حكايات بنات الحلقة 6 بقلم آلاء محمد حجازي

ولا على السكوت ولا على إن الست تتحمل علشان بس يبقى فيه راجل في البيت.
اللي إنتي كنتي ساكته عليه أنا مش هسكت عليه.
الأم تبص لها بعينين كلها دموع تحط إيدها على وشها وتهمس لنفسها
يمكن عندها حق يمكن أنا اللي علمتها الخۏف بسكاتي يمكن اللي بتمشي فيه هو الصح.
و أنا كل السنين دي كنت فاكرة إني بعمل الصح ساكتة ومستحملة علشان العيال.
مكنتش أعرف إني بسيبها تشوف نفس اللي شفته.
يارب أنا اللي زرعت فيها الخۏف من الناس وهي طلع عندها حق.
الام بصوت حاسم لأول مرة في حياتها
خلاص يا بنتي كفاية اللي استحملتيه.
أنا في ضهرك واللي ييجي عليكي ييجي عليا الأول.
أنا اللي عايشة العمر كله ساكته ومکسورة عارفة يعني إيه الوحدة والخۏف والناس اللي ما بيرحموش.
مش هسيبك تمشي نفس السكة اللي مشيت فيها.
هالة تبص لها مذهولة.
الام تكمل بصوت قوي
اللي يريحك اعمليه عايزة تطلقي اطلقي.
أنا معاكي في كل كلمة واللي يقولوا الناس يرموه في البحر.
إنتي وبس اللي يهمني.
إنتي وابنك اللي عايزة أشوفكم مرفوعين الراس مش مطحونين زي ما أنا اتطحنت.
الأم تمسح دموع بنتها وتشدها في حضنها بقوة وتقول بهمس لكنه مؤثر
إنتي مش لوحدك يا هالة طول ما أنا عايشة أنا ضهرك وسندك.
بتدخل هالة البيت وهي عزمة علي قرار الطلاق
بتلاقي جوزها قاعد على الكنبة ماسك الموبايل ببرود. بتدخل بخطوات تقيلة ثابتةو عينيها كلها ڠضب وبتقول بصوت ثابت
أنا عايزة أطلق.
جوزها يرفع عينه من الموبايل بسخرية
إيهقولي تاني كدة! هو إنتي فاكرة نفسك مين! قومي اعمليلي أكل.
هالة بحدة
لا المرة دي مش كلام وبس.
أنا عايزة أطلق وهتطلقني.
جوزها يقوم يقف قصادها ويشدها من دراعها
مفيش حاجة اسمها طلاق إنتي بتلعبي معايا ولا إيه!
هالة بتشيل إيده پعنف وتبص له بثبات
إوعى تمد إيدك عليا تاني أنا مش الجارية اللي كنت ساكتة.
أنا لو ما طلقتنيش بالذوق هرفع عليك قضية وأطلع فضايحك للكل.
جوزها يتنرفزو يرمي الموبايل على الترابيزة ويقول بعصبية
قضية إيه! إنتي فاكرة الناس هتصدقك!
هالة ترفع صوتها
أيوه هيصدقوني.
هيصدقوا إني عايشة مع واحد بخيل بيعد اللقمة عليا بيخليني أشحت حقي ويمسح بكرامتي الأرض.
هقول للناس كلها إنت مين وهخليك أضحوكة في الشارع اللي إنت فارض نفسك عليه.
جوزها بيتلخبطو يحاول يمسك أعصابه
طيب طب وابنك هتضيعيه!
هالة بعصبية ودموعها في عينيها
أنا اللي هربيه بعيد عنك وعن بخلك وأنانيتك!
مش هسيبه يكبر يشوفني مکسورة زي ما أنا شفت أمي مش هكرر الغلطة دي.
جوزها يتنهد بقرف يزهق وهو ماشي رايح جاي ويقول برفض
خلاص موافق أطلقك بس من دلوقتي لا تقوليلي مصاريفك ولا مصاريف الواد ولا تطلبي مني حاجة.
هالة تبتسم بسخرية لأول مرة دموعها تنزل وهي واقفة قوية وتقول بصوت ثابت
أنا مش