مراتي مانعه اننا نتصور

وبتقولها قومي يلا هنسافر حالا.
البنت كانت بتصرخ وأنا مسكت سكاي وزقيتها برة الأوضة وقفلت الباب عليا أنا وليلى واتصلت بالشرطة.
الشرطة جت وسكاي حاولت تهرب من شباك المطبخ الدور التاني بس رجلها اتكسرت ومسكوها.
التحقيقات كشفت إن سكاي مريضة نفسيا كانت بتشتغل ممرضة وخطفت الطفلة بعد ما أجهضت حملها وهربت بيها لمدينة تانية وزورت هويتها وقابلتني عشان أعملها غطاء اجتماعي ومحدش يشك فيها.
أصعب لحظة في حياتي مكنتش القبض على مراتي..
أصعب لحظة كانت لما أهل ليلى الحقيقيين جم القسم يستلموها.
شفت أمها الحقيقية وهي پتنهار وبتحضن البنت اللي أنا ربيتها وحبيتها ٤ سنين.
ليلى كانت ماسكة فيا وبتعيط وبتقول بابا متسبنيش.
بس أنا مكنش ليا حق فيها. هي مش بنتي.
الضابط قالي إني كنت ضحېة ومكنتش أعرف بس ده مغيرش حقيقة إني قلبي اتكسر.
سكاي أخدت حكم بالسجن المؤبد.
وأنا رجعت بيتي الفاضي وكل شوية أبص على لعب ليلى اللي مالية البيت وأفتكر إن العيلة اللي كنت فاكر إني بنيتها.. كانت مجرد وهم وچريمة.
القصة الثانية
صاحبة عمري طردتني من فرحها عشان شكلي مش لايق على الصور.. بس نسيت إن القاعة محجوزة باسمي
________
أنا وصاحبتي چيسيكا كنا زي الأخوات من واحنا في ابتدائي. لما اتخطبت كنت طايرة من الفرحة ليها وطبعا كنت متوقعة إني هكون الإشبينة أقرب واحدة للعروسة أو على الأقل وصيفة.
بدأنا تحضيرات الفرح و چيسيكا اتحولت لغول.. بقت Bridezilla رسميا. طلبات مبالغ فيها عصبية طول الوقت وانتقادات لكل الناس.
المهم كنت بساعدها في كل حاجة والأهم من ده كله إني شغالة في فندق كبير وفخم جدا وقدرت أجيبلها قاعة الفرح بخصم خيالي الموظفين بس اللي بياخدوه وحجزت القاعة باسمي أنا عشان الخصم ينزل ودفعت العربون كمان هدية مني ليها.
قبل الفرح بشهرين چيسيكا عزمتني على الغدا وكان وشها مقلوب.
قالت لي بصي يا فلانة أنا محتاجة أقولك حاجة وماتزعليش. أنا قررت إنك مش هينفع تكوني وصيفة في الفرح.
استغربت وسألتها ليه الرد كان صدمة عمري.
قالت لي بصراحة لون بشرتك وطولك مش ماشيين مع الشكل الجمالي اللي أنا رسماه للصور. باقي البنات طوال وشقر وأنت هتكوني شاذة وسطهم وهتبوظي تناسق الصور.
بلعت ريقي وسكت وقلت لها تمام أنا مقدرة إن ده يومك وأنت حرة. هحضر كضيفة عادي وافرحلك.
افتكرت إن الموضوع خلص هنا.
بعدها بأسبوع لقيت رسالة منها بتقولي معلش أنا فكرت تاني وحاسة إن وجودك في الفرح أصلا هيخلي الناس تسأل ليه أنت مش وصيفة وده هيعملي توتر. فالأحسن إنك ماتجيش الفرح خالص.
نعم! بتطرديني من فرحك عشان منظرك بعد عشرة 15 سنة وعشان الصور تطلع حلوة على انستجرام
حاولت أكلمها مردتش. بعتت لي فويس نوت بتقول ده قراري النهائي وياريت تحترمي رغبتي وماتعمليش دراما.
قعدت يومين بعيط ومقهورة وبعدين افتكرت حاجة مهمة جدا.
القاعة.. محجوزة.. باسمي.
والعقد باسمي.. والخصم بسببي.
رفعت سماعة