توكيل زواج بقلم هبة منصور 3 اجزاء كاملة

_ايه اللي بيعملوه ده مش عملينلي اي اعتبار ولا كأني موجود ازاي تهزر معاه كدا دانا جوزها من ساعه ما جيت مكلمتنيش كلمتين علي بعض ايه اللي بقولو ده جوزها هوا انا خلاص صدقت اني جوزها بصحيح ولا ايه انا مالي شكلي زي ما قال الحاج هيا عجباني لا عجباني ايه اكيد لا هوا بس علشان بقت علي اسمي لازم تحترمني مينفعش اللي بيحصل ده .
في الصباح لأول مره يستيقظ يوسف قبل ندي ويجلس مع والده وامه وخالته واخوه بنتظرها حتي تأتي ويذهبو سويا للجامعه _ في ايه النهارده يا هنون بنتك مالها مش من عوايدها تتأخر كدا بقالها ساعه بتقول نازله اهو خير
هناء . _ والله معرفاش ياولدي اكيد بتجهز نفسها
يوسف . _ جايز بردو واو ايه ده مين الموزه دي
قال يوسف هذه الكلمات وهوا ينظر لندي التي تنزل السلالم ترتدي فستان باللون الابيض وبه بعض الورود الزهريه قصير بعض الشي يصل لبعد الركبه بقليل بنصف كم وشعرها تركت له العنان علي ظهرها ليصل لأسفل ظهرها وتضع الكحل الاسود الذي اظهر جمال وزرقه عيناها وملمع الشفاه فكانت ايه في الجمال فهي منذ وفاه والدها وهيا ترتدي الملابس الكاجول الغامقه اللون
هناء _ ايه الي انتي لبساه ده ياندي انتي هتروحي الجامعه كدا
راجيه_ سبيها ياهناء تلبس الي هيا عايزاه والله جمر يابنتي .
محمود لم يعجبه مظهر ندي ولاكن ظل صامتا حين رأي ابنه الذي يوشك علي الفتك بها وفضل الصمت حتي يري ما سيفعله كامل
ندي _ عادي ياماما مالو الفستان ماهوا طويل اهو.
يوسف . _ لا ياخالتو مالكيش حق دي قمر قمر قمر
وهوا يمسك يد ندي ويلفها حول نفسها ندي وهي تهم بالمغادره_ مرسي يايوسف يلا بقا علشان منتأخرش
يوسف _ يلا بينا .
_ انتي رايحه فين بالمنظر ده
كان هذا صوت كامل ندي وهي تنظر له بإستغراب
_ انتا بتكلمني انا
كامل_ وانتي شايفه حد غيرك خارج من البيت
ندي ببرود_ لا
كامل _ اطلعي غيري الزفت الي انتي لبساه ده وميتلبسش تاني
ندي

_ اغير ايه انتا اكيد مش في وعيك مين اداك الحق تكلمني كدا وانتا مالك بيا اصلا يااستاذ انتا.
كامل وهوا يتجه ناحيتها _ اولا اتكلمي بإحترام وصوتك ميعلاش عليا ثانيا الي اداني الحق هوا اني جوزك ياهانم ولا انتي ناسيه
ندي _ انتا بتهزر صح جوزي مين ده احنا مش نهينا الحوار ده امبارح سلام انا متأخره.
والتفتت لتغادر كامل وهوا يمسكها من يدها ويديرها له _ لما اكلمك متسيبنيش وتمشي وموضوعنا منتهاش ولا حاجه الجواز هيتم وفي ميعاده والوقتي تطلعي بالزوق تغيري وتلبسي حاجه محترمه لإما مفيش خروج من البيت مفهوم
وقال كلمته الأخيره بصوت عالي اړتعبت منه ندي
محمود_ اطلعي ياندي غيري الي انتي لبساه جوزك معاه حق وانتا ياكامل سيب يدها وتعالي وراي المكتب
كامل_ حاضر ياحاج وترك يدها لتصعد وتبدل ملابسها
في غرفه ندي وهيا تبدل ملابسها تحدث نفسها. _ يخربيت مخك ياندي عقلك كان فين وانتي نازله كدا اوف كان هيموتني بس انامالي فرحانه كدا ليه دا كان هيضربني والله اما جننتك ياكامل مبقاش انا ندي وذهبت لجامعتها.
في غرفه المكتب
محمود _ افهم ايه من كلامك ده ياكامل
كامل _ كلام ايه ياحاج
محمود_ ان الجواز هتم ياولدي مش انتا جولد كدا دلوك لندي
كامل_ ايوه ياحاج انا فكرت واقتنعت بكلامك عمي ناجي غالي عليا ومش هقدر منفذش وصيته ليك وكمان كلمتك متنزلش الارض ياحاج انا موافق اكمل الجواز.
