اسكريبت حصرياً بقلم الكاتبة المبدعة أية حمام

واتكلمت بدموع
_متسبنيش وتمشي كدا وتحسسني إني مش مهمة عندك.
_أنت عايزة إيه علشان نعدي الليلة دي يعني
_عايزاك!
قولتها واتحركت قعدت على السرير أحط وشي بين إيدي وأعيط اتنهد وقرب قعد جنبي وسحبني لحضنه وبدأ يطبطب عليا واتكلم
_هتبطلي قلق إمتى ليه مش عايزة تسيبي الحياة تمشي بينا زي ما مكتوب لنا
_علشان خاېفة تسرقنا وفجأة نكبر ونبقا لوحدنا من غير حتة مننا تسندنا وتونسنا!
فات على جوازنا سنتين ولسة محصلش حمل الموضوع مأثر فيا جامد أنا بنت يعني الأمومة فطرة فيا لازم أتوجع لما تعدي الفترة دي كلها ومابقاش شايلة جزء من روحي وروحه جوايا!
_خلينا نصبر شوية كمان يمكن يحصل حمل الفترة الجاية بدل ما نروح لدكاترة وكل واحد منهم يدخلنا في قصص وحوارات.
مرضتش أجادله وهزيت راسي وأنا ساكتة ف باس راسي وبدأ يمسح على شعري علشان أنام.
_حضرتك متأكدة إنك عايزة تحملي
_أيوا طبعا.
_طب إزاي وأنت بتاخدي حبوب منع الحمل وبطريقة منتظمة كمان!
_لاء ممكن يكون حضرتك متلخبطة في التحاليل إحنا ممكن نعيدها تاني.
_من فضلك تهدي أنا متأكدة من كلامي وفحوصاتي كويس.
_إزاي أنا بقالي سنتين متجوزة وهتجنن على الخلفة تقومي تقوليلي باخد حبوب
_طب ممكن تفكري كدا لو كان حد بيشربك حاجة بانتظام
_محدش بي...
سكت لما افتكرت حاجة وأخدت شنطتي واستأذنت منها ومشيت بسرعة رجعت الشقة وفتحت التلاجة وبصيت على أزايز العصير ال مش بتخلص من عندنا أبدا كل ما تنتهي كل ما بيجيب غيرها بس.. بس هو مش ممكن يكون بيعمل ال خطړ على دماغي!
قفلت التلاجة ودخلت أوضتنا وبدأت أفتش في كل مكان فيها لحد ما لقيته لقيت شريط الحبوب فعلا!
_إيه دا يا حبيبتي إيه ال قالب الأوضة بالشكل دا
كان لسة راجع من شغله وأنا كنت قاعدة على الأرض ساندة ضهري للحيطة والشريط بين إيدي مردتش عليه ف قرب قعد قصادي وهزني بخفة
_أنت كويسة
_ليه
قولتها بعياط ف بص لي بعدم فهم ف رجعت أتكلم تاني قبل ما أحدف ال في إيدي في وشه
_ليه تعمل فيا كدا ليه تعاملني كإني ساذجة كدا ليه تقتلني كدا
_أن.. أنت..
_أنا إيه أنا إيه قول لي أنا إتخدعت فيك ليه طالما مش بتحبني اتجوزتني ليه
_بالعكس أنا عملت كدا علشان بحبك.
_إنت هتجنني فيه واحد بيحب مراته ويبقى رافض يخلف منها
_أيوا أنا بحبك أنت بس مش عايز غيرك مش عايز حد ييجي يشاركني الاهتمام والحب دا عايزك تبقي ليا أنا لوحدي
_أنت أناني ومش سوي أنت مؤذي!
أنا.. أنا إزاي اتخدعت فيك كدا
_أناني علشان بحبك
_أناني علشان حبيت نفسك أكتر.
سكت وأنا فضلت أعيط لحد ما قومت مرة واحدة وخبطته واتكلمت وأنا برمي هدومه
_قوم إمشي من هنا إمشي ومتجيش تاني لحد ما تبقى إنسان.
كان بيحاول يكتفني ويمنع حركتي لكنه مقدرش كان فيا طاقة مش عارفة كنت