رواية جديدة عشقته ولم أدري بقلم اسراء ابراهيم

انا اخرج انتي بتحلمي انا اتكتب عليا اعيش هنا طول عمري حتي بابا مش عارفة اشوفه واطمن عليه وهو كأنه ما صدق سابني لمالك يتحكم فيا
فرح بلهفة صح باباكي اديني عنوانه وانا هروح اتكلم معاه واخليه يجي ينقذك
يقين بحزن تفتكري بابا مش عارف اللي بيحصلي هنا اكيد عارف بس انا متأكدة ان مالك ليه يد في ان بابا ميجيش قلبي بيقولي كدة
فرح بحزن انتي عاملة زي الاميرة اللي محپوسة في البرج ومستنية اميرها الوسيم يجي ينقذها
يقين ابتسمت بۏجع بس انا قصتي مختلفة لان اميري هو سجاني يا فرح
فرح بضيق لا معلش هولاكو ده مش امير ده اكيد الغول
يقين ضحكت ولاول مرة تضحك بصوت وفرح ضحكت هي كمان معاها وفي نفس الوقت دخلت افكار وشافتهم
افكار بابتسامة اول مرة اشوفك بتضحكي يا يقين
يقين بابتسامة والسبب فرح يا دادة حقيقي ډمها خفيف ربنا يحفظهالك
افكار بحب تسلمي يا حبيبتي ويطمني عليكي يارب يا يقين
فرح بتفكير ماهو انا لازم الاقيلك حل انتي لازم تهربي من هنا
يقين بحزن ههرب اروح فين ولمين يا فرح انا مليش حد ده غير ان مالك هيلاقيني ووقتها هيبقي عقاپي اشد وانا خلاص مبقتش استحمل
فرح فكرت شوية وبعدين ابتسمت بفرحة وقالت لقيتها بصو هقولكم علي فكرة متخرش المية بس انتي اسمعوني للاخر
يقين بصت لافكار بقلق فابتسمت ليها بتشجيع ووقتها ابتسمت يقين هي كمان وقعدت قدام فرح بانتباه عشان تسمع اللي هتقوله
.........................................
تاني يوم في بيت افكار كان واقف خالد وبيبص لامه ولفرح اخته پصدمة بعد قالو ليه كل حاجة
خالد پصدمة انتو بتهزرو صح ماما بنتك شكلها مخها فوت
افكار باقناع اسمع الكلام بس يا خالد وبعدين ما احنا حكنالك اللي البت بتمر بيه
خالد باندفاع وانا مالي انا جوزها بيضربها ولا بيزعقلها انتو هتجننوني ده واحد زي ده ممكن يودينا ورا الشمس
فرح بخبث ااه قول كدة بقي قول انك خاېف يا جبان
خالد بانفعال فرررح لمي لسانك ده انتي عارفة ومتأكدة اني مبخافش بس انا ايه اللي يجبرني اعمل كدة
فرح بلهفة ان البنت غلبانة يا خالد ده انت لو شوفت شكلها ولا لو شوفت اللي بيعملو اللي اسمه مالك ده فيها صدقني هتصعب عليك احنا كل اللي طالبينو انك تحبسه بس كام يوم لحد ما يقين ترفع قضية وتطلق منه وبعد كدة مش هيقدر يعملها حاجة
خالد بقلة حيلة ايوة بس هحبسه كدة من الباب للطاق طب پتهمة ايه
فرح بنفاد صبر هو انا اللي هقولك يا حضرة الظابط ما تتصرف وبعدين واحد زي مالك ده اكيد ليه شغل مشپوه وانا متأكدة انك لو دورت وراه هتلاقي بلاوي اهم حاجة بس انك تعرف تثبت عليه حاجة
خالد بتنهيدة حاضر يا ست فرح ادوني اسمه ثلاثي وانا هبحث عنه واشوف هقدر اعمل ايه والله انا اصلا قولت من الاول بلاش الشغل ده يا امي وانتي اللي صممتي
افكار بعتاب ايه هتستعر من الشغل بتاع امك يا خالد ده هو اللي كبركم وخلاكم كل واحد بقي حاجة
خالد بسرعة لا طبعا مقصدش يا امي والله انا بس عامل علي تعبك انتي عارفة ان هو ده قصدي
افكار بابتسامة عارفة يا حبيبي بس يمكن انا ماسكة فيه عشان خاطر البنت الغلبانة دي ساعدها يا خالد يابني الهي يسترك ربنا
خالد بطاعة حاضر يا ست الكل اوعدك اني اتصرف متقلقيش
..................................
بعد حوالي شهر كان واقف مالك في اوضته بيزعق بصوت عالي وكان متعصب اوي