اتجوزت انا و سلفتى

اتجوزت انا و سلفتى
ليلة العمر وبداية الحكاية
أنا وسلفتي اتجوزنا في ليلة واحدة.. الفرح كان واحد، والكوشة كانت اتنين، والعيون كلها كانت علينا. أنا نهى، عندي 28 سنة، عروسة ناضجة وعارفة قيمة نفسي، اتجوزت محمود اللي عنده 40 سنة، راجل مستقر ومعادلاته واضحة.
جنبي على الكوشة كانت سما، سلفتي اللي لسه مكملتش 19 سنة! عيلة صغيرة، اتجوزت أحمد أخو جوزي الكبير اللي عنده 43 سنة. الكل كان مستغرب فرق السن، بس هي كانت ضحكتها مالية وشها وبراءتها ملفتة.
دخلنا بيت العيلة.. بيت كبير فيه الحما والحماة، وأربع بنات، وأربع ولاد شباب لسه متجوزوش، أصغرهم عنده 27 سنة. يعني بيت مبيفضاش من الحركة والضيوف.
عندنا في العرف، العروسة في أول أسبوع ملكة، متلمسش القشة في البيت. أنا قررت أعيش الدور ده، صحيت أول يوم لبست أشيك قميص استقبال، وحطيت ميك اب كامل، وطلعت قعدت جنب حماتي والضيوف.. كنت فاكرة إن سما هتعمل زيي، بس اللي حصل صدمنا كلنا!
العروسة اللي شمرت من أول يوم
الساعة كانت لسه 8 الصبح.. لقيت سما خارجة من أوضتها، مش لابسة طقم الاستقبال الغالي، لا! دي كانت لابسة عباية بيتي مريحة ولمة شعرها، ودخلت المطبخ ټقتحم مملكة حماتي.
حماتي قالتلها يا بنتي إنتي لسه عروسة، ادخلي ارتاحي، ردت سما بضحكة صافية يا ماما أنا واخدة على كدة، والبيت ده بيتي ومن أول يوم لازم أشيل معاكم.
وفي ثانية، المطبخ اتقلب! البنت دي مكنتش عروسة، دي كانت شيف. عملت فطار للعيلة كلها، وجهزت صواني الحلويات اللي بتدوب في البق، وكل ده وهي بتضحك وتهزر مع أخوات جوزي البنات.
أنا كنت قاعدة بره، حاسة بلمضات الإعجاب في عيون حماتي وهي شايفة سما بتغسل المواعين وبتمسح الرخام بنشاط مبيخلصش، وأنا.. أنا كنت قاعدة فازة زينة، خاېفة المانيكير بتاعي يتمسح أو الميك اب يبوظ من صهد المطبخ!
صراع البرستيج والنشاط
مرت الأيام، وأنا لسه على وضعي.. أصحى الضهر، ألبس وأتزوق، وأقعد أستقبل الضيوف مع حماتي. كنت فاكرة إن ده الصح، إن ده بريستيجي كعروسة متعلمة وكبيرة.
لكن سما كانت في حتة تانية خالص.. كانت بتجهز الغداء ل 12 فرد وكأنه تسالي! وتغسل جبال مواعين مع أخوات جوزي، وتعمل أنواع حلويات عمري ما سمعت عنها في دقايق. الغريبة إنها مكنتش بتبان تعبانة ولا بتزهق، بالعكس، دي كانت بتكسب ود الكل.
البنات أخوات جوزي بقوا يجروا وراها، وحماتي بقت تنادي عليها هي في كل حاجة. حتى جوزي محمود بدأ يرمي كلام شوفتي سما شاطرة إزاي؟ رغم إنها لسه صغيرة بس ست بيت من الطراز الأول.
بدأت أحس ب نغزة في قلبي.. هل أنا غلطانة إني مريحة نفسي؟ ولا هي اللي بتجامل على حساب برستيجها؟ البيت كله بقى بيتكلم عن العروسة الشاطرة والعروسة الهانم.. وبدأت