توكيل زواج بقلم هبة منصور 3 اجزاء كاملة

معها قررت ان تحدثه هي كان في بيته بعد عناء الشغل وجد رقم غريب من مصر يحدثه فتح الهاتف.
كامل_ايوه مين.
منه_ انا منه صاحبه ندي وخط...
قبل ان تكمل كلامها قاطعها كامل _ ندي مين انا معرفش حد بالإسم ده ندي الي كنت أعرفها ماټت من زمان.
منه_ انتا اكيد مش في وعيك بعد الرسايل اللي بعتهالك وبعد ما كل حاجه وضحت ليك انتا مش مصدق انك ظلمتها تصدق هيا معاها حق انها تمنعنا نكلمك انتا متستحقش تعرف الحقيقه
كامل. _ حقيقه ايه ورسايل ايه اللي بتتكلني عنها انا مش فاهم منك حاجه.
منه. _ ابقا افتح رسالتي اللي بعتهالك من يومين والفيديو وانتا تفهم سلام وأغلقت الهاتف
فتح هاتفه ولاكن لم يجد به شئ تعجب مما حدث اين هذه الرسائل وأي حقيقه هذه تلفونه لم ياتي له اي رسائل وهوا لم يتركه من يده الا يوم نساه في المكتب عند هذه النقطه وفكر انه من الممكن ان تكون جأت الرساله في هذا الوقت وحذفتهم كرستين فهي من وقتها وهي تساله دائما عن اهله واتصالهم به قرر الذهاب للمكتب ليتأكد قبل ان يظلمها فتح مكتبه وأخرج تسجيلات الكاميرات وجدها تمسك هاتفه وتفتحه ورقي معها وقت سم تخرج هاتفها وترسل له شي وتضعه مكانه قبل دخوله اخذ سيارته واتجه لبيتها دق الجرس ففتحت له اول ما رأته اقتربت منه
كرستين_ كامل حبيبي إدخل واقف ليه.
ابعدها عنه ودخل جلس علي الكنبه وهي جلست بجانبه وسألته تشرب ايه
كامل _ كنتي بتعملي ايه في تلفوني يوم ما نسيته علي المكتب
كرستين وقد تجمد الډم في عروقه _ولا حاجه انا شوفته وكنت هجبهولك.
_من غير كڈب انتي الي مسحتي الرسايل الي جتلي من مصر وفيها دليل برأة ندي.
كرستين پصدمه من معرفته الحقيقه كيف عرف وهي مسحتهم بيدها من أخبره بفعلتها.
كامل بصړاخ _ما تنطقي اتخرستي انتي الي مسحتيهم.
كرستين_انا كامل افهمني انا كنت خاېفه تسيبني تاني وترجع لهم كامل انا بحبك ومش هخليك تسيبني تاني انا ما صدقت رجعت معايا
كامل . _ انتي اكيد م جنونه كان فيها ايه الرسايل انطقي
كرستين پخوف من كامل فهي اول مره تراه هكذا _كان فيها ...
وبدأت تقص عليه كل شي وهوا يستمع پصدمه وغير مصدق ما فعله بندي وأكملت وكان في فيديو اللي سجلوه للي عمل كدا في ندي وصورها
كامل _ والفيديو معاكي انا شفتك بتبعتي لنفسك حاجه من تلفوني
كرستين. _ ايوه معايا
وجلبت له هاتفها فتحه وشاهد ما جعله يثور ويقذف كل ما يقابله ويحطمه اشلاء.
كرستين پخوف _انا بحبك كامل عملت كدا لاني مش عايزاك تسيبني
كامل _ انتي مريضه وأنانيه شفتيني قدامك بټحرق پالنار ومهنش عليكي تساعديني انتي اكتر واحده عارفه اني بحب ندي وان مستحيل ادخل ست تانيه حياتي انا قولتلك اول ما رجعت كل حاجه فكرتك صديقه وهتساعديني بس طلعت غلطان من النهارده مش عايز اشوفك او اسمع صوتك اخرجي من حياتي نهائي انتي فاهمه انا هرجع مصر ولما ارجع عايزك تختفي تماما وإلا قسما بربي هعرفك ازاي تتدخلي في حياتي وتخربيها
تركها وغادر سريعا يجهز نفسه ليعود لبيته وزوجته التي اهانها وظلمها هي وأخاه.
في صباح يوم جديد بقي يوم علي زفافه استيقظ بنشاط وارتدي ملابسه وهم بالخروج من البيت فتح الباب تفاجئ بمن يقف امامه _كامل.
كامل وهوا ينظر له بندم _ ازيك يا يوسف.
يوسف_ كويس خير في اتهمات نسيت تقولها وجاي تكملها ولا ايه.