محمود_ كلمتي والوصيه هههه هتدحك علي روحك ياكامل
كامل _ قصدك ايه ياحاج مش فاهم
محمود. _ متخودش في بالك ياولدي روح دلوك واني هكلم ماجد اجوله اننا هنسافر بكره الصبح اتأخرنا عليه جوي فاضل اسبوع علي الفرح
كامل _ ماشي ياحاج
غادر كامل المكتب وذهب لغرفته _ ايه الي انا عملته ده ازاي وافقت علي الجواز وليه اتعصبت كدا لما شوفتها بالمنظر ده مقدرتش استحمل حد غيري يشوفها كدا وبعدين معاكي ياندي تعبتيني معاكي
وقف امام باب غرفت ندي ونظر حوله لم يجد احد ففتح بابا الغرفه ودخل سريعا وأغلق الباب خلفه غرفه هادئه منظمه يتوسطها سرير وبها مكتب صغير ودولاب وعلي السرير فستانها الذي بدلته تحرك كامل ناحيه السرير وانحني واخذ الفستان بين يديه يتلمسه وجلس علي السرير قربه من انفه يستنشق عطرها فيه ثم وضعه مكانه وضع يده علي المكان الذي تنام به وقرب المخده من انفه واغمض عينه تمدد علي فراشها علي ظهره وبيده يملس علي الفراش كأنه يبحث عنها بجواره انته علي نفسه ماذا يفعل انتفض من مكانه وخرج سريعا من الغرفه ودخل غرفته واغلق بابها ووقف خلفه يسترجع ماحدث
كامل_ ايه الجنان ده هوا انا مراهق علشان اعمل كدا ازاي ادخل اوضتها اخ انا شكلي حبيتك بجد ياندي
في الجامعه .
منه_ يخربيتك والله انتي مجنونه .
ندي_ اسكتي انامش مصدقه انه عمل كدا ده كان هيضربني
منه _ بس شكله وقع يابيضه.
ندي_ .مش عارفه والله بس كلامه كان بيهزني اټرعبت منه بجد
منه_ يعني خلاص هتتجوزي ياندوش.
ندي _ ايه اتجوز يالهوي صحيح ده قال اننا هنتجوز .
منه _ مالك ياندي انتي اټجننتي .
ندي . _ لا بس انا لسا معرفش عنه حاجه ولا اعرف عن حياته بره كانت ازاي مش يمكن كان مقضيها مع الخوجات
منه _ الله الله انتي غيرانه يابيضه
يوسف وهوا يسحب كرسي ويجلس معهم _ مين الي غيران اكيد انتي يامنه غيرانه عليا صح
منه _ انا اغير عليك من ايه روح ياحبيبي شوف البنات الي تعرفها اكيد بيدورو عليك
يوسف _ اه والله فعلا بصي حتي جاين يندهولي اهم .حاضر جاي ياحبايبي ونهض وتركهم .
ندي_ مش هتبطلي ترخمي عليه يابت انتي .
منه _والنبي تسكتي ياندي ابن خالتك ده رخم ودمه يلطش
ندي _ يابت اتهدي بلاش كدا هيزهق ويطفش منك
منه _ يطفش ايه بس هوا في بينا حاجه انتي كمان مش شيفاه كل يوم مع واحده
ندي _ بينكشك يامنه علشان تدايقي بيرخم عليكي ياحبيبتي علشان بيحبك
منه .بطلي هبل لا بيحبني ولا زفت هوا عايز يتسلي وانا مش للتسالي فكك من الحوار ده
ندي _ بكره نشوف يامنه .
بعد عودتهم من الجامعه وتناول الغداء كانوا يجلسون سويا ويتناولون الشاي
محمود . _ فين كامل ياراجيه
راجيه_ اتغدي وراح يستلم الشحنه من الجمارك ياحاج
محمود _ طب خودي ندي وهناء وانزلو نجو فستان الفرح واجهزو هنسافر البلد بكره اني كلمت ماجد وجولتله
هناء _ متنساش وعدك ليا ياحاج الجوازه مش هتم الا اما اتأكد ان ولدك بيحب ندي صوح ورايدها يعني مفيش ډخله ياحاج محمود
محمود _ منسيش كلامك ياهناء ومټخافيش ولدي راجل وجد كلمته واني هتكلم معاه جبل السفر
هناء _ ماشي ياحاج .
ندي في سرها _ الحمد لله كدا قدامنا فتره اتأكد من مشاعره نحيتي
راجيه _ يلا نجوم نلبسو علشان منتأخرش
هناء وندي _ يلا بينا
ذهبو للمول واختارو فستان الزفاف وبعض لوازم العروس وعادو مساءا
محمود_ جيبتي الي نفسك في ياندي
ندي _ ايوه ياعمي جبت فستان جميل اوي بس مفاجأه بقا هتشوفو في الفرح
يدخل من باب القصر
كامل_ مساء الخير
الجميع_ مساء النور
محمود. استلمت الشحنه ياولدي .
