رواية جديدة عشقته ولم أدري بقلم اسراء ابراهيم

اللي اتتفست براحة وهي بټعيط وكأنه اتكتبلها عمر جديد عشان هو سابها ومشي وشوية وجت افكار عشان تطمن علي يقين واول ما دخلت الاوضة جريت يقين في حضنها وبقت ټعيط باڼهيار وافكار كانت بتطبطب عليها بحنان عشان تهدي
...................................
تاني يوم في بيت افكار كانت قاعدة وباين عليها انها سرحانة لحد ما انتبهت لصوت فرح بنتها في ايه يا ماما مالك مضايقة من الصبح ليه ده حتي يوم اجازتك
افكار بتفكير وحزن مش عارفة يا فرح انا حاسة اني عليا ذنب كبير اوي
فرح بتنهيدة برضه بسبب البنت اللي اسمها يقين صاحبة الڤيلا دي طب انتي يعني بايدك ايه تعمليهولها
افكار بتأنيب ضمير ازاي يا بنتي انا زيي زي مالك بالظبط شايفة الظلم وساكتة والبنت ياحبة عيني لا ليها حد يدافع عنها ولا ليها اهل يسألو عليها حتي
فرح بجدية طب انتي عاوزة تعملي ايه يا ماما بالظبط ده انتي بنفسك قولتيلي ان اللي اسمه مالك ده صعب اوي ولولا انك من ايام والدته الله يرحمها كان زمانه مشاكي من زمان خلاص اقولك لو ليكي دلالة عليه اتكلمي معاه يخف معاها شوية
افكار پصدمة يا لهوي اتكلم معاه ده مش بعيد يحبسني مكانها لا يا بنتي ده اخره يتكلم معايا بهدوء عشان انا قد امه لكن انه يعملي خاطر لا معتقدش ابدا انا بس نفسي اساعدها ومش عارفة اعمل كدة ازاي
فؤح بفضول هو صحيح يا ماما ايه اللي خلاها تتجوزه من الاول طالما هو صعب اوي كدة
افكار بسخرية مش هنسي اليوم اللي جه فيه ابو يقين وطلب من مالك انه يتجوزها مالك وقتها كان فرحان فرحة غريبة اوي وكأنه ما صدق او بالادق كأنه كان عارف ان ابو يقين هيطلب منه كدة معرفش ليه وقتها حسيت ان ابو يقين كان زعلان ومكسور كانت غريبة اوي انه يطلب من مالك كدة لانه يبقي سواق العيلة ويقين بنته الوحيدة وهو عارف اخلاق مالك يعني مستحيل كان يوافق بحاجة زي دي
فرح باستغراب يمكن طمع يا ماما اكيد قالك ان مالك ده غني اوي وبنته هتبقي سعيدة معاه وكفايا انه غني
افكار باصرار لا طبعا قولتلك انه كان باين عليه انه مكسور وكأنه مش بايده حاجة غير انه يطلب منه انه يتجوزها وقتها حسيت ان في حاجة غلط بس طبعا متكلمتش ومكنش شاغلني اني اعرف اي حاجة وقتها
فرح بشفقة البنت دي رغم كل اللي حكتيه يا ماما الا انها صعبانة عليا حتي لو كان ده اختيارها بس اكيد مش ذنبها انها تفضل عايشة طول عمرها في الذل ده
افكار بسرحان ان شاء الله هتفرج يا فرح هو صحيح خالد اخوكي فين
فرح بضيق في اوضته نايم يا ماما حاولت اصحيه عشان يفطر معانا بس هو رفض وقالي مش هفطر وطردني
افكار بابتسامة مش مهم يا فرح اكيد هيبقي تعبان ماهو سهران طول الليل يا بنتي في شغله ده غير المأموريات اللي بيطلعها اهم حاجة انتي بس صحيه علي معاد شغله اوعي تنسي احسن تروح عليه نومة يا فرح يا بنتي
فرح بابتسامة حاضر يا ماما بقولك ايه يا ماما هو ينفع اجي معاكي بكرة انا معنديش جامعة وهفضل طول اليوم محپوسة في البيت
افكار بقلق والله لو عليا اكيد عاوزة اخدك معايا بس خاېفة مالك يجيلو خبر ويضايق ويعملها مشكلة بس اقولك خلاص تعالي وهدخلك من الباب الوراني ولو حد شافك هتقولي انك شغالة جديدة فاهمة