مراتي مانعه اننا نتصور

بتاع جدي اللي فيه الوصفات السرية أنا عارف إنه معاك.
ابتسمت من جوايا. جدي فعلا كان عنده كشكول أسود فيه وصفات العجينة السحرية والصوصات اللي خلت المحل ينجح 40 سنة.
بس اللي هو ميعرفوش إن جدي في آخر أيامه كان بينسى وكان بيكتب مقادير غلط وأنا كنت بصلحها وأنا شغال من حفظي وخبرتي. الكشكول ده كان مليان كوارث لو حد نفذها بالحرف.
طلعت الكشكول من شنطتي ونفضت التراب من عليه واديته ل كايل وقلت له اتفضل يا باشا.. سر الصنعة كله هنا. يا رب تعرف تستغله.
خطفه مني وعينيه بتلمع وقال طبعا هعرف. يلا مع السلامة.
أنا ماقعدتش في البيت. المبلغ الصغير اللي ورثته حطيته مقدم في محل صغير جدا في الشارع اللي ورا المخبز القديم.
سميت المحل اسم جديد بس علقت يافطة صغيرة مكتوب عليها بإدارة الشيف اسمي.. حفيد المؤسس.
في خلال شهر المخبز القديم بتاع كايل بدأ ينهار.
التورت بتطلع ناشفة العيش بيفرول وطعم المخبوزات بقى غريب جدا بسبب الوصفات الغلط اللي في الكشكول إن كايل استرخص وجاب خامات تعبانة عشان يوفر.
الزباين القدام بدأوا يشتكوا والموظفين الشاطرين سابوه وجولي أنا في محلي الجديد.
الريحة اللي طالعة من محلي كانت بتجيب الزباين من آخر الشارع. الناس عرفت إن الطعم الأصلي اتنقل هنا.
كايل حاول ينقذ الموقف جاب شيفات كبار بمرتبات خرافية بس محدش عرف يظبط التريكة بتاعة جدي اللي أنا حافظها صم.
بدأ يعمل عروض تخفيضات 50 وبرضه المحل بينش.
بعد 6 شهور بالظبط كايل غرق في الديون. سمعة المحل بقت في الأرض والموردين بطلوا ينزلوا له بضاعة.
اضطر يعرض المحل للبيع لعدم التفرغ.
مين اللي اشتراه
أنا.
بعت له محامي عشان ميعرفش إن أنا المشتري وخلصت المحل بنص تمنه واشتريت المعدات اللي جدي الله يرحمه كان شاريها زمان.
يوم الاستلام رحت بنفسي.
كايل كان واقف بيلم حاجاته وهو مكسور وأول ما شافني داخل وفهم إن أنا المالك الجديد وشه جاب ألوان.
قلت له جملة واحدة الكشكول الأسود معاك ولا نسيته خليهولك.. يمكن ينفعك في إدارة الأعمال.
أنا رجعت يافطة جدي الأصلية ورجعت المخبز لمجده. و كايل دلوقتي شغال موظف HR في شركة وبيحكي للناس إن السوق نايم وإن المشروع فشل بسبب الحسد.