كامل _ استلمتها وفي مخازن الشركه ياحاج بس تعبت اوي النهارده لحد ماخلصت الإجرآت .
راجيه_. احضرلك الأكل ياولدي .
كامل _ لا يا امي وهوا
ينظر لندي ايه الي هناك ده وهو يشير لفستان الزفاف داخل العلبه .
هناء _ فستان العروسه ياولدي الف مبروك .كامل وهوا ينظر لعين ندي الله يبارك فيكي ياخالتي بس ياريت ميبقاش زي فستان الصبح
ندي بغيظ _ والله احنا هنعمل الفرح في الصعيد وهناك محدش بيشوف العروسه غير الستات والعريس بس فاأختار الي احبه
كامل _ اديكي قولتيها العريس وانا محبش اشوف مراتي لابسه عريان حتي لو قدام ستات
ندي . _ والله انا بعرف في الأصول كويس ومش هطلع ببدله رقص قدامهم يعني
كامل وهوا يضحك علي كلامها _ هههههههههه فعلا معاكي حق بس حلوه بدله رقص دي
ندي وهي ټضرب الارض بقدمها _ يباي مستفز وحملت الفستان وصعدت غرفتها.
وبعد وقت قليل صعد ورأها كامل ليذهب لغرفته لكي ينام
في الصباح جهز الجميع للسفر وكانت ندي وهناء بسياره كامل ويوسف وابيه وامه في سياره اخره وجلست هناء في الخلف ووضعت بجانبه علبه فستان الزفاف وجلست ندي بجانب كامل
بقي نصف الطريق صامت هوا وندي حتي نامت هناء من الملل بسبب طول الطريق اما كامل فكان ينظر لندي بين الحين والاخر وكان الجو حر فمد يده لزجاجه الماء بينهم علي الكرسي في نفس الوقت كانت ندي تمسك الزجاجه فمسك كامل يدها وهيا علي الزجاجه احس كامل ببروده اطرافها في يده ورجفتها فأطبق عليها بشده ونظر لعين ندي فخجلت منه وسحبت يدها بسرعه والتفتت للشباك تنظر للطريق بينما هوا ضحك علي خجلها واكمل قياده بعد وقت كانت ندي غفت من تعب الطريق ورأسها تهتز بسبب سرعه السياره فمالت راسها علي جانب كامل فنظر في المرأه لخالته وجدها مازالت نائمه فسحب ندي بعدوء ووضع رأسها علي صدره وأحاطها بيده وقاد السياره باليد الاخري ظلت نائمه اكثر من ربع ساعه وهوا ينظر لها فتن بجمالها وبرأتها لم يشعر بنفسه الا وهوا يرفع راسها ويمعن النظر لها انتبه للطريق سريعا وركز اكثر علي الطريق يخشي فقدانها او يقظتها فتبتعد عنه فاق علي صوت خالته تنادي علي ندي ففتحت عينها
ندي _ اسفه ياكامل محستش بنفسي ازاي نمت
كامل وكان اول مره ينطق اسمه وكأنه اسم جديد يتزوق معانيه اعاده مره اخره كامل ولم يتحدث فظنته لم يسمعها فسألته
ندي_اكيد دراعك وجعك انا فضلت كتير عليه
كامل وهوا ينظر لها نظره عشق ولهفه وعينه تتابع حركتها انتيه لها واجاب _ لا ابد موجعنيش متشغليش بالك احنا قربنا نوصل صح ياخالتي
هناء . _ ايوه ياولدي السرايه باينه اهي جربنا عليها..
وصلو السرايا ونزلو جميعا بيت عائله الراوي ودخل الجميع المنزل
راجيه _ حمد الله علي السلامه يلا كل واحد يطلع يرتاح في اوضته .
هناء _ لا احنا هنروح الدار لجل نجهزو حالنا ندي هتتزف من بيت ابوها .
محمود . _ معاكي حج ياهناء وصلهم يايوسف البيت.
كامل .بغيره واضحه. _ لا انا الي هوصلهم ارتاح انتا يايوسف تلقيك تعبت من السواقه .
هناء . _ يلا ياولدي تعالي .
كامل_ .يلا بينا.
وصلو بيت ناجي ودخلت هناء تتجول بنظرها في المنزل فقدت حبيبها ونصفها الثاني فرت دمعه من عينها مسحتها سريعا والتفتت لندي
هناء_. ضيفي جوزك ياندي واني هطلع ارتاح