كامل. _ انا اسف يا يوسف والله ڠصب عني مكنتش فاهم الموضوع صح انا لسا عارف الحقيقه امبارح بس من منه وعرفت اني ظلمتك وظلمت ندي.
يوسف . _ انتا عارف انا رغم كل اللي حصل واللي قولته كنت هزعل اوي لو انتا مجتش فرحي.
كامل . _ فرحك انتا هتجوز.
يوسف_ايوه هتجوز منه وبكره الفرح كمان بس انتا مش معزوم علي فكره.
كامل _ مبروك يا يوسف مبروك ياحبيبي سامحني والله مكنت اقصد انا اسف.
يوسف _ خلاص ياعم انا مسامحك المشكله كلها في ندي مستحيل تكلمك
كامل_ طب هيا هنا ولا فين
يوسف _ ايوه فوق ادخل
دخل كامل وجد خالته وأمه ووالده لم يحدثه احد او يلتفت له الا امه فسلمت عليه وعاتبته علي فعلته
كامل_انا اسف يا حاج اسف يا خلتي والله كان سؤء تفاهم ومكنتش فاهم
هناء. _ اني مهنساش اللي جولتوا علي بنتي ابدا يا كامل كان معايا
حج لما مكنتش موافجه الجوازه تتم كان جلبي حاسس انك هتكسر بتي مش هتجويها.
كامل_ والله ڠصب عني يا خالتي انا مش هتكسف اني اقول اني بحبها والله بحبها واللي قولته من غيرتي وصدمتي فيها حط نفسك مكاني يا بويا انتا راجل وعارف غيره الراج ل بتبقا إزاي.
محمود _ في فرج يا ولدي بين الغيره والشك انتا كنت شاكك فيها من الاول يوسف جالنا كل الي جولتوا.
كامل . _ والله فكرتهم بيحبو بعض انتو كنتو شايفين بيتعاملو ازاي انا مشفتهاش معامله اخوات لأني حبتها بجد وغيرتي وشيطاني اتحكموا فيا يا ناس افهموني والله بحبها وندمان علي كل إلي حصل سامحوني علشان ندي تسامحني.
ندي من خلفه _ ولو الدنيا كلها سمحتك انا مش هسامحك طلقني حالا يا كامل خلاص انتا خرجت من حياتي ومش هتكون موجود فيها تاني.
كامل وهوا يذهب لها كم اشتاق لها ولجمالها ولاكن صډمه كلامها.
كامل_ندي صدقيني كنت معمي مش شايف قدامي غير اللي بسمعه منك وانا راجل شايف مراتي اللي محرمه نفسها عليا بقيت أسأل نفسي ليه انا حببتك ياندي من اول ما شوفتك وعرفت انك مراتي حبيتك واتمنيتك بس لقيتك بتعامليني وحش في نفس الوقت أخويا بتعامليه بطريقه خلتني اشك انكوا بتحبو بعض وكنت هخدك وسافر بعيد عنه مش علشان اعاقبك زي ما قولتلك لا علشان انسيهولك وتبقي ليا ليا لوحدي بس موضوع ابن عمك الي كسرني بجد يندي حسي بيا كانوا مصورينكوا ازاي وإنتو سوا والعقد الي مردتيش تقلعيه من رقبتك رفضتي شبكتي علشانه كل ده كان قدامي لا وكمان فيديوهات علشان مقولش الصور متفبركه واتأكد انكو علي علاقه ببعض والله كانت مصډوم وكلامي كان كله بدون وعي انا والله بحبك سامحيني يا ندي وخلينا نعيش حياتنا اللي خربت بسبب ظني فيكي سامحيني انا اسف يا ندي.
ندي _ خلصت كلامك يا كامل اسمعني انا بقا حياه بينا تاني مستحيل انتا مدتنيش فرصه واحده أدافع عن نفسي ولا سألتني حتي كان اسهل انك تصدق اني خاينه علي انك تسمعني انتا انسان سطحي بتاخد بالمظاهر مبتقربش تتحقق من اللي شايفه انا ويوسف إخوات متربين سوا وكل حياتنا سوا بس إخوات نفس الكليه ونفس البلد ونفس البيت مع بعض في كل مكان فطبيعي ابقا متعوده عليه ولو كنا بنحب بعض كنا اتجوزنا مش اتجوزك انتا اما بقا ناصر فهوا ابن عمي اتقدملي بدل المره اربع مرات وانا رفضته فمش معقول ا فضه وبعد كدا امش معاه وانا متجوزه انتا لو كنت شغلت عقلك كنت عرفت انك بتظلمني بس لا بردو إستسهلت شوف اخوك وعمي محمود عملوا ايه مصدقوش اني كدا راحوا وجابولي حقي منهم وأخوك اتضرب پالنار بسببي كان ھيموت علشاني عارف ليه لانه اخويا حمايه ليا وامن علي نفسي معاه هيقدر يجبلي حقي لو اتظلمت من اي مخلوق اما انتا فعمري محس معاك لا أمان ولا حمايه انتا ضعف ليا نقطه الضعف اللي في حياتي انتا كانت غلطه عمري اني حبيتك يا كامل بس خلاص انا هتطلق منك اول ما فرح يوسف يخلص تطلقني انتا سامع وده اخر كلام عندي انتا سامع
وتركته لتصعد السلم تعود لغرفتها ولاكن اوقفها كامل وهو يحدثها_ وانا مش هطلقك ياندي لو اخر يوم في عمري مش هيحصل لاني بحبك وانتي كمان لسا قايله انك بتحبيني مش بعد ما سمعتها منك اسيبك مستحيل مستحيل اسيبك تاني ياندي.
