حكايات بنات الحلقة 6 بقلم آلاء محمد حجازي

عايزة منك حاجة
أنا ما صدقت أغور من وشك.
تسيبه واقف مكانه مصډوم وتدخل أوضتها بخطوات ثابتة.
بعد الطلاق وهالة قاعدة في شقة بسيطة بس دافية بتلعب مع ابنها الصغير محمود فجأة يبص لها بسؤال بريء.
محمود ببراءة
ماما هو إحنا مش هنعيش مع بابا ليه
هالة تسكت لحظة تاخد نفس عميق تبص لابنها بحنان وتحطه في حضنها وتقول بهدوء
بص يا حبيبي في رجالة بتبقى موجودة في البيت بس قلبهم مش موجود معانا.
أبوك كان واحد منهم.
أنا وإنت محتاجين بيت فيه حب وراحة مش بيت فيه صړيخ وزعل.
محمود يبصلها باستغراب كأنه لسه مش فاهم
يعني هو وحش
هالة تهز راسها
لأ يا قلبي مش عايزاك تقول عليه وحش.
بس أبوك ما عرفش يكون السند اللي كنا محتاجينه.
وانا مش هخليك تكبر وتشوف أمك مکسورة أنا عايزاك تكبر وتشوفني واقفة على رجلي عشان إنت كمان تبقى راجل يسند مراته وما يكسرهاش.
محمود يحضنها وهي تمسح على شعره وتقول بابتسامة حزينة
إوعى تنسى يا حبيبي الست مش جارية الست قلبها كبير ولو اتوجع الدنيا كلها پتتوجع.
لما تكبر خلي مراتك تعيش مرفوعة الراس زي ما أنا بحاول أعيش مرفوعة قدامك.
هالة في نفيها
يمكن هو صغير ومش فاهم دلوقتي بس أنا واثقة إن يوم هييجي وهيفتكر كل كلمة وهيبقى راجل بحق وحقيقي.
بعد عشرين سنة.
محمود ابن هالة كبر وبقى راجل مش أي راجل راجل اتربى على إيد أمه اتعلم منها يعني إيه احترام يعني إيه ست ليها كرامة.
في يوم عادي رجع من شغله أول ما دخل البيت راح على أمه ست كبيرة لكن عينيها لسه فيها نفس القوة وقبل راسها بحب.
وبعدها باس دماغ مراته وقعد جنبها اللي كانت بتبصله طول الوقت بدهشة كأنها مش مصدقة النعمة اللي في إيدها.
سارة تميل عليه وتتكلم بتأثر
محمود هو إنت جايب الحنية دي كلها منين
انت عمرك ما رفعت صوتك عليا عمرك ما خليتني أتحوج لحد أي حاجة نفسي فيها بتعملها حتى لو على حساب نفسك.
إنت مش زي باقي الرجالة بجد أنا محظوظة بيك.
محمود يبتسم يمسك إيدها ويبص ناحية أمه بفخر
أنا كده عشان أمي.
هي اللي علمتني إن الست مش جارية وإن الرجولة مش بالصوت العالي ولا بالقسۏة الرجولة بالرحمة.
هي اللي زرعت فيا إن الست لما تتعب لازم تتسند مش تتكسر.
كل حاجة حلوة فيا هي من دعوة منها.
محمود يقوم يبوس دماغ أمه تاني يرجع يقعد جنب مراته. يمد دراعيه وياخد الاثنين في حضنه.
محمود بصوت هادي مؤثر
طول عمري هافضل أقول أنا ابن ست علمتني إن الكرامة ما تتباعش وإن الحب قوة مش ضعف.
لو أنا راجل النهاردة فالفضل ليها.
كل ده و هالة دموعها بتنزل بابتسامة فخر.
لكل ست ........
إوعى حد يقنعك إنك لازم تستحملي عشان العيال.
إوعى حد