محطـة المـترو كـاملة

إن الكارت ده ممكن يشتري المنطقة اللي هي واقفة فيها كلها!
أول ما مراد مشي، سعاد فضلت باصة للكارت. هي مش عارفة يعني إيه حساب مفتوح، بس عارفة إن ده طوق نجاة. أول تيت جات لمصطفى مساعد مراد كانت سحب مبلغ تافه جداً. مصطفى ضحك وقال لمراد يا فندم دي راحت تشتري وجبتين كشړي!. مراد ابتسم بسخرية وقال شوفت؟ طموحهم ضيق.. شوية وهتبدأ تسحب الآلاف عشان تجيب هدوم وموبايلات. لكن الصدمة بدأت لما الإشعارات بدأت توالي ورا بعض بمبالغ غريبة وفي أماكن أغرب.. أماكن مراد الألفي عمره ما تخيل إن الكارت بتاعه يدخلها!
مراد مقدرش ينام، الفضول كان بياكله. فتح ال GPS ولقى الكارت موجود في منطقة عشوائية جداً، منطقة هو بيعتبرها منطقة خطړ. سحب مسدسه وركب عربيته وراح هناك. لقى الكارت في صيدلية صغيرة متهالكة. دخل الصيدلية وسأل الصيدلي بعصبية الست اللي كانت هنا راحت فين؟ وصرفت إيه بالمبلغ ده؟. الصيدلي بص له بذهول وقاله يا بيه الست دي اشترت كل علب حقن الأنسولين اللي عندي، ودفعت تمن حقن تانية لناس غلابة مسجلين أسماءهم في نوتة الديون.. ومخدتش لنفسها ولا مليم!.
مراد فضل يتتبعها لحد ما وصل لمستشفى حكومي قديم. لقى سعاد واقفة قدام غرف العمليات، متبهدلة ولبسها مقطع، بس وشها فيه نور غريب. لقى دكتور خارج بيقولها الحمد لله يا ست سعاد، تمن الصمام بتاع قلب البنت اتدفع والعملية هتبدأ فوراً. مراد وقف مكانه مصډوم.. هو كان فاكر إنها هتصرف الفلوس على مظهرها أو أكلها، لكنها كانت بتسابق الزمن عشان تنقذ بنتها وكمان ناس تانية هي متعرفهمش ومحتاجين علاج!
لما سعاد شافته، جرت عليه ورجعتله الكارت وهي بتترعش. قالتله يا بيه، أنا أسفة إني صرفت كتير، بس بنتي كانت بټموت.. والناس اللي في الصيدلية دول غلابة زيي والديون كانت خنقاهُم. مراد بص لها بذهول وقالها إنتي عارفة إن الكارت ده فيه ملايين؟ ليه مجبتيش لنفسك بيت؟ ليه مغيرتيش لبسك ده؟. ردت عليه برد زلزل كيانه البيت الحقيقي هو اللي بنبنيه عند ربنا يا بيه.. وأنا خفت لو خدت أكتر من حاجتي، ربنا يحرمني من شفا بنتي.
في وسط اللحظة دي، تليفون مراد رن.. كان مساعده مصطفى اللي بيثق فيه جداً. مصطفى قاله بهلع يا فندم، مجلس الإدارة اجتمع في غيابك وبدؤوا يسحبوا صلاحياتك بناءً على أوراق قديمة والدك كان سايبها!. مراد اكتشف إن الأغنياء اللي أبوه علمه يثق فيهم هما اللي بيخونوه دلوقتي، والست الفقيرة اللي حذره منها هي الوحيدة اللي حافظت على أمانته.
مراد قرر ياخد سعاد وبنتها في حمايته. مش بس كدة، هو استخدم سعاد كدرع قانوني! لأن الكارت اللي هي صرفت منه كان حساب شخصي سري ملوش علاقة بالشركة، ومن خلال
تتبع المصاريف اللي عملتها، اكتشف ثغرة قانونية تثبت إن المساعد بتاعه كان بېختلس من سنين. قلة أصل الغني كشفتها طهارة الفقير!
مراد وقف في مكتبه الفخم، بس المرة دي سعاد كانت قاعدة معززة مكرمة وبنتها بتلعب حواليها. مراد قطع وصية أبوه القديمة وكتب وصية جديدة الثقة مش عملة المغفلين.. الثقة هي اللي بتصنع البشر. وقرر يحول جزء من استثمارات الشركة لبناء أكبر مستشفى مجاني للأطفال، وسماها مستشفى سعاد.
بعد سنة، مراد مبقاش الملياردير البارد. بقى بيتحرك في الشوارع بيدور على القلوب مش على الصفقات. سعاد بقت مديرة مؤسسة الأعمال الخيرية بتاعته. والناس بقت تحكي قصة الكريدت كارد مش كقصة فلوس، لكن كقصة إعادة إحياء روح كانت ماټت من كتر القسۏة.