اسكريبت حصري كامل بقلم الكاتبة المبدعة إسراء ابراهيم

عملت كدة عشانها
فارس بحيرة وده هيحصل ازاي وهي فاكرة اني خطبتها عشان معجب بيها زي ما شهد قالتلها انا بس مش عاوز اجرحها برضه بس لو يمكن يا ماما انتي تفهميها الموضوع ده قبل كتب الكتاب عشان محسش اني ظلمتها ارجوكي يا ماما ريحيني واعملي كدة ووقتها القرار يبقي قرارها هي يا تكمل يا ترفض
الهام بحيرة حاضر يا حبيبي اللي انت تشوفه بس قولي هتعمل ايه في موضوع الشقة
فارس بجدية الموضوع ده هتكلم فيه بس بعد ما تبقي مريم مراتي وقتها اللي هي عاوزاه هعمله ليها عشان مكونش بظلمها
الهام بحب وهي بطبطب علي فارس ربنا يكملك بعقلك يا حبيبي ويبارك فيك هو ده عين العقل انا كنت خاېفة عشان مڠصوب عليها تعاملها وحش لكن انت شوفت بعينك ومريم بصراحة متستاهلش اللي هي فيه
كانت واقفة مريم قدام المراية وهي لابسة الفستان اللي هتحضر بيه كتب كتابها وكانت بتبتسم لنفسها وبتتخيل فارس لما يشوفها متعرفش ليه جت في بالها الفكرة دي بس هي فرحانة متعرفش ليه يمكن مكنتش فرحانة كدة لما كانت مع عمر لدرجة انها طول اليومين اللي فاتو كانت كل شوية تفتكر نظراتهم لبعض لما كانت واقفة بتتحامي فيه فجأة مريم اتوجعت لما رفعت ايديها لفوق وهي بتعدل طرحتها وده بسبب ضړب قمر ليها بس كل ده مكنش فارق لمريم قد كلام قمر اللي ۏجعها لما قالتلها ان فارس مش هيكمل مع واحدة جاهلة زيها وانه مسيرة هيبص للبنات المتعلمة اللي زيه مسحت مريم دموعها لما دخلت عليها شهد اللي زغرطت وهي بتقرب منها بس بعدت بسرعة لما مريم اتوجعت وطلعت صوت انين
شهد پصدمة وهي بتبعد يا نهار اسود انتي مالك فيكي ايه اوعي يكون اللي في بالي والله اقول لفارس واخليه
مريم بلهفة لا يا شهد والنبي متقوليش لفارس حاجة عشان خاطري انا مش عاوزة مشاكل صدقيني انا كويسة وبعدين انا كنت عارفة ان ده هيحصل بس عادي مش فارق المهم امشي من هنا
شهد بشفقة منها لله الولية المفترية دي يلا يا حبيبتي عشان نطلع لفارس برة عشان المأذون جه وهيكتب الكتاب
مريم بسرعة طب يلا بينا انا خلصت خلاص
شهد پصدمة انتي هبلة يا مريم مش هتحطي ميكب ولا ايه حاجه انتي اه حلوة بس برضه
مريم بحزن لا انا مبعرفش احط حاجة وبعدين عادي يعني مش مهم بس تعرفي يا مريم انا مش عارفة ليه فرحانة اوي انهاردة انا مش مصدقة ان ممكن يكون فارس بيحبني حاسة اني محبتش قبل كدة ومعرفش ازاي وامتي بس اللي اعرفه اني فرحانة
مريم بتهرب اه

طبعا فارس ده يتحب يا بنتي مش اخويا يلا تعالي بقي وانا هحطلك حجات بسيطة كدة متقلقيش هتبقي قمرين ولا بلاش الكلمة دي احسن بقيت بكرها بسبب اللي ما تتسمي
ابتسمت مريم علي كلام شهد وطاوعتها وهي من جواها بتشجع نفسها انها خلاص هانت وكلها كام يوم وتمشي خالص وشوية و الباب خبط ودخلت الهام اللي ابتسمت بانبهار وهي باصة لمريم
الهام بحب ما شاء الله زي القمر يا حبيبتي مريم انا ممكن اتكلم معاكي شوية في موضوع مهم
مريم بقلق طبعا يا طنط الهام اتفضلي انا سامعاكي
شهد
شاورت لالهام انها متقولش حاجة خصوصا بعد كلام مريم ليها لما قالتلها انها معجبة بفارس بس الهام مخدتش بالها منها وكملت كلامها اللي كان زي القلم اللي نزل علي وش
مريم فوقها من احلامها الوهمية
كان قاعد فارس