حواديت سيف وتالا بقلم مارينا عبود

أنت مبتشوفيش
أنا اسفة بجد مكنتش اقصد
وأنا هعمل إيه باعتذارك دلوقت
ما خلاص بقى يا عم الكاريزما دول مكانوش شوية عصير إللى ادلقو على قميصك
أنت غلطانة وكمان بتعلي صوتك
الله ما أنا اعتذرتلك ياجدع وأنت إللي مصر تعمل مشكلة
تصدقي أنك إنسانة
سيف
مكملش كلام وبص لمصدر الصوت كان صوت يوسف اخويا الكبير بصيت له لقيت ملامحه اتحولت من العصبية للهدوء واترسمت ابتسامة على وشه يوسف قرب وأنا فضلت متسمره مكاني الظاهر أنه في كتكوت هيتعلق النهاردة
وحشتني ياجدع
وأنت أكترر طمني عليك أخبارك إيه
أنا تمام وزي الفل قولي أنت رجعت القاهرة أمتى
رجعت من يومين عندي شغل هنا
طيب حلو اووي ماما هتفرح اووي لما تشوفك
أنا إللي هفرح بشوفتها متتخيلش وحشتوني قد إيه
هما مين دول إللي وحشوه ومين ده اصلا
وماما مين إللي هتفرح لما تشوفه
أنا ليه حاسه إني في عالم سمسم
تالا أنت إللي موقفك هنا
الټفت وشاورلي بغيظ
أنت تعرفها
دي تالا أختي الصغيرة معقولة نسيتها
دي
قالها پصدمة فاتعصبت
إيه دي ما تتكلم باسلوب كويس ياجدع أنت
وأنت مالك أنا اتكلم بالأسلوب إللي يعحبني
لا بقى ده أنت مش بس قليل ذوق لا وكمان متربتش
مين ده إللي مترباش يابت
صوتنا علي وكنا هنمسك في بعض لولا تدخل يوسف إللي كان بيبصلنا پصدمة طول الوقت
بس بس أنتوا بتتخانقوا ليه أنتوا اتعرفتو على بعض
لا ومش عاوزه اتعرف
ولا أنا
قالها بغيظ واحنا بنبص لبعض بشړ سيف اتنهد وقال بهدوء
طيب قولولي إيه إللي حصل بينكم وبتتخانقوا ليه
قربت من يوسف واتكلمت ببراءة
كل الموضوع إني وأنا داخلة القاعة وماسكة العصير ادلق شوية صغيرين على قميص الأستاذ ورغم اني اعتذرتله هو فضل يزعق وصمم يعمل من الموضوع مشكلة
يعني أنت عاجبك ادخل للناس وأنا متبهدل كده
على فكرة دول شوية صغيرين والموضوع مش مستاهل ومش باين اصلا أنك متبهدل أنت بس إللي إنسان عصبي وقليل ذوق
عاجبك كده يا يوسف شايف قلة الادب وطولة اللسان
أنت واحد
بس بس أنتوا الأتنين مش عاوز اسمع صوت
قالها يوسف بعصبية فسكتنا وبصينا لبعض بغيظ يوسف اتنهد وبصله بهدوء
أنا اسف اووي يا سيف على إللي حصل تالا مكانتش تقصد اكيد
يا يوسف أنت بتعتذرله ليه هو إللي
تالا ادخلي أنت دلوقتي وبعدين هنتكلم
اتنهدت واتحركت من قدامهم وأنا مضايقة وببرطم بكلام مش مفهوم بقى أنا قليل الذوق ده يعمل فيا كده وبعدين مين هو اصلا علشان يوسف يعتذرله وېخاف على زعله مين هو
مالك متعصبة كده وجاية بتبرطمي مع نفسك ليه
مفيش
قولتها بزعل فابتسمت ونغزتني في دراعي
عليا برضوا قولي اتخانقت مع مين المرادي
بصيت لها بطرف عين لقيتها بتبصلي بمكر نظراتها متاكده إني مهببه مشكلة جديدة ومستنياني اشاركها كالعادة
ولأنها البيست فريند بتاعتي ومرات اخويا الغالي
وإللي دايما بتشاركني كل مصايبي وبتدافع عني قدام يوسف
ولاني مبعرفش اخبي عنها حاحة
فأخدت نفس عميق وحكيتلها إللى حصل
كنت عارفة أنك مش هتعدي اليوم من غير مشكلة
صدقيني أنا المرادي مغلطتش
لا أنت مبتغلطيش أنت قمر ولسانك ده بينقط سكر
قالتها بضحك فضحكت
تعرفي يا ميسون أكتر حاجة بحبها فيك إيه أنك دايما رافعة معنوياتي لفوق عكس جوزك إللى دايما سادد نفسي
ضحكت وشدتني معاها علشان اسلم على العرسان
طيب يلاه بينا نروح نسلم على العرسان وبعدين نشوف موضوع رفع معنوياتك إللي مودينا في داهية ده
ضحكت ولفت وشها ناحية الترابيزة إللي قاعدين عليها أهلي ورجعت بصتلي
أنت اتخانقت مع سيف سيف تاني يا تالا
هو إيه الحكاية يطلع مين سيف ده
ده ابن طنط نوال صديقة والدتك ويعتبر الإبن المدلل عند والدتك مش فاكره مقالب زمان
اووه هو ده نفس الولد إللي كان معانا في المدرسة وكنت