اسكريبت حصرياً بقلم الكاتبة المبدعة أية حمام

جايباها من فين.
خرج وأنا قعدت مكاني أعيط بإنهيار لحد ما نمت من كتر التعب.
_وحشتني أوي!
كان فات أسبوع أسبوع وهو لسة مرجعش وأنا لسة من ال عرفته متعافتش.
كنت بجيب صوره وبعاتبه وألومه وأشكيله وأحكي له كل ال معرفتش أحكيه له وهو موجود بس رغم ۏجعي منه إلا إنه واحشني!
_بقالي كام يوم بشوف جوزك مع رانيا أنتم سيبتوا بعض
رسالة صحيت عليها خلتني أقرأها أكتر من مرة جوزي مين ال سايبني وبيتقابل مع واحدة غيري جوزي بيحبني ومستحيل يعمل كدا!
قعدت أرن عليه كتير لكنه مكانش بيرد طلبت منها تبعت لي عنوانهم وقومت لبست ونزلت وصلت المكان ولقيته فعلا قاعد معاها!
طلعت الموبايل أرن عليه تاني لكنه مردش برضه ف اتحركت لحد ما وصلت قصاده.
_أنت بتعمل إيه هنا معاها وسايبني كل دا
_أنت جيتي هنا إزاي أنت مراقباني
_دا كل همك
_إتفضلي روحي..
أنت مش طلبتي مني أسيبك لحد ما جنانك يهدى
_جناني يهدى تصدق إنك بجح
_إتعدلي بدل ما أعدلك مفهوم
كان ماسكني من إيدي جامد ف شديتها منه ووقفت قصاده لدقيقة قبل ما أقول كلامي
_أنت أوطى واحد أنا عرفته في حياتي.
مشيت تاني رجعت شقتي وأنا بمنع دموعي تنزل عليه ساعتين بالظبط وكان جه ورايا دخل وقفل الباب جامد وجه عليا واتكلم بصوت عالي
_لو سامحتك أول مرة إنك نزلتي من ورايا ف المرة دي لاء.
_هتعمل إيه يعني هتضربني
_لو وصلت لكدا ف هضربك فعلا لحد ما عقلك يرجع لمكانه تاني.
_أنت فاكر إني هسكت لك لما تعمل كدا يعني
_أها هتسكتي أنت مراتي ومن حقي أعمل فيك كل ال يخطر على بالي.
_أنت مين أنت جبت القسۏة دي كلها منين
_طالما مقبلتيش بالدلع والحب وقولتي عليهم أنانية ف تشوفي الوش التاني بقا.
_وأنا مش هعيش معاك بالشكل دا!
أنا متجوزتكش كدا أنا حبيت شخص حنين غير القاسې ال بيتكلم دا..
_ما هو الحنين دا أنت معرفتيش قيمته..
بصيت له بدموع وعدم تصديق هو إزاي حولني من مجني عليها لجاني المفروض هو ال كان غلطان إزاي بقيت أنا الغلطانة الۏحشة في القصة دي كلها
_أنا تعبانة.
_معلش..
فات شهر كمان وهو بيعاملني أسوأ معاملة قسۏة وإهمال بطريقة لا توصف بيحملني أكبر من طاقتي بقا يهون عليه تعبي ودموعي بعد ما كان مش بيتحمل عليا نسمة الهوا المثير للإعجاب إنه كان بييجي آخر كل يوم ويعتذر لي عن ال بيعمله ويحضني وأحس إنه خلاص رجعنا زي الأول لكن بمجرد ما نصحى يرجع زي عادته الأخيرة!
_عايزة أتطلق!
قولتها بۏجع وبدموع بعد ما فاض بيا.
_عايزة تتطلقي
_أيوا أنا مبقتش قادرة أنت دمرتني نفسيا وجسديا أنت أكتر إنسان أذتني في الحياة!
_دمرتك وأذيتك عال والله دا واضح أنت ناسية أنت متجوزة مين فوقي لنفسك يا حبيبتي أنا نص بنات البلد كانت ھتموت ويبقى معاها رقم موبايلي بس.
_وأنت شكلك نسيت
إن أنت ال اعترفت لي بحبك الأول أنت ال عرضت عليا الجواز قدام جمهور كان أغلبه بنات برضه يعني أنت ال سيبتهم واختارتني أنا بإرادتك أنت.
_يبقى تحمدي ربنا بقا إنك نولتي الشرف دا.
إنسان مش طبيعي متكبر نرجسي!
_فاكر آخر عرض عملناه سوا من سنين فاكر لما قولت لك إني خاېفة تكون نهايتنا موجعة كدا فاكر لما طمنتني وقولت لي مستحيل تكون دي نهايتنا وإنك بتحبني وهتفضل معايا فاكر كنت حنين عليا إزاي
فاكر لما قولت لي إن دا كلام مكتوب على ورق إحنا ال كاتبينه أهو طلع إن الكلام ال بنكتبه بإيدنا على ورق أوقات كتير بنكون بنكتبه على صفحات حياتنا وبنعيشه برضه بس بۏجع أكبر!
سكت لثواني وأنا بحاول أتحكم في دموعي ورجعت قولت آخر كلامي
_أنا همشي وطلقني اعتبر إننا كنا في عرض أخير ودا المشهد الأخير طلقني وخلي الستارة تتقفل وتخلص الحكاية من غير ۏجع أكبر من كدا..
دخلت لمېت هدومي ولبست أنا دموعي لسة مستمرة خلصت وخرجت وقفت قصاده ف رفع راسه ليا قربت منه وحضنته وكأني بودع روحي!
بعدت عنه وطلبت منه ينطقها ف قالها
_أنت طالق!
دموعي زادت وحسيت بۏجع الدنيا كلها في صدري لكني أخدت شنطتي ونزلت بسرعة وقفت تحت البيت وبصيت لفوق وأنا بفتكر الوقت ال عيشته هنا.. معرفش مين فينا المذنب في قصتنا أنا حتى مش عارفة إحنا كنا نستاهل الۏجع دا فعلا ولا هي ال كانت قاسېة علينا بزيادة!!
قل للطبيب الذي قد جاء يسعفنا
لا تهدر الوقت ليس الچرح بالبدن!
_تمت.
آية_حمام.