لمېت هدومي في شنطة سفر واحدة

كأن فيه طوبة جواه.
مسكته وبدأت أتحسسه، مفيش جيوب.. التقل كله جاي من البطانة اللي في الضهر.
الهوا كان بيطير شعري، والشارع فاضي.. قلبي دق بسرعة غريبة.. حطيت الشنطة على الأرض، ومسكت البالطو، ومن غير تفكير قطعت خياطة البطانة بإيدي.
اتسمرت مكاني!!
إيدي اترعشت وعيني وسعت من الصدمة.
البطانة مكنش فيها قطن.. كان متخيط جواها جراب جلد مقفول بسوستة.
سحبت الجراب، أيدي كانت بتترعش وأنا بفتحه.
كان جواه ٣ حاجات
١ فلاشة صغيرة لونها أسود.
٢ ورق متدبس عليه ختم النسر ومكتوب عليه إلغاء توكيلات عامة وخاصة.
٣ وجواب بخط إيد أبويا.. مكتوب عليه من برا إلى بنتي ونور عيني.. نور.
الراجل العجوز الغلبان اللي مكنش بينطق، سلمني في إيدي السلاح
اللي هينسف امبراطورية طارق وشيرين من جذورها.. وووو.....!!!
الکاتبه_نور_محمد
قعدت على الرصيف، مش حاسة بالناس اللي رايحة واللي جاية. فتحت الجواب وإيدي بتترعش، كان بخط أبويا المرتعش في أيامه الأخيرة، ومكتوب فيه
يا نور عيني.. لو بتقري الجواب ده، يبقى أنا فارقت الدنيا، وطارق أخوكي نفذ اللي كان بيخطط ليه. أنا عرفت من شهور إنه بيمضيني على ورق وتوكيلات وأنا تحت تأثير الأدوية، ولما واجهته هددني إنه هيحجر عليا. مكنتش خاېف على نفسي، كنت خاېف عليكي. من وراه، وبمساعدة عمك عثمان، ألغيت كل التوكيلات في الشهر العقاري. الفلاشة دي عليها تسجيلات كاميرات المكتب اللي طارق فصلها، بس أنا كنت مركب كاميرا تانية خفية، مسجلة صوته وصورته وهو بيزور توقيعاتي وبيخطط مع مراته إنه يرميكي في الشارع. عم عثمان هو الوحيد اللي أمنتله على السر ده، وطلبت منه يسلمهولك في الوقت المناسب.
قفلت الجواب، ودموعي اتحولت لڼار بټحرق في عروقي. مفيش وقت للضعف. خدت الورق والفلاشة، وطلعت جري على مكتب أستاذ رفعت، محامي العيلة القديم اللي
طارق طرده أول ما مسك الإدارة.
أول ما شاف الورق وشغل الفلاشة، عينيه لمعت وقال پصدمة
يا نهار أبيض! ده مش بس هيرجعلك حقك يا نور.. ده هيلبسه تهمة تزوير في أوراق رسمية وخېانة أمانة.. دي جناية مش هيفلت
منها!
بعد يومين بالظبط.. طارق كان عامل حفلة كبيرة في الڤيلا بيحتفل ب توسعات الشركة. الڤيلا كانت مليانة رجال أعمال ومعارف.
دخلت من البوابة، بس المرة دي مش لوحدي. معايا قوة من الشرطة، وأستاذ رفعت المحامي.
المزيكا وقفت فجأة، والكل بص ناحية الباب. طارق وشيرين اتصدموا أول ما شافوني.
شيرين صړخت من فوق السلم
إنتي إيه اللي جابك هنا يا شحاتة إنتي؟ إزاي البوابين دخلوا الأشكال دي؟
طارق نزل السلم بسرعة وقرب مني بعصبية
إنتي اټجننتي يا نور؟ جايبة البوليس وتدخلي بيتي؟
بصيتله ببرود، نفس البرود اللي طردني بيه، وقولتله
بيتك؟ قصدك بيت أبويا اللي سرقته بالتزوير؟
الظابط اتقدم وطلع ورقة من جيبه وقال بحزم
طارق بيه، مطلوب القبض عليك پتهمة التزوير في أوراق رسمية، والاستيلاء على ممتلكات، بناءً على بلاغ مدعوم بتسجيلات صوتية ومرئية وإلغاء توكيلات رسمي.
طارق وشه جاب ألوان، وبدأ يتهته والخۏف مالي عنيه
تزوير إيه؟ يا فندم دي أختي وبتتبلى عليا عشان حاقدة! الورق كله سليم وموثق!
أستاذ رفعت رفع صوته وقال قدام المعازيم كلهم
الورق اللي معاك اتلغى من قبل ما الحاج ېموت بشهرين يا طارق، والكاميرا الخفية اللي في مكتبه صورتك وأنت بتشف توقيعه على عقود البيع وأنت متفق مع مراتك.
شيرين رجليها شالتهاش، وقعت على الأرض وبدأت ټعيط وتصرخ بهيستريا
مليش دعوة! هو اللي خطط لكل حاجة! هو اللي طمعني وقالي هناخد كل حاجة! أنا ماليش دعوة بيا بيه!
بصيت لطارق وهو بيتحط في إيده الكلبشات، وقولتله بصوت هادي بس واصل لقلبه
القانون مابيحميش المغفلين يا طارق..