اسكريبت غيث وآية كاملة حصري بقلم الكاتبة المبدعة أية حمام

وتلاتة..
خۏفت أبقا زيهم خۏفت نوصل لكدا!
_بس..
_عارفة عارفة إنك بتحبني طول عمرك ومستحيل توجعني أو تعمل فيا زي غيري بس أنا كنت مضغوطة يا غيث أهلنا فاكرين إني لازم أخلف منك علشان أخليك جنبي ميعرفوش إننا عايزين نخلف علشان نشوف بذرة حبنا علشان نجيب ذرية صالحة تدخلنا الجنة علشان يبقى فيه نسخة مننا تزيد من حبنا لبعض!
_وأنت ليه متكلمتيش معايا كدا من الأول ليه إختارتي تعيش في الخۏف والضغط دا لوحدك كنت فاكرة إني مش هفهمك
_حسيت إن كل دا هواجس ولازم أكون عاقلة أكتر..
_أنت مراتي يعني لو مش أنا ال كل أفكارك ومخاوفك هتنكشف قدامه هتعملي كدا قدام مين
_أنا آسفة!
_مش عاوز أسف عاوز وعد بإن كل شيء أكون أنا أول واحد أعرفه كلمة خۏفك مني دي وجعتني أكتر من أي حاجة تانية يا آية.. لو مش هكون مصدر أمانك وطمأنيتك يبقى مستاهلش!
_أنت كل حياتي والله.
ضمني له ف شديت على حضنه لحد ما بعدني عنه شوية وإتكلم
_مش لازم نعيش حياة غيرنا مش لازم فشل التانيين يتكرر في حياتنا إحنا أها كبرنا في بيئة مش سليمة بس إتعلمنا وهنتفادى كل دا إحنا عايشين بنرضي بعض بنية رضا ربنا علينا.. طبيعي يحصل بيينا مشاكل وخلافات بس بكلمة منك أو مني بينتهي الأمر.. عمري نيمتك زعلانة مني
_لاء.
_يبقى تتأكدي إن عمر ما وجعك يهون على قلبي أنا بحبك وأنت بتحبيني ومحدش فينا بيهون على التاني يبقا نتوكل على الله ونستودعه حياتنا ومش نفضل خايفين من الجاي وال فات ونخنق نفسنا بإيدنا.
هزيت راسي بموافقة لكلامه وقربت بوست إيده وخده وأنا بشكره إنه نصيبي.
_غيث..
_عيونه.
_ممكن نروح للدكتور بكرة
_أنت تعبانة
_شوية بس متقلقش أنا بس حاسة إني..
_إنك إيه متقلقنيش عليك.
_بص
إحنا نروح بكرة ونتطمن وخلاص إنسى ال حكيته دا.
بقالي شهرين حاسة بأعراض مش طبيعية وعندي شعور إني حامل بس مش متأكدة ومش راضية أجرب الاختبارات لإن أوقات كتير بتكون كاذبة ومش عايزة أعشم نفسي وأعشمه على الفاضي.
_مبارك يا فندم المدام حامل.
كنا عند الدكتور وبعد ما كشفت عليا وجاوبت على كل
أسئلتها قالت كدا وبرغم إني كنت حاسة إلا إني إتفاجأت برضه وحسيت شعور غريب بعد جملتها دي.
أما هو فضل يستوعب لدقيقتين قبل ما يمد إيده ويمسك إيدي ويبص لي بسعادة ضغطت على إيده بخفة ورجعت انتبهت للدكتور وتعليماتها قبل ما نخرج.
_أنت عارفة أنا فرحان إزاي أنا عمري ما حسيت كدا!
_أنا نفسي أشوفه وأشيله أوي يا غيث نفسي يطلع شبهك في كل شيء!
_أنا نفسي يكون بخير وتكوني أنت بخير ومش عايز حاجة تانية.
مسكت في دراعه وميلت براسي على كتفه ف إتكلم هو تاني
_نفسك تاكلي إيه فيه حاجة عايزاها دلوقتي
_معرفش الوحم بيكون إمتى بس أنا دلوقتي نفسي أوي في ورق عنب وسمبوسك بالجبنة!.
_لاء كدا دلع وإستغلال بقا أنا بقول تنامي أحسن.
ضحكنا بخفة قبل ما يبدأ يلعب في شعري وأنعس فعلا وأنا بعد الثواني بكل اشتياق ومستنية اللحظة ال هشيل ابني أو بنتي منه بين إيدي!
_آية..
_إيه يا غيث بتزعق ليه
_أنت خرجتي النهاردة
_أيوا إيه ال حصل
_يعني إيه تخرجي من غير إذني وإزاي تخرجي وأنت في حالتك دي
_مالها حالتي ما أنا زي الفل أهو.
_متعصبنيش يا آية علشان مش حابب أزعلك مني.
_لاء زعلني مجاتش عليك يعني!
قولت كدا ودخلت الأوضة من تاني وقعدت على السرير وبدأت دموعي تنزل دقيقة ودخل ورايا وقف قصادي شوية قبل ما يقرب عليا ويسحبني ف إتكلمت بعياط
_ليه ليه ملحقش أتهنى بيها بعد دا كله هو