رواية كامله

وناويه أدخل كلية تجاره
_ربنا يوفقك يا!!...أنت أسمك أيه
_حنين
_اسم جميل...أنتي بقى...
لم أكمل جملتي وأستأذنت وخرجت مسرعه وبعد ثواني
دلف رجل يبدوا انه والد كمال
سلمت عليه وقال لي
_أتفضل يابني انت بقى صاحب كمال
_ايوه يا حج احنا اصحاب من اولى جامعه
_هو دايما بيحكيلي عنك وهو بيحبك جدا وبيعتبرك زي أخوه
_أكيد طبعا يا عمي كمال دا من الشباب المحترمه
_بس هو فين من بدري كدا هو اتأخر ليه
_زمانه جاي وبعدين الغايب حجته معاه اول ما يوصل هنعرف أيه اللي أخره خصوصا وهو عارف انك جايله النهارده وفي معاد مابينكم
ثم سكت لبرهة وقال
_ايه أخبار الدراسه بقى والمذاكره
_اهو ادينا بنذاكر وبنحضر المحاضرات وربنا يوفقنا
دعواتك لينا بقى ياحج
_دايما بندعيلكم تنجحوا وتاخدوا الشهاده وكل واحد يشق طريقه هو ايه أملنا في الدنيا غير أننا نشوف ولادنا
ناجحين في حياتهم ودراستهم وشغلهم
_ان شاء الله ربنا يكرمنا ونقدر نفرحكوا ونرد ولو جزء بسيط من دينكم علينا
_بس انا أحوال كمال مش عجباني الفتره دي
_ازاي يعني ياحج
_دايما كدا قافل على نفسه الأوضه ومبيتكلمش كتير معانا زي الاول زي مايكون في حاجه مخلياه مهموم وسرحان
_حاجة زي ايه يعني
_المفروض انت اللي تقوليلانكم صحاب وانت أكتر حد ممكن يثق فيه ويحكي له
_أنت عارف ان مليش حد في الدنيا دي غيره
خصوصا بعد ۏفاة أخته حنين
_الله يرحمها ياحج...
ثم أنتفضت من مكاني مره واحده وانا اقول
أخته مين لمؤاخذه!!!!!
_حنين بنتي الله يرحمها
_دا اللي هو ازاي يعني اومال مين اللي قدملي العصير دا
نظرت امامي فلم أجد كوب العصير مكانه
نظر لي والد كمال بأندهاش وقال لي مالك يا ابني في ايه
ايوه صحيح انا نسيت ..تشرب أيه!!
_حضرتك بتقول أن حنين ماټت
_ايوه ..مالك مستغرب كدا ليه
_لا مفيش ..بس كمال مقليش على الموضوع دا قبل كدا
_هو ايه اللي حصل بالظبط اقصد يعني ماټت أمتى
_يااااه ليه بس بتقلب عليا المواجع
_معلش ياحج مش قصدي بس انا حابب أعرف
دا لو مفيش مانع يعني
عاد الرجل بظهره للوراء وكأنما يسترجع الذكريات
ثم قال لي
_من خمس سنين حنين كانت واقفه بتغسل الهدوم
وفجأة حصل ماس كهربا مسك في الغساله
والبنت اتكهربت ونشفت مكانها في ثواني
_لا حول الله دي حاډثه صعبه اوي..ربنا يرحمها ياحج ويصبركم على فراقها
_لا فراق أيه هي لسه موجوده معانا هنا
_معاكم...معاكم فين مش فاهم
_معانا هنا في البيت انا رفضت انها ټندفن
_ايه الكلام داازاي يعني دا حتى أكرام المېت دفنه
_مقدرتش يابني دي كانت غاليه عليا أوي
وكمان امها رفضت ان بنتها تخرج بره الشقه
_ انت بتتكلم جد ياحج!!
_شكلك كدا مش مصدق
_بصراحه لأ
_طيب قوم معايا وانا هثبتلك
_تثبتلي ايه
_تعالى بس عشان تتأكد وتشوف بعنيك
خرجت معه وتوجه بي نحو الحمام وانا غير مستوعب
ما يقوله الرجل هل ذلك نوع من المزاح أم أن فراق أبنته
قد اثر على عقله لا أعلم ..لذا قررت ان أرى بعيني مايقول
فتح باب الحمام ثم أضاء الأناره وقال
_اتفضل أهو بص وأتاكد بنفسك
نظرت ووجدت بالفعل حنين تقف متصلبه مكانها
وعيونها جحظت بشكل مخيف من داخل محجريهما
وشعر رأسها منتصب ويخرج منه دخان كثيف
نظر لي والدها والإبتسامه على وجهه
_ها جالك كلامي ولا لسه مصدقتش
ابتلعت ريقي بصعوبه وحاولت أن اتكلم ولكن لم اقدر
على نطق حرف واحد
بعدها خرجت سيده من داخل أحدى الغرف وقالت
_مين دا يا ابو حنين
_دا واحد كان بيسأل عن حد أسمه كمال
نظرت له بدهشه ولم افهم ماذا يقول
_ازيك يابني تشرب ايه معلش حنين بنتي متكهربه زي مانت شايف ومقدرتش تقدملك حاجه
_لا يا طنط فيها الخير جابتلي عصير ورجعت تكمل كهربتها عادي مفيش مشكله
نظرت لابنتها في حنان وهي تهتز
من الكهرباء