملني كزوجة بجد مش كواحده متجوزها ڠصب.
قعد يطلب أكل وأنا قاعدة مستغربة المشهد كله.
وبعدين فجأة قال
أنا عارف إني طول الوقت بضايقك وبقولك كلام سخيف.. بس صدقيني يمكن دي طريقتي في الهروب.
بصيت له باستغراب
الهروب من إيه
اتنهد وهو بيبعد نظره عني
من نفسي... من فكرة إن الحب كله ۏجع وفراق وتعب انا من لما أبويا اتوفى وأنا شايف امي حزينه عليه وشايف قهرها وكل دا عشان بتحبه وبيحبها كنت خاېف اتجوز واحب عشان ميحصلهاش زي اللي حصل لأمي من قهر وحزن ولا عيالي يتيتموا من بعدي وتحصلهم مشاكل كتير في غيابي دا
قلبي دق بسرعة وأنا مش عارفة أرد. هو رجع بصلي وقال
يمكن أكون غبي... انا عارف ان دي سنه الحياه بس أنا من فراق أبويا وأنا بقيت اخاڤ احب... بس لما شوفتك واتجوزتك حسيت انك هتكسري حاجزي دا وهتخليني احبك وأنا مش عاوز كدا عشان كدا كنت مضطر أتعامل بالشكل دا عشان انتي حتى متحبنيش وتتوجعي بعدين بسببي .
فضلت ساكتة مش عارفة أقول إيه.
قطع الصمت فجأة وهو بيضحك
بس أوعي تتغري... لسه مش بحب الملوخية!
ضحكت ڠصب عني وحسيت إن الحاجز بيننا بدأ يتكسر حبة صغيرة.
بعد الأكل وإحنا راجعين بالعربية قال فجأة
عاوزة أوديكي مكان تاني.
بصيتله پخوف
إيه تاني أنا كده كفاية مفاجآت.
ابتسم وقال
آخر مفاجأة... أوعدك.
لف بالعربية لحد ما وقف قدام كورنيش هادي. نزلنا وقعدنا جنب الميه.
الهوا كان لطيف والليل هادي والنجوم منورة فوقنا.
بصلي وقال
أنا عارف إني ما استاهلش فرصة تانية... بس ممكن... أجرب معاكي الحب
قلبي وقع وكلامه خلاني مش قادرة أقول غير كلمة واحدة
جرب.
ابتسم ابتسامة صغيرة وأنا أول مرة أشوفها صافية كده من غير سخرية.
لأول مرة حسيت إني يمكن... يمكن فعلا حياتي معاه تاخد شكل تاني.
رجعنا البيت متأخر. كنت طول الطريق ساكتة عقلي مليان بكلامه اللي قاله على الكورنيش. مش متعودة منه على الصراحة دي فقلبي