إختيار في أخر دقيقه.

رهيب، وقفت وزعقت بصوت عالي لفت انتباه الناس
إنت فاشل! ومحدش هيرضى بيك وإنت شايل الشيلة دي فوق كتافك!
وسابت المطعم وهي بتخبط بكعبها في الأرض بغل. بقلم منال علي
أحمد قعد مكانه وهو منهك، لحد ما ليلي شدت كم قميصه براحة وقالت بصوت مكسور
بابا.. هي مشيت عشاني؟ أنا تقيلة عليك؟
قلب أحمد اتعصر، وقبل ما ينطق، لقى دعاء بتقرب منهم بابتسامة زي الشمس. وطت لمستوى ليلي وقالتلها بحنان
يا مساء الجمال على أحلى أميرة.. عارفة؟ الشيف جوه عامل شوربة لسان عصفور تجنن، مخصوص للبنوتات الشاطرين اللي زيك.. تحبي أجيبلك طبق؟
ليلي رفعت عينيها بدهشة بجد؟
دعاء غمزتلها ومعاه عصير مانجو فريش كمان، لو بابا وافق طبعاً.
أحمد بص لدعاء وابتسم لأول مرة من قلبه طبعاً يا فندم، تعيشي.
دعاء بصت لأحمد بتفهم وحضرتك؟ أجيبلك قهوة تريح أعصابك؟
أحمد اتنهد يا ريت.. وميّة ساقعة.
الدفا رجع للترابيزة. ليلي أكلت وهي فرحانة ورجعت ترسم.. المرة دي رسمت نفسها وهي ماسكة إيد باباها، وجنبهم دعاء.
مين دي يا ليلي؟ سألها أحمد.
دي إنت وأنا.. وطنط الطيبة دي. شكلها مش بتزعق خالص.
أحمد ضحك من قلبه. ولما جه يدفع الحساب، دعاء حكتله قصتها في ثواني.. إنها عاشت يتيمة وعارفة يعني إيه طفل يحس إنه زيادة. وقالتله
اللي عملته النهارده يا أستاذ أحمد أنقذ روح بنتك. خليتها تحس إنها أغلى حاجة في الدنيا.. وده بالدنيا كلها.
أحمد دفع الحساب وساب تبس كبير، بس وهو بيقوم، لقى دعاء كاتبة كلمة على ظهر الفاتورة
أنا إجازتي كل يوم حد.. وفي محل حلواني قريب من هنا عنده أحلى شوكولاتة في مصر وفيه ركن للأطفال. ده مش موعد.. دي مجرد دعوة للسلام بين ناس فاهمين قيمة الحياة بجد.
أحمد خرج وليلي نايمة على كتفه، بص للفاتورة وابتسم.
عرف إن الحب مش دايما سفر وشكليات.. ساعات بيكون في طبق شوربة دافي وقلب بني آدم حاسس بغيره.
أحمد.. المطعم ده مش مكان للأطفال، إنت أكيد بتهزر!
ندى قالت الجملة دي وهي بتشيل المنيو من قدام ليلي بقرف، كأن ألوان البنت الخشب هتبوظ البرستيج بتاعها. أحمد بص لبنته اللي كشت في نفسها، وبدأت شفايفها تترعش وهي بتبص لأبوها وكأنها بتعتذر له إنها موجودة.
أحمد حاول يهدي اللعب وقال بصوت واطي ندى، المطعم واسع وليلي هادية جداً، هي بس هترسم شوية لحد ما نطلب الأكل. ندى ضحكت ضحكة صفراء وقالت ببرود أحمد، أنا جاية أسهر مع راجل، مش مع أب وأرمل شايل هم فوق كتافه.. المكان ده للناس اللي جاية تستمتع، مش للعيال اللي بتشخبط!
في اللحظة دي، جرسون المطعم جه عشان ياخد الطلبات.. ليلي رفعت عينيها البريئة وقالت عمو، عايزة عصير فراولة. ندى قاطعتها بسرعة وقالت للجرسون هات لنا اتنين ستيك مديوم
ويل، والآن بليز.. والبنت دي هات لها أي حاجة تخلصها بسرعة عشان متململش.
أحمد