ندي _انا كنت بحبك فاهم كنت كنت يا كامل اما الوقتي فأنا بكرهك سامع بكرهك ياكامل.
كامل_ كذابه يا ندي كذابه عينك بتكذب كلامك ياندي وانا مصدقهم ياندي.
صعدت غرفتها وعلي وجهها ابتسامه لا تعرف سببها ودخلت غرفتها وأغلقت بابها عليها اما كامل فجلس بجانب امه وخالته وابيه وأخيه الذين يشاهدون ما يحدث بصمت جلس ووضع رأسه بين كفيه
يوسف. _ بتحبك علي فكره هيا بس مچروحه منك
كامل وهوا ينظر له _عارف ومش عارف هتسامحني ازاي.
هناء_ ندي جلبها ابيض وهتسامح ياولدي هيا بس عنديه.
كامل _ يعني انتي مش زعلانه مني ياخالتي
هناء_ لا ياولدي مبقتش زعلانه منيك بس لو زعلتها تاني مهسمحكش واصل.
كامل_ واناعمري ماهزعلها بس هيا تسامحني بس
محمود. _ متجلجيش يا هناء لو زعلها هيلجيني جصاده دلوك وبعدما يتصافوا هتفضل ندي في رجبتي لحد ما أموت.
كامل_ ربنا يطول في عمرك يا حاج ومتقلقش انا عمري ما هزعلها تاني ابدا.
يوسف_يا اخوانا انتو نسيتوني ولا ايه انا عريس ياجدعان وفرحي بكره.
كامل_ ليك عين تتكلك هتجوز قبل أخوك الكبير وبتكلم
يوسف_اعوذ بالله من قرك يا أخي انبرلي في الجوازه كدا لحد ما منه ترجع فيها.
كامل_ صحيح انا عايز اشوفها وأشكرها لولاها مكنتش عرفت حاجه.
يوسف. _ عد الجمايل بس انا اللي قولتلها اصلا تبعتلك الرسايل
منه وهي تدخل البيت. _ كداب أوي علي فكره
يوسف_. منه حبيبتي اهلا اهلا اتفضلي
راجيه_ .تعالي يابنتي اجعدي.
منه. _ يرضيكي ياماما يلطعني ساعتين تحت البيت استناه علشان معاد المصور وهوا ميجليش.
يوسف_. اسف والله بس كامل جه وندي عرفت وقفشت عليه وكان لازم اتفرج مش اخويا.
منه. _ لا ياشيخ طب وبتكدب وتقول انك انتا الي كلمته مش عيب يادكتور مين الي كلمه وقالك الفكره دي اصلا.
يوسف _ انتي ياقلبي بس انا اللي صورت
كامل_متشكر اوي ليكي يامنه بجد مش عارف اشكرك ازاي انتي رجعتيلي روحي
منه. _ متقولش كدا يأستاذ كامل ندي دي أختي وانا كان لازم اساعدك علشانها
كامل_ متشكر يامنه بس انا كامل بس احنا بقينا اهل.
منه _ ماشي ياكامل هطلع انا لندي اشوفها.
يوسف. _ لا والله استنوا اجبلكوا شجرة وإتنين لمون.
كامل_ .بلاش انتا علشان محسبكش علي عمايلك السوده.
يوسف. _ عيب عليك يا كبير بضحك معاك ياعم.
منه_ هطلع لندي وانتا اجهز علشان نخرج.
يوسف_ انتا تأمر ياقمر ياخواتي عسل ياناس وهوا يغمز لها بعينه
كامل_ .متتلم ياعم الحبيب راعي شعور اخوك متجوز مع إيقاف التنفيذ.
صعدت منه وجدتها جالسه علي المكتب وعلي وجهها ابتسامه خفيفه.
منه. _ بتضحكي علي إيه يابت انتي
ندي. _ يخربيتك خضتيني مش تخبطي.
منه_ بقالي ساعه بخبط ياختي